بوقالات جزائرية

هده بوقالات من قلب الجزائر
1 .هبط لقاع البحر ، فرشت زربية ، خرجت لي جنية ، قالت لي واش
بيك يا بنية ؟ قلت لها راحوا حبابي و خلاوني وحدانية.
2 .لو كان السعود تنغرس بالعود نغرس ميات عود في وطية ، لكن السعود بيدك
يا معبود . يا سقام السعود سقم لي سعدى.
3 .طلعت للغابة ، صبت الضرو يابس ،قتلوا يا ضرو القمر يمشي ولا حابس ،
قالي مفرش زربية وحذاه طاوس .
4 .رشيت عتبة الباب بالزهر و الطيب ، وسقيت كل الاحباب بالعسل و الزبيب ،
و كى نسيت جاني جواب كنت نستناه من عند البعيد.
5 .مديت لقاع البير و فرشت زربية ، حرقست حرقوس ذهب من راسى لوذنية ،
فرحي يا يما سعدى زها ..و استشفاي في العدو الى استشفي في .
6 . يما يما ديريلي تويقة في وسط الحديقة باش نشوف زهرى كي تجيبو ذيك
الوريقة.
7 . ديديو..ديدو..انا سعدي مليح ، قنديلي ضاوي ، البنيان الى بنيتو قع سجالى ،
بنياني فوق غرفة و لي يخصني يكملهولي العالي .
8 . عسل يا عسل في باقة خضرا ، يا شميمت العاشقين يا قمرا ،
حلف سيد الملاح ما يراس امر غير اذا جات غزالته باش تكمل الحضرة.
9 . الدالية دلات ..و دل العنقود ، خلي القمر ينكشف ، والسحاب يذوب ،
و خلي لالات النسا تنال المرغوب.
10 .خرت نهار الجمعة ، في يدى شمعة ، قالولي امسحى ذيك الدمعة ، و
انساي الخلعة ، قريب يتلموا احبابك و صحابك و يفرحوا معاك الجماعة .
11 . الناس تنده بالرجال و الوالي ، وانا ننده بربي العالي .
12 . حوم حوم يا حوام ، حوم فوق السطح العالي ، و قول لها
يا لالة يا زينة لبنات و خدودها براقة ، و عيونها غراقة ، صارت كل
القلوب ليها سباقة.
13 . كلام على كلام و الكلام على سقيلة ، العين في العين و الدعوة
مقبولة.
14 . يا شمس واش بيك ذابلة ، الا لابيك الزين راني نفكر فيك ،
و اذا بيك الزهر ربي ما يتخلي عليك .
15 . محبس منقوش ، مربي على الفشوش ، ما يحمل الهانا ، اصبر يا
خاطري حتى يفرج مولانا .
16 . لزيت لباب الرياض ، الورد عالباب النرجس باسني ، الزهر عنقنى ، و
الياسمين ما بغ يكلمني .
17 . قطعت اللحم بيدى و عملت بذور ، و سمعت الكلام بوذنى و عرفت
من قالو ، يا قايلين الكلام القبيح واش تربحوا ، انا طاوس في القصر و
انتم خفاش النهار ما يضوالو.
18 . جزت على جنية ، قالت لي واش تحوسي يا ولية ، قلت لها
مانى نحوس لا على ما ولا على جاه ، نحوس على من ضيعت يولي لي
.
19 . جايز على باب دارنا ، لابس تلمساني ، قتلو يا شيخ بالاك تنساني
، قالى والله ما ننساك ، ونصيبك على ربي جاه و سلطاني.
20 . امنت بالله ، و المنام رؤية من عند الله ، حمامة بيضة جات
ترفرف علي ، معاها حصان توقف بين يدي .
21 . نبعث لكم دموعى في مشوار زرق ، و نبعث كلامي في برية تحرق
، ما ننساكم يا ناسى بحق مكة و بلاطها لزرق.
22. سمعت قر الحمام في قاع السجنة ، لا من سقاه الما ولا من طاه
شعير ، يا قمر ..الحمام يعي و يحن ، وتتعمر النافورة ، ونعودوا لزمانا كيما
كنا .
23 . خرجت ليلة الجمعة ، في يدى شمعة ، خرج لي ملاك حنين قالي
: يا بنت السحاب حاجتك راه مقضية ، قلت ليه : يا سيدي طالت المدة
، قالى : روحى لدارك تصيبيها قدامك .
24 . خرجت بدر البدور تتزعبل في المور ، تلقت هذوك الشعور ،على الخد الى
ينور مثل التفاحة.
25 . دارنا في الجبل ، مقابلة مكة ، مفتاحها من ذهب ، يشعل ما
يطفي .

• بوقالات صباحية
• بوقالات جزايرية
• بوقالات صباح الخير
• بوقالات مضحك
• بوقالات عن صباح الخير
• صور صباحية هزلية جزائرية
• بوقالات جزائرية صباحية
• بوقالات جزائرية صباح الخير
• بوقالات جزائرية بالاسماء
• بوقالات الصباح