الامثال الشعبية المصرية

امثال مصرية موسوعة الامثال الشعبية المصرية

ا

ادي الباب و ادى الباب و الرزق على الرحمن

اخد ابن عمي و اتنشر عليه بكمي و اخد ابن خالي و اتنشر عليه بشالي

ادى الجمل و ادى النخلة

ادى الجمل و ادى الجمال

ادينى حيه لما اشوف اللى جيه

ادي السما و ادى الارض

اهو حشر مصران

اكل فول و اخرج قفاي عرض و طول و لا اكل كباب ووقفة الديانة ورا
الباب

ابطى و لا تخطى

اى تقضي شغل و لا تقضى اثنين

ابعد عن الشر و غنى له و لا تقنى له

ابعد عن الشر و غنى له

ابن بطني يفهم رطني

ابعدوا تبقوا عسل واقربوا تبقوا بصل

ابن السمان غلب ابن الجزار

الابن الردي بيجيب لاهله اللعنة

ابن عمها ينزلها من على الحصان

ابن الشيبة للخيبة

ابن الوز عوام

ابن الكبة طلع القبة و ابن اسم الله خده الله

ابن يومين ما يعيش ثلاثة

ابن يوم ادى له يوم و ابن سنة ما تحاسبوش

ابنى فى ملكك و ملك غيرك لا و احكم بطبعك و طبع غيرك لا و
ربي ابن ابنك و ابن بنتك لا و الميه تنزل فى الواطي و العالى لا

