صورة-1
بوقالات،جزائرية،2015،2014
60 بوقاله جزائريه فال 2023 اعقد و انوي
بوقاله جزائريه 2023 اعقد و انوي
–
1* رانى رانى فو سط جنانى السر و البهاء ريتة بعيانى رانى رانى حالفه بالربانى هذة المره ما ناخذ غير البراني
2* يا لالتى فاطمه يالالتى فطوم سبحان خالقك ريت النجوم فالسماء حسبتهم ساقك العين تبكى عليك و القلب مشتاقك
3* السفينه اللى جات باش انكافيها باللوز و السكر نطعم غاشيها (اى ناسها) و بال******اد و العطر نطلى سواريها و نطلب ربى العزيز للحج يديها
4* بعثت لك يا شباب دموعى قرنفله حمراء ياعدو بن عدو بدلتنى بامراه قال لى و الله يا لاله ما نبذلك بالغير محبتك فقلبى حتي يشيب الطير
5* عندنا شجره معمره بالياقوت و عندنا فواره معمره بالحوت اعطونى ابنتكم و لا نطيح نموت
6* جايز علي بابنا جايز و اش تشوف انا لابسه لحرير و انت لابس الصوف قالها يا لاله لباس الرجال مخلوف ارواحى ليا نلبسك لقاط و نزيدلك الشنتوف
7* مشيتى مشيه زهريه فاتو ثلث شبان عليك الاول قالك من صابك ليا و الثاني قالك من صابك حلالى و الثالث قالك من صابنى الارض و انت تمشى عليا
8* طلعت للسطح و فرشت زربيه , مر على جن و جنيه , قالولى ايش بيك يا لبنية؟ قلتلهم حبيبى غاب على , قالولى نعملو اليد فاليد و نجيبوة ليك ان شاء الله هاذ العشيه هدية.
9* يا ناس لملاح مدولى بنتكم و الا نطيح نموت..بنتنا شرطها غالى و مقامها عالي..مدوهالى و الا نشتكى بيكم لربى العالي
قطعت اللحم بيدي و عملت بذور ، و سمعت الكلام بوذني و عرفتمن قالو ، يا قايلين الكلام القبيح و اش تربحوا ، انا طاوس فالقصر و انتم خفاشالنهار ما يضوالو.
11* جزت علي جنيه ، قالت لى و اش تحوسى يا و ليه ، قلت لها ما ني نحوسلا علي ما ل و لا علي جاه، نحوس علي من ضيعت قولى لى .
12* جايز علي باب دارنا ، لابستلمسانى ، قتلو يا شيخ بالاك تنسانى ، قال لى و الله ما ننساك ، و نصيبك علي ربى جاهو سلطاني.
13* امنت بالله ، و المنام رؤيه من عند الله ، حمامه بيضا جاتترفرف على ، معاها حصان توقف بين يدى .
14* نبعث لكم دموعى فمشوارازرق، و نبعث كلامى فبريه تحرق، ما ننساكم يا ناسى بحق الة مكه ببلاطها لزرق.
15* سمعت قر الحمام فقاع السجنه ، لا من سقاة الما و لا من عطاهشعير ، يا قمر ..الحمام يعى و يحن ، و تتعمر النافوره ، و نعودوا لزمانا كيما كنا.
16* خرجت ليله الجمعه ، فيدى شمعه ،خرج لى ملاك حنين قالى : يا فتاة السحاب حاجتك راهى مقضيه ، قلت لية : يا سيدى طالت المده ، قالى : روحى لدارك تصيبيها قدامك .
17* لاله يالاله ياريش النعام يا اللى مربيه فالقطيفه و الرخام ملى شفتك و عشقتك ما بقالى منام.
18* انا مهريغالى اللى يحب يدينى يحسب النجوم و يسهر الليالى و لى يبغينى يبنيلى قصر فيالعلالي.
19* جابولى الرمان مغلف فو راقوا و انا و حبيبى فبلاد و حده و القلب مشتاقوا.
20* ما نديها طويله سلوم راشي،ما نديها قصيره فكرون ما شي، نديها مربوعه ربما كى علم الباى ما شي.
