قصيدة الشاعر عبدالله الرامي (يامريح البال)
يا مريح البال قلي
كيف قلبك يستريح
يوم يا لطاغي تهلي
ذا قتيل وذا جريح
سيفك اللي به تسلي
ما يهزه اي ريح
لا غزا سيف اضمحلي
غير سيفك ما يضيح
كيف عن حسنك تجلي
وتدري بالوجه المليح
ما دريت انه يخلي
الحجر منه يصيح
فارق الاقدام ظلي
والعذر له مستميح
يطرد الز ين المولي
تارك الحظ الكسيح
وانا غرزت بمحلي
كني من ورد الجميح
غاطس بالطعس كلي
لا مجير ولا نز يح
يعجبك فيه التحلي
ما طرى وصفه مديح
يعجبك فيه التعلي
صح له غير الصحيح
سمه كبر او تغلي
كل شي له ابيح
قول ذاك الوصف اللي
يعجز الكون الفسيح
قول لين انك تملي
ولو تكون افصح فصيح
لا يتعدى ولا يزل
ولا عن اوصافه يطيح
احمد الخالق واصلي
ان حظي به شحيح
ما ابيه يصير خلي
ولا الفرص يمه تتيح
جاز لي عنه التسلي
دامي من مرقه طريح
كان ذا حال التغلب
حالي ابجرحه ذبيح
- مديح يستريح يطيح شحيح