ابنك ما يبقاش ابنك الا لما تجيبه من فوق كراسى قلبك

ابوك البصل و امك التوم منين تجيك الريحة الحلوة ما مشئوم

الابوص احسن من الدبوس

ابو مية بيحسد ابو حولية

ابويا الكلب وطا بى و جوزي السبع علا بى

الابيض غلب الاسود

ابويا نهاني و قالى على الكسل بطال ، اعمل بخمسة و حاسب البطال

اتحمل همك و هم غيرك تموت و انت واقف على حيلك

اتجوز غازية و لا تتجوزش غمراوية

اتعلم الادب من قليل الادب

اترك الهم ينساك و ان افتكرته ضناك

اتهان الورد و اتبدر لما بقى مخاول البقر

اتعلم الكرم من البخيل

اتوصوا بينا ياللى حكمتونا احنا العبيد و انتوا اشتريتونا

اتوصوا ببعضكم جات الغربة داهية

اجرى يا خايبة للغايبة

اجرى يا ابن ادم جرى الوحوش غير نصيبك يا ابن ادم لم تحوش

احضر اردبك يزيد خروبة

اجرى يا مشكاح للقاعد مرتاح

احضر اردبك يزيد كيله

احضر اردبك يزيد قدح

احنا كده يا ستات عينا فيه كخ عليه

احمد اخو الحاج احمد الاتنين اخوات

الاخ اخ مراته و الخايبة تحلف بحياته

احيينى النهاردة و موتنى بكره

اختلافهم رحمة

اخبار البلد مع مين ؟ مع العمى و المكسحين

اخد البال يتعب

اخته فى الخمارة و عامل امارة

اخطب لبنتك و لا تخطبش لابنك

اخرس و عامل قاضى

اخيط بسلاية و لا المعلمة تقولى هاتى كراية

اخوك ما اهو اخوك و ابوك ما اهو ابوك

الادب رسمال

ادب ابنك صغير تفرح بيه كبير

ادبح بسك ليلة عرسك

الادب فضلوه عن العلم

ادعى على ابنى و قلبى يقول اسم الله

ادعي على ابنى و اكره اللى يقول امين

ادم البخوت للندل و الندلة و مكتكتين الشعر و الهبلة

ادعى على ابنى و قلبى يقول بعيد الشر

ادوروا خبزكم يباركم لكم ربكم

ادوا للاعمى فرخة قالوا ليش حال المفتح

ادى مالك للى عنده مال و ادى عيالك للى عنده عيال

ادى العيش لخبازينه و لو ياكلوا نصه

ادينى النهاردة صوف و خد بكرة خروف

ادينى عمر و ارمينى البحر

اذا غضب الله على قوم اسكنهم بنها و شبين الكوم

اذا اختلف اللصان ظهر السارق و المسروق

اذا كان الغلة تيجى قد التبن كانت الحما تحب مرات الابن

اذا كان عندك السمن قنطار لا تقلى للعدس و لا البصار

اذا كان النبيت دردى و العشيق كردى و النقل فول حار و العشا بصار ايش
يكون الحال

اذا كان الكلام من فضة يكون السكوت من دهب

اربط البغل جنب الحمار ان ما تعلم شهيقه يتعلم نهيقه

اذا كنت بتكره حد ما تقولش قدام عيلك

اربط الحمار مطرح ما يقولك صاحبه

اربط الحمار مطرح ما يحب صاحبه

اردب فول و لا اردب شعير

اردب ما هو لك لا تحضر كيله تتعفر ذقنك و ما ينوبك غير شيله

الارض بفلوس و السما ببلاش

الارزاق بالله

ارمح فيها يا ابو لجام خيط

اركب المطية يا عطية

استعدل و لا تستعجل

ازرع اسود الراس يقلعلك

اسعى يا عبد و انا اسعى معاك و ان قعدت يا عبد ما حدش ينفعك

استودوا تستحبوا

اسمع من صاحبك و فتش على قوله

اسم الله على الجلة من النجاسة

اش بعد الكتير و بعد ما كنا صبح القليل يجبر بخاطرنا

اسى الولادة منسى

اشترى بدرهم بلح بقى لى فى الحى نخل

اشبع البهايم و دبر البرسيم

اشتم ستك تعزك

اشترى الجار قبل الدار

اصباح الخير تحبل اصباح الخير تولد

اشكى لمين و كل الناس مجاريح

اربط الغزال ريح الحمار ان ما تعلم من شهيقه اتعلم من نهيقه

اصبر على الجار السو ليروح لتجيله زيحة

اصحاب العقول فى مناحة

اصحاب العرس مشتهين المرق

اصطلحت المقشة و يا البلاعة و الاتنين بقوا جماعة

اصطلح الفار على العرسة و نسيوا الهتيكة و الجرسة

اصلك يرد عليك

