طريقة عمل المدفونه بالدجاج

المقادير:
حبة دجاج ((ممكن تستبدليها بلحمة))
بصلة كبيررررة مقطعة لحلقات
فصين ثوم برضو حلقات
و[color=lime]للتتبيل-[/color] صبغة الأرز الملونة[color=yellow] الصفراء أو البرتقالية- بهارات مشكلة مطحونة ناعم[/color]

 
ألبسي القفازات لان يديكي حتتعدم مرررة من الصبغة
نقسم الدجاجة من تحت من النص قفط من أسفلها
بدون نزع الجلد
وبعد كيذا حطيها في زبدية
وحطي في أيديك الصبغة والكركم وأبدئي أفركيها تمااااااام
لما تتشبع الدجاجة باللون
بعد كيذا حطي برضو بقبضة يدك البهارات المشكلة
وأفركيها تمااااام ومن تحت من أسفلها ومن الداخل عبيها
وبعدين أضيفي الملح والماجي وأفركيهم تمام
ماتكثري الملح ملعقة صغيرة لأن الماجي بيمسك فيها
لما تصبح بهذا الشكل

بعدين خذي قدر الضغط
ورصي بأسفله البصل والثوم وشووية زيت
زي كيذا

وبدون مايسخن ولاحتى تقليب أضيفي عليهم الدجاجة
بس أقلبي الدجاجة
بهذا الشكل

 
وأضغطي القدر

لمايصفر ورخي عليه
وأحسبيلها عشر دقائق فقط
على جنب مسوية رز أبيض
نص أستواء
أفتحي على الدجاجة
وبيكون شكلها هيك

أضيفي عليها الرز وأكتميها بس كم دقيقة عشان يشم الرز ريحتها
ولاتنسي تضيفي شوية لون للرز
وأكتميها
وبعدين
بخريها
بشوية زيت أضيفي عليه فحمة
بس اكتميها بسررعة
وتتقدم بالهناء والعافية