قصيدة روعة للشيخ الهامل
اليوم جبتلكم قصيدة للشيخ الهامل ان شاء الله تعجبكم : كي نهدر معاك حاولي تفهميني
و اللي راه في قلبك غير اهدريه انا ما قلتلكش بالسيف ابغيني قلبك من حقوا
يعشق اللي يبغيه انا طلبت منك غير تصارحيني و لو
كي نهدر معاك حاولي تفهميني
و اللي راه في قلبك غير اهدريه
انا ما قلتلكش بالسيف ابغيني
قلبك من حقوا يعشق اللي يبغيه
انا طلبت منك غير تصارحيني
و لو بخط برية واش عليه
جوابك كيما كان يربين ي
او ما تهمنيش كلمة لالا ولا ايه
غير كلمة , تفري اللي بينك وبيني
و تريحني من لعذاب اللي راني فيه
يا الغالية راكي عييتين ي
وقتاش قلب العاشق تفهميه
طبطبت و ناديت ما جاوبتيني
ما عرفتش علاش بابك بلعتيه
لو صرالك ما صرالي تعدريني
انا همي غير ربي اللي عالم بيه
محقور في عشقك حقرتيني
قلبي كان هاني و انتي هولتيه
مظلوم في غرامك ظلمتيني
و جميع من ظلم الدنيا دارت عليه
بريء و بسكاتك تهمتين ي
ربي يحاسبك على الشيء اللي درتيه
درتيني عدوك في قفصك سجنتيني
عماتك الدنيا عقلك ودرتيه
في سجن لعذاب وحدي خليتيني
بلعتي لبواب و المفتاح اديتيه
لكن ربي كريم و قادر ينجيني
و ما بقالي غير نوكل امري ليه
قادر المولى يبليك كيما بليتيني
و يسجنك فالقفص اللي راني فيه
ما طلبتش المحال غير حاجة تكفيني
صارحيني و اللي في قلبك اهدريه
انا حتى لو كان نعرف بلي تكرهيني
نحلف على وجهي ما تزيديش تشوفيه
ما نبكيلك ما تطيح دمعة من عيني
- قصائد الشيخ الهامل
- كلمات اغاني شيخ الهامل
- كلمات الشيخ الهامل مكتوبة
- الشيخ الهامل
- جميع قصائد الشيخ الهامل مكتوبة
- قصائد الشيخ الهامل مكتوبة
- قصائد الشيخ الهامل
- قصائت الشيخ الهامل
- قصائد شيخ الهامل
- شعر شيخ هامل مكتوبة
- اشعار الشيخ الهامل
- كلمات الشيخ الهامل
- شيخ الهامل كلمات
- قصائد شيخ هامل