اصعب من رمى الحجر من تحت لفوق ظريف المعاني يعاشر قليل الذوق

اضحك و انشرح و اوعى صابعك ينجرح

الاصيل يتعاتب اما الندل ما يتعاتبش

اضرب خالك يعدك

اضرب ابو بشت يخاف العريان

اضرب عاد بثمود و ارقص مع القرد اذا حكمت ما دمت فى دولة القرود

اضرب السليب يخاف المربوط

اطعم الفم تستحى العين

اطبخ يا عبد كلف يا سيد

اظهر و بان و عليك الامان

اطلب لاخوك الخير ان ما جالك منه يكفيك شره

اعزم و اكرم و اكل العيش نصيب

اعرف صاحبك و اركنه و اعرف عدوك و اركنه

اعمل بطالتك لعدوك

الاعمار بيد الله

اعمل الطيب و ارميه البحر

اعمل الخير و ارميه فى بحر جارى و ان ضاع عند العبد ما يضعش عند
البارى

اعمل انت و انا و المجازى ربنا

اعمل اللى عليك و الباقى على الله

اعمى اتجوز طارشة لا هو شايفها و لا هى سامعاه

اعمل كل شئ تلقى ماعدا القحب و السرقة

اعمى يقول لاعمى سنة سودة اللى تجمعنا

اعمى و بيرمح فى النخل

الاعور فى بلاد العمى اسمه كحيل العيون

اعمى ينادى اطرش لا ده شايف و لا ده سامع

اغسلى حلتك من دمعتك و لا تغسليهاش من زعلتك

الاعور وسط العمى سلطان

افطروا و اتمخطروا و اتغدوا و اتمدوا و اتعشوا و اتمشوا

افطر بيه قبل ما يتغدى بيك

افقر من الفقر

افقر من الدبور

اقرب السكك خالصها

الاقارب كالعقارب

الاقرع حصل ابو تاج

الاقرع بياكل حلاوة ، قال : بفلوسه

اقصر الشر

اقسم للاعرج يسبقك فى الغيط

اقعد اعوج و اتكلم عدل

اقطع راس الكلب و ارميها و اللى فيه خصلة ما يخليها

اكبر منك بيوم يعرف عنك بسنة

اقل بصلة تنزل الدمعة

اكسر للبنت ضلع يطلع لها اتنين

اكتر من الهم على القلب

ايش ينفع الندم بعد العدم

اللى تكره وشه يحوجك الزمان لقفاه

اكفى الطاسة تيجى الف لقاسة

اكف القلة على فمها تطلع البنت لامها

اكل الفلاح تفاح ، قال : الفجل احسن

اكل العيش يحب الخفية

اكلهم تجارة و لبسهم خسارة

اكل و مرعى و قلة صنعة

اكنس بيتك و رشه ما تعرف مين يخشه

اكلونى و هنونى و ها اعرف اللى ولدونى

البسوا لما تقرفوا و البسوا لما تضعفوا

اكيب و سارح بمعزة

البسى خف و اقلعى خف لما ييجى خف يناسبك

البسى خف و اقلعى خف لما يبقاش فى الدنيا و لا خف

الف البلد شقة و شقة و استخبى على السقا

الالف تجر البيه

الف عدو برا الدرا و لا عدو جوا الدار

الف حاوي و لا محلاوي

الله يلعنك يا زمان يا للى خليت للندل كلام و جبت اللى ورا قدام و
خليت السيد خدام

الله يخليكي يا شدة ياللى تبينى ده من ده

اللى ادى له خالقه ما حدش يخانقه

اللى اختشوا ماتوا

اللى انت منه و ابوك منه ما تختشي منه

اللى افتكرنى ما عقرنى و لو جاب طوبة و زقلنى

اللى اوله شرط اخره نور

الللى انضرب الكف يستحمل الالف

اللى ايده فى النار تعبان

اللى ايده فى المية غير اللى ايده فى النار

اللى بتجيب سيرتى تحتار حيرتي

اللى ايدى ما هى فى مقطفه الف عفريت يلهفه

اللى بلا ام حاله يغم

اللى بالفلوس ما تشتهيه النفوس

اللى بتحبل يجيبوا خبرها المجاورين

اللى بلا ام حال يغم و لا بلا اب حاله كرب

اللى بيعاير ما على باله من اللى داير

اللى بنى مصر كان فى الاصل حلوانى

اللى بيته من ازاز ما يرميش الناس بالطوب

اللى بيته من ازاز ما يقلعش بالنهار

اللى بيعفر عفار بيجى على راسه

اللى بيشتغل احسن من الواقف

اللى تجوز يوم الجمعة ما ينشفلهاش دمعة

اللى تتجوز يوم الاربع على بيت ابوها ترجع

اللى تجى له المصايب يدق الابواب العالية

اللى تجوز يوم الحد ما يعلاش عليها حد

اللى تحبل فى الفرن تولد فى الجرن

اللى تجيبه الارياح تاخده الزوابع

