شعر عن الخيانه والغدر
قصيدة ذيب يعوي
هادم حبه بنفسه واشتكى فيض الالم
وارتمى في حظنه الاهات والحزن القوي
جاء كسير الفضفضه نادى الورق , جاب القلم
ثم كتب باعلى سطوره [ فضفضه ذيب يعوي ] هو كان غارق نايم ثم لقى
له بالحلم
اجمل فتاه عيونها تروي من النظره روي
ثم حبها وهي حبته , صارت على قلبه علم
لين ابتدت بنت البدو في عشقها عشق بدوي
ثم راح يسميها بحياته اعذب , واغلى اسم
عاش الحياه الرائعه فوق المحبه مستوي
ثم زاعلته , والسبب : مدري وشنهو يا امم
ثم قالت العزه : ترى مالك ومال المهتوي
خلك عزيز النفس دامك , تدري ان خلك ظلم
لين الله يسهل ويضوي لك من الظلمى ضوي
ثم عاندته وهمها : بانه يراضي وينكتم
ومن شافت ان جرحه قضى , قالت بسيطه بالكوي
قامت تسولف , تقهره , ما تدري انه منصدم
ولا هذاك المغتنم يطوي محبتهم طوي
والله غريبه , ما حسب بان المحبه من وهم
ولا اعتقد بان الغلا يفعل كذا ما يحتوي
والله ما قصر ابد , كارم معاليها كرم
بس هذي الدنيا كذا , تكويك لو ما تنكوي
ماهو قهر لو حبها , جعله يحب ابلا عدم
بس القهر يلوي ذراعه باللي يهواها لوي
ثم قام من نومه [ يصيح ] يقول : لا لا , لا ولم
ثم رده النوم ونطق : حلم وروح يالخوي
قصيدة غدر الاحباب
لليل ومعانق حروفك تشوقت
وللصبح اداري لهفتي واشتياقي..!!
المشكلة ماهي بالايام والوقت
ماراح من وقتك يالايام باقي ..!!
شربت من كاسك صدود وتذوقت
لقيتك احلى شيء مر بمذاقي..!!
نجحت في كسر الخفوق وتفوقت
ومن طعنتك جاء بالضلوع انفتاقي..!!
مادجت في داخل ضميرك ولاوقت
ولا ادري وش انت بغدر الاحباب لاقي..!!
قلت الطريق وطحت فيه وتعوقت
وزلت بك لاقدام من غير واقي ..!!
احيان احس اني لوصلك تشوقت
واحيان احس ان الفراق التلاقي..!!
- شعر الغدر
