صورة-1
عبارات اغنيه حمزه نمره تذكرتى رايح جاي
*********************************
طعم البعاد صبار .. و الغربة ليل بهتان
يا قلبي يا موجوع .. اياك تكون قلقان
لو طالت المسافات .. انا و الامل اخوات
و تالتنا كان الليل .. ده انا ليا بها النيل
وليها فيا الروح .. ما اخترتش انني اروح
ما انا جوعي كان كفران .. ملعون ابوك يا طموح
اخرك تشوفلي كفيل .. لكني مش قلقان
تذكرتي رايح جاي .. انا مش فبلدي عويل
لكني مش بتشاف .. زهره سنيني عجاف
مع انني ليا عزيز .. افتوني فرؤياى
لموا الاماني كيف .. حطوها علي الباسبور
احلامي صبحت بور .. ممنوع عليها الضى
لكني مش قلقان .. تذكرتي رايح جاى
البعد عنك خوف .. و انا عالرجوع ملهوف
لكن هعود كيف .. و مكاني كلة ضيوف
يا قلبي يا موجوع .. يا اهة حاضنه دموع
حب البلد بيعيش .. لما يموت الجوع
يا حضن بيساعني .. و احتجت له و باعنى
ساعه ما مد ايدية .. شاور و ودعنى
لكني مش قلقان .. تذكرتي رايح جاى