اللى تخاف من العرسة ما تربيش كتاكيت

اللى تحمل همه ما يجيش احسن منه

اللى تستال بيه يغلبك

اللى تزور بيه الفخراني هات بيه قلل

اللى تسكر بيه افطر بيه

اللى تستسهل به يقتلك

اللى تطبخه العمشة جوزها يتعشى

اللى تشيل الفحل تشيل الوحل

اللى تعرف معنته تعرف نفسيته

اللى تعرف ديته اقتله

اللى تغلب به العب به

اللى تعمله يا فقى فى البناية تلتقى

اللى تقطه احسن من اللى تمطه

اللى تفكه بايدك ما تفكوش باسنانك

اللى تكره وشه ييجى عليك يوم تحتاج لقفاه

اللى تقول عليه موسى يطلع فرعون

اللى تكرهه دلوقتى تعوزه بكره

اللى تكرهه تجيب الذنب له

اللى جوزها يحبها الشمس تطلع لها

اللى تدلعه الحية يخاف من ديلها

اللى حلم كدب اللى شاف

اللى حبه ربه و اختاره جاب له حاجته حتى باب داره

اللى خلف ما ماتش

اللى حماتها تحبها الشمس تطلع لها

اللى رشك بالمية رشه بالدم

اللى راسها بتوجعها صيت ابوها ينفعها

اللى سبق كل النبق

اللى سبق قعد على الطبق

اللى عاجبه شاريها ما حد مثيلها

اللى طايله اعمله

اللى على البر شاطر

اللى عاجبه من الكحل يتكحل و اللى مش عاجبه من البلد يرحل

اللى على الدنيا بيقاسى همومها

الى على البر عوام

اللى على الدنيا يتولاها

اللى على الدنيا يبكى عليها

اللى عمل جميل يتمه

اللى على راسه بطحة يحسس عليها

اللى عنده عيش و بله عنده الهنا كله

اللى عنده عيش و بله عنده الفرح كله

اللى فى ايدك اقرب لك من اللى فى جيبك

اللى فات مات و احنا ولاد دلوقت

اللى فى البزازات بترضعه الولادات

اللى فى ايد الناس بعيد

اللى فى الحلة تطلعه المغرفة

اللى فى جيبك اقرب من اللى فى جيب غيرك

اللى فيه داء ما يسلهوش

اللى فى ودنه حلقة ما تجوزش عليه صدقة

اللى كواها البين تطبخ محشى

اللى قبلنا قال البركة فى الحبتين

اللى له اول له اخر

اللى لسعته الشوربة ينفخ فى الزبادي

اللى له ظهر ما ينضربش على بطنه

اللى له رقعة ما تدوب له خلقة

اللى له قلب يخاف

اللى له عمر ما تهينوش شده

اللى له عين و راس يعمل زى ما تعمل الناس

اللى له كف ياخده الف

اللى ما تاخده ام خمسه يبات و يمسى

اللى ما ايدى فى مرجونته ما على منه و لا من جودته

اللى ما تاخده الايد يعيش و يكبر

اللى ما تاخده الايد يعيش و يكيد

اللى ما تقدر له اصبر له

اللى ما تعلموش امه و ابوه تعلمه الايام و الليالي

اللى ما تصبحه و ما تمسيه ما تعرف اللى جرى فيه

اللى ما تشبع برسيم فى كيهك ادعوا عليها بالهلاك

اللى ما تعرفه تجهله

اللى ما تغيرش على بعلها حلل الله قتلها

اللى ما فلح البدرى هيجى المستاخر يجرى

اللى ما شاف و لا فنن شاف اى حاجة اتجنن

اللى ما فيه خير تركه خير

اللى فى ايدك يكيدك و اللى فى ايد الناس بعيد

اللى ما لهاش وليه غدرة الزمان جية

اللى ما لكش فيه ما تنحشرش فيه

اللى ما لوش قديم ما لوش جديد

اللى ما لوش شغلة تشغله يفتح الباب و يقفله

اللى ما معاهوش ما يلزموش

اللى ما لوش كبير يشترى له كبير

اللى ما نفعنى بيضى هبكى على بيض بيضى

اللى ما ناكله فى هناهم ناكله فى عزاهم

اللى ما ينفعنى و انا حيه وقت الممات يوفر مدامعه

اللى ما يبكى على فى الحى و انا سامعه ساعة الممات يوفر مدامعه

اللى ما يتعب و يبان عليه نيموه و ابكوا عليه

اللى ما يبلع ريق على ريق ما يخلى صاحب و لا رفيق

اللى ما يرضى بالخوخ و لا بشرابه ضرب البمب اولى به

اللى ما يدخل النار فى حب صاحبه دخول الجنة حرام عليه

اللى ما يشترى يتفرج

اللى ما يتعناننيش ورد على راسه ما استعناهوش جزمة فى رجلى

