اول حاجة افتحي الفرن على درجة متوسطة
تدهني صنيتك سمنة او زيت وتبطنيها دقيق
ونيجي بقى للشغل المهم
تجيبي الخلاط بتاعك
وتحطي فيه
كوباية زيت
كوباية سكر
كوباية لبن (او كيس لبن نيدو بجنيه ومعاه كوباية ميه)
اربع معالق كبار كاكاو بودرة
واضربي يا اختي
هاتي بقى كوبايتك الحلوة وخدي من الخلاط واملي ثلاث ارباع الكوباية
وده يا قمراية الصوص
حطيه في التلاجة
الباقي اللي في الخلاط اكسري عليه بيضة حلوة وشوية فانيليا واضربي
تكوني ناخلة كوباية دقيق حلوة وكيس بيكنج بودر
وتحطي عليه الخليط اللي في الخلاط وبالمضرب السلك واضربي بالراحة
تصبي بقى في الصينية بالراحة
هتبقى كده
وتدخليها الفرن وتسيبها على الاقل نصاية ومتفتحيش عليها الفرن خااااالص الا لما تحسي انها استوت
وهتبقى كده
طلعيها من الصينية وادهنيها بقى كده زي الشاطورة من الصوص بتاعنا اللي حطيناه في التلاجة
وسيبه في التلاجة شوية في الرف اللي تحت الفريزر
وطلعيها وبالهنا والشفا
- حلى الطبقات الثلاث
