رواية كنت لك عدو وصرتي لي ملاذي

كنت لك عدو وصرتي لي ملاذي للكاتبة زين العزام

كلمة الكاتبة

رجعت لكن زين العزام برواية جديده ..
نزلت بارت لها بالبدايه وفكرت فيه فتره واكتشفت اني ماطولت بالتفكير في هالروايه الا وابيها
احسن من اللي قبل ,
مسحته لاني راح اضيف احداث اجمل باذن الله والحمدلله محد قراه غير قليل –
بعد دعمكم الجميل لي بروايتي الاولى : حبتني رغد ونستني يوم صرت ريان .
حبيت ما اخيب ظنونكم في الروايه الجديده وان شاء الله تكون احسن واحسن ..
الفكره مو لي لحالي , تؤمي تشاركني الكتابه :*
ما اطول عليكم ونبدا نفتح اوراق واحداث حكايتنا ..
كنت لك عدو , وصرتي لي ملاذي ~

قراءة ممتعة ..

-البارت الاول-
مشت وهي تايهه بين المزارع والاراضي الكبيره بس ماكانت كبر الهم اللي بقلبها ..
كانت منزله راسها وتفكر بعمق باللي صار لها قبل ساعات.. مب مستوعبه كمية الصدمه! كيف
وهي الاقرب لاخوانها ! والاحب لابوها .. كيف انقلبت حياتها لهذا الشكل الفضيع , خايفه
مرتبكه مصدومه منهدمه .. ماتدري وش تسوي وكيف مرت كل هالاحداث فجاه قدام عينها ..
تسترجع ذكراها وتفكر هي وش سوت وش الذنب اللي ارتكبته ؟ ظلموها ..
*نسترجع الاحداث*
رجعت من دوامها وقبلت راس ابوها بحنيه وهي تعرف انها الاقرب لقلبه بين بناته وعياله,
مو عنصريه ويفرقها عن الباقين.. بس ملاذ غير بالنسبه للكل-
ملاذ بابتسامه : حيا الله ابو تركي
خالد : الله يحييك ويبقيك يابنتي
ملاذ : ها تغديت يبوي ؟
خالد : لا يابوك من اليوم احتريك , قومي بدلي وانا بنتظرك نتغدا مع بعض

ملاذ تتنهد : ياقلبي انت كل يوم اقولك اني اتاخر ليش ماتتغدى قبلي مع اخواني
؟
خالد : افا .. جعله سم ببطني ان اكلت بدون ملاذي ..
ملاذ : ياجعل ملاذ ماتنحرم منك ياروحها ,بروح ابدل وارجع لك ..
-بدلت ورجعت تغدى مع ابوها مثل كل يوم-
مشعل: هو وانتي بتذبحين ابوي من الجوع مايتغدى الا على اذان العصر معك؟
ملاذ تضحك : وانت وش دخلك وش محرقن رزك؟
مشعل : ماش يبه ما كانك خلفت غيرها
راكان : اص اص لا توقع العصا بجنوبك اللحين ذي ملاذ ماتفهم انت ؟
سحر : وحنا مسحوب علينا ..
مشعل : خلوكم على وضعيه المزهريه انتم هههههههههههههههههههههههههههههههه
ضحكت ملاذ على تعليقات اخوانها وهم ملاحظيين ان ابوها يميزها عن الباقين بس مايلومونه ..