اللى ما يطاوعكش طاوعه

اللى ما يشوفمن الغربال يبقى اعمى

اللى ما يعرف امك و ابوك يقول العفاريت ولدوك

اللى ما يطلعش شكل ابوه و امه من اين يجيبوه

اللى ما يقدر على البقرة و عليقها يخلى من طريقها

اللى ما يغليها جلدها ما يغليها ولدها

اللى ما يقدر على الحمرا و عليقها يخلى من طريقها

اللى ما يقدر على الحمارة و عليقها يخلى من طريقها

اللى يموت منين يفوت

اللى ما يقرى العواقب ما لوش فى الدنيا صاحب

اللى ما ينفعش فى الديق ما يعاشر رفيق

اللى ما ينفعش طبلة ينفع طار

اللى ما يجى و باله مشروح طريق السلامة من هنا و يروح

اللى ما يهمك وصى عليه جوز امك

اللى مش فى ايدك يكيدك

اللى محتاجه بيتك محرم على الجامع

اللى معاه قرش و محيره يجيب به نحل و يطيره

اللى معاه عيش يتعفرت على الجبنة

اللى معاه مال يمشى فى الطريق و يمد و اللى بلا مال قطعة ردا بتسد

اللى معاه قرش و محيره يجيب حمام و يطيره

اللى منك منك و يحمل همك

اللى من دمى ما يخلى من همى

اللى واخد على اكلك يتلمض لك

اللى نحرته بالليل نبططه بالنهار

اللى واكل لحة نية توجعه بطنه

اللى وقع لينصلح لينسلخ

اللى ياكل اوقية عياه دلوعية

اللى ياخد قوتى ناوى على موتى

اللى ياكل على ضرسه ينفع نفسه

اللى ياكل بالخمسة يلطم بالعشرة

اللى ياكل و يبان عليه اسم الله عليه و اللى ياكل و ما يبانش عليه
تفوا عليه

اللى ياكل قد الزبيبة ما فيهاش عيا و لا مصيبة

اللى يبيع الجمل ما يدورش على ايراده

اللى يبص لفوق يتعب

اللى يتجوز امنا نقول له يا بابا

اللى يبيع يغتنى سنة و اللى يشترى يفتقر سنة

اللى يترك داره ينقل مقداره

اللى يتجوز امى اقول له يا عمى

اللى يحبه ربه يحبب فيه خلقه

اللى يتف تفه فوق ترد فى وشه تانى

اللى يخاف من العرسة ما يربيش كتاكيت

اللى يحوش البرد يحوش الشرد

اللى يختشى من بنت عمه ما يجيبش منها عيال

اللى يخاف من العفريت يطلع له

اللى يخرز يخرز على وركه

اللى تختشى من ابن عمها ما تنجيبش منه عيال

اللى يخسر شئ عليه انصلاحه

اللى يخسر شئ فى الشرع يلزمه

اللى يدوق الحرام ياكل ما يشبعش

اللى يدفع القرش ابنه يزمر

اللى يسرق البيضة يسرق الفرخة

الليى يسرق البيضة يسرق الجمل

اللى يسكت و ما يقولش لمراته ليه ؟ رحمة الله عليه

اللى يسعدها زمانها تجيب بناتها قبل صبيانها

اللى يسود ما يزود

اللى يسمع كلام الناس ما ينفعش و اللى ياكل حرام ما يشبعش

اللى يشوف الفول و لا ياكلش يحب و لا يطولش

اللى يشترى اللى ملهوش لزمة ييجى يوم يبيع اللى له لزمة

اللى يصطاد الدر يشرب الماء المر

اللى يشيل قربة مخروقة تخر على كتفه

اللى يعترف بالغلط يكسب القضية

اللى يطلع من داره يتقل مقداره

اللى يعقد عقدة يشيلها

اللى يعرف ابويا يروح يقول له و اللى كتب كتابى يحله

اللى يعمل به العويل يتشدق به

اللى يعمل بطب ينقلب عليه بمرض

اللى يعمل خده مداس الناس تدوسه

اللى يعمل به القرد يعلق به الحمار

اللى يعمل نفسه رده تنكشه الفراخ

اللى يعمل ضهره قنطرة يستحمل الدوس عليها

اللى يعيش ياما يشوف و اللى يمشى يشوف اكتر

اللى يعمله الحلى يتحاكى به الضيف

اللى يقرصه التعبان يخاف من ديله

اللى يفضل من الموت يتجنن

اللى يقول لصاحب الطلب لا اخلص من اللى يقول حاضر

اللى يقول الحق ما يتقالوش لا

اللى يقول ينقال عليه

اللى يقول لها جوزها يا عورة الناس يلعبوا بيها الكورة

اللى ينشرى ما ينشهى

اللى يمشى ياما يشوف و اللى يلف يشوف اكتر و اللى قاعد فى الدار خروف
و الزهير ما يعطى الا الحلوف

