اشعار عن الوالدين

[ الشاعر / محمد السليس ] ابوي مات ولا بقى غير العجوز
أنا على طول العمر خدامها
هي رمزي اليا طاحت بعيني رموز
يالله عسى موتي يجي قدامها
واروح من دنياي للجنة وافوز
اللي خلقها الله تحت اقدامها

[ الشاعر / فيصل العتيبي ] اخطب الجنة ومهر العقد بر الوالدين
ربنا وصى النفوس اللي تخاف..تبرها
ماقرن رب العباد بطاعته في الدين دين
غير طاعة والدينك..لاتحاول ضرها
برهم من صغر سنك لين شيب العارضين
برهم بين الحلاوة في الحياة ومرها
دام قال الشرع تحت اقدام بر الوالدين
جنة الخلد..انتبه ولا تقصر برها
[ الشاعر / علي عبد الرحمن الأسمري ] للوالدين اجمل عبير القصايد
من شخص جرب فقد ابوه وغيابه
احقوقهم ماظن فيها مزايد
احرص عليها واوفو حق القرابه
جنة عدن ياللي تبي للفوايد
في برهم والموت ياخذ نصابه

[ الشاعر / سعيد العمودي ] أبوي وأمي.. بس في أربع أبيات؟!
لاياجواهر صعب مااقدر أوفي
هيهات لو حاولت هيهات هيهات
أشعار هذا الكون مااظن تكفي

[ الشاعر / فايز ماجد ] و الله لولا خوفي اشرك مع الله
لسجد انا لك يا عزيز المقامي
اجلس هنا في داخل الصدر و حماه
و ارتك على قلب حمته العظامي
ان كان به شخص هدى لشخص و اعطاه
يبغى يعبر ما قصر بالكلامي
انا ترا بهديك عمري و لا ابغاه
بعدك عسى عمري مجرد حطامي

[ الشاعر / زايد الروقي ] أمي وأبوي إلهم بقلبي مكااانه
مكانت(ن) ماحازها شخص بااااقي
[ الشاعر / خالد عبد الكريم ] ياللي نسيت مع الزمان اللي ربوك
الحق قبل سود الليال تلفهم
ياكبرها نعمه تشوف امك وابوك
وياكبرها نعمه تعيش بضفهم
ياما تحروا جيتك كم ارقبوك
ياما تمنوا لك تحقق شفهم

[ الشاعر / نياف العتيبي ] الوالدين الهم مواثيق وحقوق
وحنا علينا انانقوم بوفاهم
وقارهم من ربنا حق موثوق
يالله عسنا كاسبينن رضاهم

• بر الوالدين