ماهي الا لحظات يوم يسولفون ويضحكون ودخل عليهم سعود وتركي اخوانهم الكبار ثايرين .. قليلة
عليهم كلمة عصبيه ..
تركي قلب السفره فوق تحت وهو يصارخ على ملاذ ..
تركي : وشش سوييينا عشان تفضضحيننا يابنت ابوكك وامكك وش سسوينا عشان تخوننين التربييهه كككيف
خدعتينا بانكك الطاهره يابنت ال ….
سعود بصراخ : تركي ولا كلمة جب المسدس واغسل شرفكك !!
ملاذ كانت متخبيه ورا ابوها ومنصدمه باخوانها الكبار وتبكي ..
خالد بصراخ : وقطططع بلسسانككك يالي ماتربيييت هاذي اخخرة تربيتي لكك انت وياه هاذي اخر
تربيتي لا حشمة ولاتقدير ماتستحون على وجيهكم !!!
تركي يحاول يبعد ابوه عن ملاذ وسعود اغتالها بشعرها من ورا ..
ملاذ بالم : ااااااااااااه سعود فك ششعري .. والله ماسويت شىء والله ماسويت شىء
تركي : ماسويتي شىء يابنت امي وابوي .. بس طعنتي بشرفنا .. ماسويتي شىء بس
تطلعين مع حبيب القلب .. ماسويتي شىء بس خخربتي سمعتنا يالوصخه ماربيناكك ماربيناككك !!! فقد
تركي اعصابه ومسكها من سعود وبدا يجرها معه ..
مشعل وراكان وسحر الاخوان الصغار اللي كانو مصدومين بالمنظر ولاقدرو ينطقون الا بدموع خانت اعينهم..

ابو تركي كان مصدوم من عياله وعجز عقله يستوعب كلامهم وهي تنضرب قدامه ..
فاق من صدمته يوم شاف تركي يجيب سوط ويقرب من ملاذ ..
ملاذ تشهق وهي تتراجع على ورا : لا تككفى لا لا لا الللا السسوطط تكككفى
تركككككيي لاتظظظلمني ماسسويت شىء وانا اختكك ماسسويت شىء
تركي بدون تفكير : انتي اختي ياعديمة الشرف .. وهذا اكبر ذنب ,
صرخت لما حست بحرارة السوط على ظهرها وسمعت صراخ ابوها وسعود ماسكه يبعده عنهم ..