ام بربور ما بتبور

اللى ييجى فى الريش بقشيش

ام الغول عاملة فرح ، اياك يقضيها و يقضى اولادها

ام العليل مشلولة و اذا كانت ميت شملولة

ام واحدة ربنا محيرها و ام عشرة ربنا مدبرها

غولة عندها عرس يا ريت يكفيها و يكفى جيشها

اما شكى العيان حاله يبينه

اما شفى المريض ينسى وصفة المداوى

امشى اما انظرك و اتكلمى اما اسمعك

امشى على كيف البغلة

امشى عدل يحتار عدوك فيك

امشى سنة و لا تخطى قنا

امشى و مد دا شئ يهد

امشى فى جنازة و لا تمشى فى جوازة

املى عينك و دكها و ايدك ما تقدر تمدها

امك فى العشة و لا طارت

امى مش فاضية تجيكم و انا جاية اعزيكم

امى مش فاضية تجيكم و انا جاية اهنيكم

ان جالك عدوك لبابك قول له مرحبا بك

ان جاعوا زنوا و ان شبعوا غنوا

ان جبت للمجنون ميت عقل على عقله ما يعجبوش الا عقله

ان جالك الفرح طبل على الصفيحة

ان جه عليك الهم طوفان حط ابنك تحت رجليك

ان جه عليك النيل طوفان حط ابنك تحت رجليك

ان جوزت بنتك غريبة حضر لها حمار و زكيبة

ان جه للحزينة ميت و ميت اردب دانها حزينة و مشتهية الحب

ان حبوك موتوك و ان كرهوك موتوك

ان حبتك حية اطوق بيها

ان خفت ما تقول و ان قلت ما تخاف

ان حبوك يا ويلك و ان كرهوك يا ويلك

ان رايته يسب اعرف انه يحب

ان دبلت الوردة ريحتها فيها

ان سلمت النار من سعيد ما ييجى حد من بعيد

ان سرقت اسرق جمل و ان عشقت اعشق قمر

ان ضاربت جارك ابقيه و ان غسلت ثوبك انقيه

ان شجر المنجة طرح جريد عمر العدو ما يبقاش حبيب

ان طال الليل على قد ما طال لابد من طلوع الفجر

ان طاب المربض ببخت الطبيب

ان طلع العيب من اهل العيب ما يبقاش عيب و ان طلع العيب من اهل
الكمال يبقى عيب

ان طال العمر على قد ما طال لابد عن نزول القبر

ان على و اترقى علامته الدقة

ان عاشوا كلوا الدبان و ان ماتوا ما يلاقوا الاكفان

ان عمل مهما عمل متعوس و خايب الامل

ان عمل صوابعه مسرحية و قتيلة ما فى حمد و لا جميلة

ان غرك الزول يا فتى تندم

ان عيط ابنك عيط معه ما تعرف ايه اللى بيوجعه

ان فاتك البدرى شمر و اجرى

ان فات عليك الغصب اعمله جود

ان فاتك البندر اتمرغ فى ترابه

ان فاتك الميرى اتمرغ فى ترابه

ان قلت ما تخاف و ان خفت ما تقول

ان فلح الخايب يعمر بيت ابوه

ان كان بختى فى حجر اختى اخطفه و اجرى

ان كان الاودة قد المعصرة ما تسعش غير الراجل و المراة

ان كان جارك سفيه اعمل له كحك و هاديه

ان كان البيت للعمامة روح طريق السلامة و ان كان البيت للدفة خش و اتدفا

ان كان حبيبك عسل ما تلحسوش كله

ان كان جارك فى خير افرح له و ان ما جالكش منه يكفيك شره

ان كان دراعك سنابله اقطعه

ان كان خال الخال فيه رخاوة يكون ابن بنت الاخت وارث الخصايل

ان كان عيبه فى فمه شنبه يلمه

ان كان صديقك فى ازمة امشى حافى و اخلع له الجزمة

ان كان لك عند الكلب حاجة قل له يا سيد

ان كان القمح اد التبن تبقى الحما تحب مرات الابن

