مواقف اﻷطفال المحرجة مع امهاتهن لا تنتهي! الحقيقة ان هذه المواقف هي ما تصنع ذكريات
و طرائف الحكايات في المستقبل عندما يكبر الطفل و تبدا الام و الجدة في سرد
نوادر الطفولة.
ولكن.. الي اي مدي يمكن ان يضعك طفلك في موقف محرج؟ احيانا يتحول اﻹحراج من
مجرد موقف يضحك منه الجميع لموقف لا ينسي للعائلة باكملها حينما يفاجئ الطفل الجميع بتصرف
ما غير متوقع!
منذ ايام سالنا قراء سوبرماما عن اكثر موقف محرج تسبب فيه اطفالهن.. و اليوم نشارككم
اطرف اﻹجابات التي سردوها لنا..
ممكن اعتذر ﻷى شخص مثلا عن عزومة او خروجة و اقول عندنا مذاكرة و امتحانات
و ابني يدخل فى الكلام يقولى انا خلصت المذاكرة ومراجع كمان !
لما يروح يقول للناس بابا عمل كذا لماما.
كنت عند زميلة ليا و ابنى قالي جعان مع اننا كلنا فى البيت قبل ما
ننزل بس المشوار كان بعيد فجاع وكنت محرجة اقولها على اكل ومن يومها لازم يكون
فى شنطتى حاجات تنفع للاكل في الشارع او الطريق.
لما نكون عند حد ويدخل فى كلام الكبار، اكتر شئ محرج.
انهم بيفرملوا امام البياعين و يعيطوا فى وقت الفلوس اللي معايا بتبقى مش كفاية لطلباتهم
لما تكون حاجة حصلت في البيت و اقول ﻷبني ماتقولش لحد و اول ما يجي
عندنا حد يقول الكلام على طول.
كنت فى محل وكنت بشتري ملابس مع بنتي عمرها سنتين نزلت من عربية البيبى وجريت
وجري وراها عمال المحل ﻹن الملابس كانت بتزمر من باب الخروج و افتكرونا سارقينها.
لما اكون بزور حد ويتحركوا فى المكان كانه بيتهم.
انا عندي بنتين بس دايما لما يجي ضيف يصيروا ناس تانيه يعني ما يسمعو كلامي
و صراخ و صوت عالي حتي الضيوف يزهقوا و يمشوا.
لما بنتي تقول مش بتحب اكل الموز وتخلصلهم الصباتة عند الضيوف.
عندما نکون في زيارة عند احد وينظرون الی الحلويات او العصير وکانهم لم يروا منها
في حياتهم مع انهم يکونون قد اکلوا حتی الشبع قبل الخروج من المنزل.
مشاكل ابني بالمدرسة بيضرب اﻷطفال
لما يعلقوا علي اكل حماتي انه مش حلو قدامها و ان اكلك يا مامي و
اكل نانا (مامتي) حلو
بنتى كانت فعربية السوبر ماركت و سرحت عنها و حطيت معاها ف العربية طبق بسبوسة
لناس ببص فجاءة لقتها فتحاه و مبهدلة هدومها بيه و رحنا للناس كدة و احنا
بالبسبوسة بس على هدومنا و وشنا
اغلق علي باب الحمام وعندي ضيوف وقالي متصرخيش في وجهي تاني اوعديني ولا لن افتح.
مره اتبضعت وحكيت لجوزي الفاتورة 70 دينار وبعد شوي بنتي جابت الفاتورة من الشنطه واعطتها
ﻷبوها وكانت قيمتها 50 دينار.
بنتى اول لما روحنا عند حماتى فضلت تقولها ماما مش راضيه تجبنى عندك خالص وانا
مقولتش خالص حسيت انى مكسوفه جدا.
