صورة-1
اى بالله اخطو و الخطا اللى جابهم عين الصواب
مبطى و انا اشوف الطمع يكشف رداهم و استره
ما يملى عيون الحسود بهالزمن غير التراب
و من لا يتوب من الخطا تحرم علية المعذرة
اللى من اولها خراب اكيد تاليها خراب
و البندق اللى ما تثور فهدفها تذعره
ودك اليا من جاتك الغلطه من الناس القراب
الصاحب اللى ما كسبت محبتة ما تخسره
مشكلتى انى ما عرفت احسب لصدتهم حساب
قلبتهم صدرى على ذكري القصيد و حنجرة
صوتا يصوت منبرة و خطاب ما مثلة خطاب
و الطيبه اللى زعزعت صوت الخطيب و منبره
مافية دمعا صوبوها احبابى بوجهى و خاب
و لا زرق حزنى علي غالى و لا فج نحره
كل الزهاب اللى معى ذكري من اصحاب الزهاب
و اللى بقالى من العذاب اشرف طريقى و اخطره
لانى تجنبت الغرق عديت من فوق السحاب
لان اكثر اصحابى و رق ما شفت للطيبه ثمره
والله ما حطيت بين الحقد و القوة حجاب
حتي غدوا ربعى يحدونى علي الضيق اشكره
البارحه ثارت على رقاب و اوتنى رقاب
البارحه يا ثقل دم البارحه و يا محقره
اهب يا و جة الحسد و شلون جمعهم و غاب
كيف السنيين اللى عطتنى بعثرتهم بعثره
اثر المصايب ما تجييك الا من الناس القراب
و بالهزمن حتي الرفيق اللى تثق فية احذره
لا بارك الله فرفيق تزعلة كلمتة عتاب
و لا جمع الله الرجال اللى تفرقهم مره
عودت نفسى جميع ما شددت لليمة ركاب
ما صد و جهى عن طريق الا لاجبت اخبره
الصاحب اللى ما يجى من صحبتة غير العذاب
نذرا على ما هجرنى و لا انا اللى بهجره
من يفتح لفرقاى باب افكلة عشرين باب
و اذا خوى ما يقدر خوتى ما قدره
وان روحوا فانا برى منهم ليوم الحساب
و ان جرحوا قولو لهم ما حركوا فاشعره
شفهم لهم السنة و لا خذوا منى جواب
اقوى دواء للى يحاول يستفزك تحقره
انا جمعت اوراقهم بكتاب و غلقت كتاب
يا و قت لم اللى تلمة و انثر اللى تنثره
ما كنت احاتيهم صغير عاد احاتيهم شباب
اما ذخرنى صاحبى لليوم الاسود مذخره
عقب اكتاب البارحه ما عاد انا احمل اكتاب
الطيب جرجرنى و انا ما نى بناقص جرجره
اللى يخاف من الظما يتركلنا فرق السراب
و اللى مب هو ربما الظلام و حشتة لا يسهره
انا تجرعت العطش لين احترق و جهى و ذاب
انا كسرت بخاطرى قبل الصداقه تكسره
انا خسرت اللى غيابة غير عن جميع الغياب
انا غفرت لعالم ما تستحق المغفرة
انا كثر انسان تعلم من كثر مخطا و اصاب
انا احدث انسان يتكلم فزمان الثرثرة
انا القصيد اللى فزع من دفترة مليون ناب
و انا الوحيد اللى جمع مليون ناب بدفتره
جفنى و جرحة هالسهر و حيلى و هدتة الصعاب
دمعى هدر ضحكى ندر عمرى و ضيعت اكثره
شيبت فعقول العرب هيبت رووسا ما تهاب
جمهرت ناس عمرهم ما يعرفون الجمهره
ما صرت ذيب الا لان لى حوليينى ذياب
ما كنت اغيب الا لان العفو عند المقدرة
تراة حلاتك لا حملت لصاحبك كلمه عتاب
ان ما نطقت فيها بوجهة ما تهمة بظهره
فى هالزمن ما يملى عيون الحسود الا التراب
و لا الحضيض الطلقه اللى ما تصيبة تذعره
ودك اليا من جاتك الغلطه من الناس القراب
الصاحب اللى ما كسبت محبتة ما تخسره
- الجمهره حامد زيد
- حامد زيد
- شعر حامد زيد الجمهرة
- صورة حامد زيد الجمهره
- قصائد حامد زيد غزل