ان كان لك صاحب لا تعامله و لا تناسبه

ان كان لسان المرة جهر اقطعه

ان كان نايم صحوه و ان كان صاحى اعدوه و ان كان قاعد وقفوه و
ان كان واقف جروه

ان كان لك طرحة خش بفرحة و ان كان لك طربوش اخرج مكروش

ان كبر ابنك خاويه

ان كان ميه هم العزاز و غاليين على

ان كتمته فى الحشا ضره و ان شكيته فى العدا سره

ان كتر عليك الشغل فرقه على الايام

ان كلت كل و اشبع و ان ضربت اضرب و اوجع

ان كرهتوهم ما تكدبوا عليهم

ان كنت حرامى اتقى الله فى صنعتك

ان كنت بدك تهريه اسكت و خليه

ان كنت عاوز تمص قصب مص من الوسط و ان كنت عاوز تخطب خد رفيعة
الوسط

ان كنت عاشق و مشتاق طول لابويا الاشلاق

ان كنت وحشة كونى نخشة

ان كنت فى سراية عشر تدوار عينى لعشهم و ان كنت فى خير للشوشة عينى
لمشهم

ان كنتم نسيتوا اللى جرى هاتوا الدفاتر تنقرى

ان كنتم اخوات اتحاسبم

ان ما شكى العيان حاله يبان

ان لبست خيشة انا عيشة

ان واعدت لا تخلف و ان خالفت لا تفجر

ان مال عليك الزمن ميل على دراعك

انا غنية و احب الهدية

ان وقعت يا فصيح ما تصيح

انا فى همك بتاتى و انت فى قلع اوتاتى

انا فجل بطينه و اللى يطلب شئ يجيله

انا و اخويا على ابن عمى و انا و ابن عمى على الغريب

انا و اختى نعمل فرح بنت اختى

انا وراك و الزمان طويل

انا وحشة و اعجب نفسى و اشوف الحلوين تقرف نفسى

انت جيت توسقها رز طلعت ملح ؟

انت تتعلق فى حبال الهوى

الانتظار قطعة من النار

انت زرعتها منجه طلعت فجل ؟

انسى الهم ينساك

النتظار يورث الاصفرار

انصح صاحبك من الصبح للضهر و اخر النهار غشه

انصح الجاهل يعاديك

اهرى يا مهرى و انا على مهلى

انضف من الصينى بعد غسيله

اهل السماح ملاح

الاهل زى الملح لا غنى عنهم

اهلك لتهلك

اهل الميت صبروا و المعزين كفروا

اوع تماشى الردى مشى الردى بطال

اوصيك يا ابو زيد لم تقيد فى الخلا النار بتورى و الطريق بيجيب

اول بخت ما يتعوضش

اوقية لحم و لا فدان فى الكروش

اول حزنها جواز ابنها

اول بيضة للغراب

اول سبوع يا عروسة خوخة و تفاحة و تانى اسبوع يا عروسة على المحكمة راحة

اول الرقص حنجلة

اول المنطاعين و اخر العاصين

اول مرة بدر منور تانى مرة رغيف مدور و ثالث مرة عفريت مصور

ايد الحر ميزان

ايد بوستها تستاهل قطعها

ايد على ايد تساعد

عين الحر ميزان

ايد على ايد تودى بعيد

ايد على ايد تشيل

ايده مخروقة

ايد لوحدها ما تسقفش

ايش تعمل الماشطة فى الوش العكر

ايش تاخد من تفليسى يا برديسى

ايش حال مريضكم ؟ قال قوينا مات

ايش جاب البحر للترعة ده طلعة و ده طلعة

ايش عدوك فى البقر ؟ قال : الاحمر ابو عنين واسعين

ايش خيره عنه ما هو ابن عمه

ايش عملت الحرة ؟ اتطلقت و اتجوزت

ايش على بال الداير من اللى بيعاير

ايش غرض الاعمى ؟ قال : قفة عيون

ايش عملت الحرة ؟ قال : اتجوزت

ايش ياخد الريح منا البلاط

ايش ها يسرق فرخة النورى
ايش يضر السحاب من نباح الكلاب