مشعل وراكان قربو يتدخلون لكن كلمة من تركي خلتهم يتراجعون ..
تركي : قسسم بالله اللي بيقرب لاقططع السسوط على ظهره مع الككلبه ذي !!
ملاذ تكورت على نفسها من الالم وهي تبكي ..
ملاذ بصوت مبحوح : والله ماسويت شى لاتظلمني ماسويت شىء ..
تركي يجلدها وهو يسمع صراخها ونياحها ولا كانه حرك فيه شعره ..
مشعل بصراخ : تترككككيي خخخلاص اذذبببحها بس لاتعذذبها قططعت جلدها حرامم عليكك !!
تركي بخيبه واضحه : حرام علي ؟ تدري وش الحرام ياخوك ؟ اني كنت اقول
الله يرزقني ببنت زيها ,
تركي يكمل بصراخ وعصبيه : كنت اشوفك احسن من كل الناس ياعديمة الشرف كنت اضرب
فيكك الاممثال يالخاينه كنت احطكك فوق راسي ياللي ماتسستحين كيف خدعتينا ككككييييف !!
ملاذ وبدا نفسها يضعف من الالم وحرارة السوط اللي انجلدت فيه ..
ملاذ : والل .. والله م ماسو ييت شىء .. * فقدت وعيها *
تركي بنظرات صارمه : سحر , شيليها لبسيها عبايتها على سيارتي ..
التفت بنظراته على راكان : وانت جب المسدس من درج ابوي ..
راكان شهق بصدمه : ب تذبحون .. بتذبحونها ؟
تركي بسخريه : لا بدربها على السلاح ! بغسل شرفنا بطهر اسم عائلتنا بعدد ماوصختهه
ال …… !!!
راكان خانته رجوله يتحرك ..
تركي : راككككان تسسمع !!
راكان بضعف : ما اقدر ..
تركي : ليش ؟ ماقسى قلبك على اختنا حبيبتنا صح ؟ زين يا الاخ الحنون
.. ظنتي ابوي ماعلمك الرجوله مثل ماعلم هالحيوانه معنى التربيه !! بتجيب المسدس وتلحقني على
السياره لانك بتثور بالسللاح انت بنفسسكك
دخل ابوهم وهو يبكي وسعود ماسكه مع يهديه ..
خالد : وشش سسويت لكم عشان تعذبونها قدامممي !! وش سسوت هي لكمم ياعيال ابوككمم
!!
تركي : دنست شرفنا .. * قاطعه ابوه بصراخ *
خالد : والله والششاهد لو اششوفها بعيوني اككذذبها اكككذذبههها
تركي بتحسر : حسافة الثقة فيها يبوي .. طلع وترك ابوه بحالة صدمه –
مشى وشاف سحر تبكي وملاذ ضامتها تبكي ..
تركي باستهزاء : تبكين ؟ لا جد تبكين ؟ انتي حححرامم دموع التماسسيح اللي تطلعينها
!! قوممي قدامي على السيارهه لاتجبريني ارتكب جريمتي قدامم ابوكك !!
طلع ابوه من وراه ومسك يده بعجز لكبره في السن ..
خالد برجاء : كان لي مكان عندك .. كان انت ولدي البكر .. خلني اذبحها
بنفسي
تركي بصدمه : انت ؟
خالد بصراخ : اييييه اننننا مو انا اللي ماعرفت اربييهها اججل انا اللي اطههر ذنب
تربيتي !!
تركي مسك على كتف ابوه وتكلم بصدق : هي شرفك يبوي .. اغسله بنفسك دامك
بغيت
التفت لملاذ بصوت جامد : الحقيني بالسياره .. وانت جب سلاحي
تركي تحرك بدون يناقش ابوه لان عرف اللي قدامه شخص ثاني مو ابوه ..
مشت وهي ساكته وتكتم شهقاتها ركبت السياره جنب ابوها وهي الى الان ساكته ..
اي صدمه بالضبط تحاول تستوعبها واي الم تتحمله ؟
لاحظ ابوها انها توخر ظهرها عن مقعد السياره وتشهق كل ماتحركت ..
واستوعب انه من اثر السوط على ظهرها ..
تمنى يضمها يعالجها يحميها ويبوس جروحها !
بس عياله اطول منه ولايقدر يوقف بوجيههم ..
جاب تركي السلاح وفتح الباب بيركب وردة صوت ابوه ..
خالد بجمود : لاتجي .. ارجع البيت ماراح اطول .
تركي بشك : بجي اطهر شرفي معك ..
خالد بعصبيه : مب اصغر عيالك انا اعرف اتصرف ..
تركي تنهد وسكر الباب وهو يشجع ابوه وهو خايف انه يحن على بنته ويتراجع
بعد ما طال الطريق وقطع الصمت ..
خالد بصوت باكي : واثق فيك ..
ملاذ بنياح : والله ماسويت شىء يبوي والله ماسويت الشينن
خالد يقوي نفسه : ادري يابوك واثق فيك , بس اخوانك ماراح يرحمونك ولايرحمون شيبي
..
نزلها بمكان لاتدري وين ارضها من سماها وهو يقول لها كلماته الاخيره :
ماهو ذنبك يابوك ولا ذنب الاقدار , النار ماتختار حزمة حطبها ..

• رواية كنت لك عدو وصرتي لي ملاذي
• روايات الكاتبه زين العزام
• رواية كنت لك عدو وصرتي لي ملاذي منتدى روايتي
• رواية حبتني رغد ونستني يوم صرت ريان كامله
• رواية كنت لك عدو وصرتي لي ملاذي كامله

• رواية كنت لك عدو وصرتي لي ملاذي البارت الثاني والعشرون
• رواية عزام وملاذ كامله
• رواية كنت لك عدو وصرتي لي ملاذي البارت الخامس والعشرون
• رواية عزام وملاذ البارت الثاني والعشرون
• تحميل رواية كنت لك عدو وصرتي لي ملاذي كامله
• رواية كنت لك عدو وصرتي لي ملاذي البارت الاخير
• روايه كنت لك عدو وصرتي ملاذي
• رواية كنت لك عدو وصرتي لي ملاذي البارت الثاني والثلاثون
• رواية كنت لك عدو وصرتي لي ملاذي
• رواية كنت لك عدو وصرتي لي ملاذي كامله