عارفة احساسك لما اولادك يناموا بدرى وانتى تنامى معاهم
وتصحى الصبح قبل ما هما يصحوا بساعة كدة شبعااااانة نوم
وتفطرى ونشربى النسكافيه بتاعك بروقاااان …
وبعدين ولادك يصحوا مفرفشين ومبسوطين ومبتسمين للحياة
ويقعدو مؤدبين يخلصوا فطارهم كله ويشربو اللبن
وبعدين يروحو اوضتهم يلعبوا في هدووووووء
والشقة راااايقة وكل حاجة نضيفة وفمكانها
وعندك اكل للغدا على التسخين بس
ومش وراكى اى حااااااااااااجة خااااالص
وتروحى للولاد في اوضتهم تساليهم مش عاوزين حاجة
يقولولك شكراااااااا يا ماما
طيب افتحلكم التليفزيون تتفرجو على كرتون
يقولولك شكررررررررا يا ماما
وبعدين تروحى تقعدى في الليفنج رووم لوحدك و تفتحى التليفزيون على برنامج بتحبيه وتقعدى تتفرجى
عليه
وتسلى نفسك لحد ما يجى ابو العيال
عارفة الاحساس ده
متخيلاه
متخيلاه كويس
خليكى متخيلة بقا
ابقى قابلينى لو حسيتيه اصلا
- يوميات زوجة عصرية
- قناه يوميات زوجه عصريه
- قناة يوميات زوجة عصرية
- يوميات _زوجه عصريه
