دمعة العين

قلت:الوداع وجاوبت دمعة العين

تجرح بساتين الخدود النديه

وغضت وشفتبعينها الحزن حزنين
وصاااحت على الفرقا انا مو قويه

وجاوبتها ارجووووك تكفين..تكفين !!
والله دمعك يشعل النار فيه

وقالت : تعاهدني عهاد المحبين
الله يخووووون اللي يخوووون خويه

قلت ابشري واللي خلق لاتظنين
حرااام ماغيرك عشقت ادميه

وقصت شعرها !! قلت انا وش تسوووين؟!
قالت ابي من غرتي لك هديه

ونادتني الغربه على الهم والبين
احسب الاياام روحه وجيه

وفي كل ليله ترتسم بين رمشين
خيالها بين الرموووش الشقيه

غربة سنه في ذمتي غربة سنين
متى على الله يلتقي الحي حيه

خلاص هانت مابقى غيريووومين
خلااااااص قفت غربه جرهديه

ورجعت شوقي في خفوقي بر١١١كين
ورجعت اناكلي لها جاذبيه

وسالت ماردوا ؟! وانا اصيح { هي }وين؟!
‏ وكل (ن) نثر من داخل العين ميه

وفي معمة حزني تلقيت رمحين
قالوا : { توفت } غافلتها المنيه

وفي غرغرتها ماذكرت غير حرفين
تشهدت % باسمك % شفاة اليه
وتزاحمت في داخلي ال١٠٠٠ف سكين
والحزن يطويني ثمانين طيه

صدمه وجابتني على الارض نصفين
وشلووون راحت دون ذنب وخطيه ؟!

تكفووون دلوني على القبر هالحين
ماعاد فيني للصبر مقدريه

ووقفت اطالع قبرها بين نصبين
وجلست اضم اغلى النصايب عليه

واصيح وش بك ياغلاااايماتردين
اشتقت همس شفاهك النرجسيه

وش فيك جيت من السفر ماتهلين ؟!
ماهي بلك عاده ولاانتي رديه

وحاولت في لحظه اجرح الدين
وازيح تربة قبرها في يديه

وبالغصب شالوووني حشى تقل مسكين
واصرخ بهم والله والله حيه

وقفت وتااااهت بي جميع العناوين
والحزن يلعب داخلي سامريه

ورجعت لدروب الشقى قبل عامين
مدري من اللي صار فينا ضحيه