طريقة عمل البسكويت النشادر فتكات

صورة-1

انواع الحلويات بالصور

المقادير:

** كيلو سكر بودرة ناعم

** 800 جرام سمنه(4مجات بتاع الشاى)

بعايرها سايلة و ثم احطها فالتلاجه

** 16 بيضه

** 2علبة فانيليا حلو الشام

او2ملعقة صغيره

** 2كوب لبن

** معلقة كبار بشر برتقال ناعم قوي عشان

ما يتحرقش لو ظهر علي الوجه

**2وقية نشادر(60جرام)او 4معالق كبار معيارممسوحه

**كيس بيكنج بودر او16جرام

**من 2.5 الي 3 كيلو دقيق حسب نوعه

المرة دي استعملت 3الا ربع

الطريقه:

*نخفق السمنة و السكر كويس جدا جدا عشان البسكويت ما يلزقش فالصينية لو السكر فضل لسة مش دايب

* نحط البيض بالتدريج مع الضرب المستمر سواء باليد اوالمضرب ثم الفانيليا من غير ضرب كتير عشان ما تمررش

*نحط بشر البرتقال و ثم اللبن و النشادر

*و ثم علي طول الدقيق و البودرمرة و احدة 2.5كيلو فالاول

و نشوف العجينة بايدينا نضيفة و نلم حتة صغار بايدينا كدة لو مش بتلزق قوي تبقي كويسه

لان لما بنسيبها شوية بتتشرب السوائل و ترتاح و تخرج اكتر

يعني ما نتسرعش فتزويد الدقيق الا للضروره

نشكلة بالماكينة و نخبزة علي فرن متوسط حسب الفرن بتاعك

ملحوظات مهمه

انا بستخدم السمنة عشان بعمل كمية تقعد فترة لان الزبدة بتغير ريحة مع الوقت

لوعايزة زبدة يبقي كيلو بدل 800جرام

بستعمل احيانا الزبدة النيوزيلندي النوع الجيد و اسيحها زي الزبدة البلدي بتاعتنا

و الطعم هايل و يمكن استخدام النباتي لو حابة نصف و نصف بلدى

لو عايزاة برتقال يبقي بدل اللبن عصيروانا كدة كدة بضيف بشر برتقال عشان ظفارة البيض

و لو جوز الهند يبقي نضيف كاس و نص جوز هند مبشور ناعم جدا جدا فالمطحنه

مع استخدام اللبن عادي بس من غير بشر برتقال بس شكلة بيبقي خشن شوية عن الفانيليا اوالبرتقال بس مقرمش اكتر

ما نزودش الحرارة قوي عشان بعد كدة بيطري الحرارة متوسطة و نحمصة شوية لو عايزاة يفضل علي طول مقرمش

باحتفظ بية فحلة ايييييوة حله

حلة بغلفها بالبلاستيك الغزائىواحط البسكويت بعد ما يبرد خالص و ارصة و اغطي الحلة لوقت ما احتاج

عمرة و للة الحمد و المنة ما يطري ابداااااااا

بالتاكيد انتو عارفين ان بسكويت النشادر بندهن الصينية زيت قبل ما نحط فيها