كل شي بكتبه , ناتج عن تجربة شخصية , و ربي شاهد عليي
اولا : شعري كان قصير + خفيف + ضعيف(متساقط) + لما اتركه يومين من غير
حمام بصير كله زيت
ثانيا : شعري صار اطول بشكل ملحوظ + كثيف اكتر من قبل + قوي(ما في
تساقط) + لما اتركه مدة اكتر من 4 ايام من غير حمام , بيظهر عليه
الزيت
,,,
كيف شعري اتغير ؟ و صار بالمواصفات الحلوه هاي ؟
اول شي قررت اتخلص من مشكلة التساقط و اخدت معي فترة طويلة يعني يمكن 4
او 5 شهور
اخدت مجموعة صانسيلك الذهبية ( شامبو + كريم + ماسك ) و صرت اغسل شعري
بس مرتين بالاسبوع, وقبل الحمام كنت ادهن زيت الخروع مخفف ب زيت الزيتون
بقيت على هالنظام ل حد م شعري صار قوي , و غير متساقط
و من شهر ابتديت نظامي التاني , ( اسرع ) ,
و النتائج ابتدت تبان , يعني شعري صار اطول ب نسبة بسيطه طبعا
و زادت كثافته , و ما شاء الله قووي
نظامي :
1)ما بغسل شعري غير مرة وحده بالاسبوع , ولو كان عندي مناسبة واضطريت , بغسله
مره تانية في نفس الاسبوع
2)ما بمسك فرشاة الشعر و بمشط شعري , دايما بخليه مرفوع كعكه
3)قبل الحمام بمشط شعري بالمقلوب , يعني متل الركوع , بس بقلب شعري وبمشطه ,,
و بعدين بدهن اي كريم مغذي ( اطلبيه من الصيدلية) لانه تغذية الشعر مهمه ,
بترك الكريم مدة نص ساعه
*الشامبو والكريم اللي استخدمتهم من فاتيكا,,روعة و ريحة خيال
5)بعد الحمام بخلي المنشفة على شعري مدة ساعة , لانه الشعر بكون ضعيف , وبعدين
بشيلها , و بمشط شعري بالمقلوب (متل الركوع بس بقلب شعري )
6)اخر خطوة بمسح على فروة راسي بالقطنه , زيت الصبار ( مهم كتير للشعر )
و هلا مشان تقتنعو ب كلامي اكتر
شوفو فوائد الخطوات اللي بعملها
*تمشيط الشعر بالمقلوب : بيمنع التساقط , و بيحمي الشعر من التقصف
*الكريم المغذي : بيغذي الشعر و بيحميه من التساقط اثناء غسله , و كمان بيعطي
الفيتامينات اللازمة للشعر
*الشامبو والكريم المناسب : كل بنت لازم تعرف شو الشامبو اللي بناسب شعرها , واللي
بناسبك ما بيناسب غيرك , جربي اكتر من نوع , واختاري المناسب
*زيت الصبار :فوائده لا تعد ولا تحصى للشعر , خاصة انه بساعد على تغذية الشعر
, و اعادة انباته , و تكثيفه
,,
طبعا لو كان الشعر خالي من المشاكل ( غير متساقط , قوي , كثيف )
, غصب عن عينو رح يطول هههه
شو فايدة الشعر الطويل لو كان متساقط او خفيف ؟
الشعر حلاوته ب كثافته و صحته
ابعدو عن الخلطات مش كلها مناسبة ,
اهم شي العناية
و ابعدو عن السشوار و تنشيف الشعر فيه , دماار شامل للشعر
و اهم شي شرب المي و اكل الفواكه , و شرب المشروبات الطبيعية
كل هالشي بساهم ب تقوية الشعر
- تسريحات للبنات شعر متساقط
- تمشيط الشعر بالمقلوب يطول الشعر