21* مشيتى عاليه و طولتى داليه شبان و رجال يتبعو فيا و يمشو مذلولين يتبعوا في…ومن غير المولي و حبيبو ما فمين يعلي عليا
.
22* خرجت فالليل نطلب فالله صبت النجوم دايرين و قالولى صلى علىرسول الله *صلي الله علية و سلم * و اللى تستناهم راهم راجعين.
23* قالى طبيبى بلاما يدرى تداوي يا عليل ، و دايا و دوايا عند حبيب لمحبتو بخيل ، و قتاش يا عمرى ترحمنى و ترحم دموعى لى تسيل؟؟؟
24* الاسمر يا لسمر يا شباب الحومه و شبيك غضبان علينا، احنا ما نسواو بلا بيك ، لوجة ربى راضينا و ارض علينا.
25* قريب الرفيقه يا قريب الرفيقه ، بينى و بينك تويقه ، يا مخلى فقلبى شقيقه روح و ين تروح و تعيا ترجع ليا و نرد لقلبك الحريقة.
26* ما ناكلش من جنان الجنه لو يشهينى و ما ناخذش الشيخ و لو يغنينى ناخذ الشباب ابيض و لا اسمر المهم هولى يملالى عيني.
27* دزيت باب الحبيب دفه علي دفه فراشو من حرير نرقد و ندفا، بوقالو من ذهب نشرب لا نروى،وكلامو من عسل غير نسمع نشفى.
28* انت سبيبط و انا خويط فيك، انت سنيسله و انا خامسه تحميك، انت خويتم و انا حجره تبهيك، و ين تروح تلقانى و غيرانا لى نديك.
29* باسم الله بديت و علي النبى صليت و علي الصحابه رضيت و عيطت يا خالقى يامغيث جميع مغيث يارب السماء العالى بيك استغيث ارحمنى فهاذ الدنيا و سقملى السعد ديالي.
30* سبحان خالقك،ريت النجوم فالسماءحسبتهم ساقك،العين تبكى عليك و القلب مشتاقك
31* بعثت لو دموعى قرنفله حمراء،ياعدو بن عدو بدلتنى بامراة، قال لى و الله يا لالةما نبذلك بالغير محبتك فيقلبى حتي يشيب الطير.
32* فالدار صندوق مخبيء فية الذهب و المرجان و روبه قضيفةقالولى ليمن راك مخبيها قلتلهم لهاديك مولاه الشان و المشيةالضريفة.
33* خرجت نطلب الله صبت النجوم تطلب فرسول الله و احد ما يدى غير ما عطاة الله.
34* حبيبى يا حبيبى قطعوا فيك تقطاع البصل حتي سمعو بيك ناس جيجل و القصر، و الله ما نسمح فيك يا نورالقمر.
35* قالوا نقتلوك و فبيرنغبروك، قلتلهم انا شجره حب الملوك و لى يحب الشوك يدناليا.
36* لو انت بحر انا حوتةفيك ، لو انت جنان اناورده تبهيك، لو انت ليله انا نجمه تضويك ، لو انت تحبنى انا نموت عليك.
37* طلبت من الله العافى يرسى جميع مغبون بمينا ،ويكسى جميع عريان و حافى و يبعد لهموم علينا،رد الفال لا تخافى عندى تخلاص الغبينة، دير النيه بالقلب الصافى و النيه باقيه فالقلوب الزينة،ياربى بارك فكل و افى و غرس الخصايل فينا، بالفال تعود و افى و بالنيه باقيا الدنيا زوينة.
38* رفدت النعناع مع الحبق و عرق الياسمين لميتهم فالطبق و حطيتهم عند العين ، فجاه دقدق من كان غايب طول هاذ السنين.
39* علاش يا لاله التخمام رحمه الله و اسعه و كبيره لو كان جات بالكلام نتحدثو و نعطوك تدبيرة، بصح جميع شى بالمكتوب و يعيا و الخير يبان و تزول عليك الهموم و تروح الحيره .
40* فالساقيه الماء يجرى و الحشيش نابت متخالف،بالشوك مليت حجرى من هذاك الراى التالف، كى غبت و غاب زهرى و لا اللى يجينى خايف.
