شعر صوتك يا ” حلا ”
صوتك يا “حلا ” ..!!
اذا تخيلت لا تلومي خيالي..!!
صوتك يا “حلا ” باذني رنينو
ما بقدر في دراري الكون زينو
سمعتو مثل نغمات الحنايا
بهمسه انعش القلب بحنينو
برجفة من الخجل رقصو الخلايا
كانك طفل في اول سنينو
بلحن حافل بهمسات الصبايا
على اوتار روحي عازفينو
كانو سحر عينين البرايا
على الغمزات رمش مدربينو
شجي، و عذب في احلى الحكايا
و قلبي عالهوى الله يعينو
****
اذا جنو الليالي و خيروني
بين و جهك و بدر لصار عالي
انا بختار عينيك الحنوني
بدال البدر اقشعهن قبالي
رجع بدر السما و فيق ظنوني
و جمالك قال عاطيني جمالي
عيونك من حلاهم سامروني
و يا ما سيهروني بالليالي
و خدوك من ورودن قربوني
نسيت هموم عمري و انشغالي
و ع اخر صيف لو قرب جنوني
بيردوني من بداية زوالي
ومن شفاف الحلا عبيت موني
و خمر اطيب من ثمار الدوالي
رشفت و غلة سنينك سقوني
و صباكي بهالعمر زود محالي
يا وجه السعد يا قرة عيوني
قبلك كان عمري دهر بالي
اذا كل البشر بيعاتبوني
دخيلك بس لا تلومي المعذب
و اذا تخيلت لا تلومي خيالي
******
يا جايي من الربيع بحلم زهر
يا احلى من الحلا ع غصن اخضر
فيك حلمت من اول طلوعي
و ذات الحلم بعيونك تفسر
و قال الفجر خمرك من دموعي
و ع تمك صار ذات الخمر يسكر
و متل ما غل حبك في ضلوعي
جمالك متعة العينين ابهر
لانو طاب في عيونك ولوعي
صرت شوف الدني بستان عنبر
غيابي عنك بيرسم رجوعي
متل رجعة حرير الخصر مرمر
وعلى رخامك اذا ذابو شموعي
دموع الشمع ما بتزغر بتكبر
و ع موجاتك انا بسير قلوعي
و ببحر عيونك الخفاق ابحر
وعلى سرير الهنا طيب هجوعي
و موج الحب هزلك سريرو
و رذاذ البحر من وردك تعطر
- اجمل ما كتب عن اسم حلا في الشعر
- احلي شعر مع قصة حلا
- اشعار عن اسم حلا
- اقتباسات عن حلا
- شعر عن حلا
- عبارات جميلة عن اسم حلا
- عبارات عن اسم حلا
- عزل باسم حلا
- كلام غزل عن اسم حلا