41* لا تامن الخيل اذا غدات و لاتامن الليالى اذا صحات و لا تامن النساء اذا تابت و صلات
42* جيت ساميت البحر شفت الحوت يعوم عرفت ما عندى زهر فذا الحظ المحموم كى غاب ضى القمر ما ردت ضى النجوم .
43* اصلك اصلك و ما ينفع غير الصح مولاه النيه الصافيه عليها ربى يفتح اطول و لا تقصر يجيها السعد و الربح .
44* يا مولاه القلب الكبير ربى يعطيك و يوسع عليك ما عندك لا ذهب و لا حرير و انت دايما زاهيه و ربى مسهلك، ما دريت و اش من حيله ندير باش نكون مثلك .
45* لاله يا لاله و ين ما تكونى نرسلك مرسولا ادا سكنت البحر نرسلك عوامه و ادا سكنت السماء نرسلك حمامه و ادا سكنت القبرايحاسبك مولانا.
46* و ين الطريق اللى بها محبوبى جيبولى التراب من ثمه نشرية نعملو جعيبه فمكتوبى و اذا مرضوا عينيا نكحل بية ،حبيبى ما يسمح فيا و انا ما نسمح فيه.
47* الطبق بين رجليا و الخاتم بين صباعتيا و الحبيب اللى راح زمان يرجع ليا و الله غير نعيش معاة حتي يتغمضوا عينيا.
48* مزين القمر بضواة و مزين الانسان اللى فقلبوا جامع، و مزين النجوم كيما الياقوت مجمع و يلمع و مزين القلب اللى عطاة ربى حبيب كيما حبيبي.
49* زوج حمامات، يا سعد اللى و كلهم و يا سعد اللى شربهم و سعد اللى يدى دعوه الخير منهم.
50* شباب يا شباب ياللى عايرونى بيك انت و رده فالكاس و غير انا اللى نديك.
·51* عيونك توت و حواجبك ياقوت, انا نحب خليلى و اللى حاب يموت يموت.
52* الطبق ما بين رجليا و الخاتم ما بينيديا افرحى يا يما سعدى رجع لياونستشفي فالعدو كيما استشفىفيا
53* هبطت لقاع البحر و لقيت جنيه قاتلى و اش بيك ياالبنيه راكى اتحوسى علي المال و لا الذريه قلتلها رانى نحوس علي حبيبى يرجع ليا
54* من عندو غايب الله يردوا لبلادوا و من عندوحبيب الله يصبروا علي عذابو و من عندو الزهر يقسموا علىحبابو،سلتوا من عند من جابو قالى الزهر كى المطر مين شاف صحابو و كى الضيف من طرق بابو و كى العلم و افر فكتابو.
55* اذا انت برنوس انا قفله فيك، و اذا انت محبس انا و رده فيك و اذا انت تحبنى انا نموت عليك.
56* قعدت تحت النخله قالولى دقله نور،جات ادورالنحله و بالعسل عليت الصور، معاة العيشةتحلي هذاك الساكن فالقصور
57* سجدت سجده و صليت علي النبى الكريم و تمنيت و رفدت يدى و دعيت و رفعت عينيا و بكيت ياربى يا كريم حققلى جميع ما فقلب يورجعلى ذاك الى طول عمرى تمنيت.
58* طلعت للسطح قلت حبيبى بلاك تنسانى قاليوالله ما ننساك حبيبتى بلعانى محبتك فقلبى صافيه كالجوهر الحقاني
59* طير ياالحمام طير و طيرولا ترتاح و نزل فالسرايا و زيد لسطاح و انزل فحجر لحبيب و ديلو التفاح و قولو قلبى عليك ما صبتلو مفتاح
60* شفت الزين بعينى و بكيت علية و ندمت علىالايام اللى كنت بها بلابية و اللى يبغينيربى ايخلية لى و يخلينى ليه
- بوقالات
- بوقالات2015
- بوقالات2016
- بوقالات 2021
- بوقالات مكتوبة
- بوقالات
- بوقالات مكتوبة 2021
- بوقالات 2017
- بقالات 2021
- بوقالات جزائرية 2021
- بوقالات 2020
- بوقلات 2021
- بوقالات للرجال