1- الزقوقو:على نصف كيلو زقوقو نحضروا تقريبا:
تقريبا 500 غ سكر (حسب المذاق)2 لتر ماء 400 غ دقيقا- التحضير:
– اولا نبدا ننظف الزقوقو جيدا من الاوساخ (تنقية اولى ثم حط في الماء ما
يغمرو ونتركو شوية الى ان يبقى التراب في الاعماق)- ثم نخرجو من الماء ونعيد تنقيته
الى ان يصبح نظيف- ونحطو ينضج اما في الشمس او في فرن مع التقليب من
وقت الى اخر الى ان يتبخر كل الماء ويصبح كانو مقلي.- بعد ذلك نتثبت مرة
اخرى انو تم تنظيفه جيدا ونحطو في رحاية اللحم او ندقو بالمهراس مع شوية ماء
الى ان تصبح عندنا مثل العجينة المزيتة لانو يخرج نوع من الزيت عند عجنو- ناخذ
الهريس المتحصل عليه ونخلطو مع شوية ماء موش كثير وهنا ممكن تحط في الخلاط الكهربائي
حتى يصبح متجانس مع كاس ماء فقط مثلا (نكون حضرنا بجنبنا قارورة او ماعون فيه
لترين من الماء حتى لا نتعدى تلك الكمية) ونتركو يتحل شوية في الماء- بعد ذلك
ناخذ غربال جويد ونضع تحتو ماعون ونحط بجنبا محلول الزقوقو و القارورة بما تبقى من
الماء : نحطو هريس الزقوقو فوق الغربال ونبدا بصب الماء شويو شوية ونمرسو بيدنا حتى
نخرجو منو روحو مثل ما نقول هنا ونبقى نضيف الماء تدريجيا الى ان يبقى فوق
الغربال فقط القشور وهذي هي اهم عملية لذلك ااكد على اضافة الماء شوية شوية واذا
رايت انو مازال هنالك شوية قلب ابيض حاولي تعيدي العملية على ان تحسي انو ما
عاد فيه الا القشور اللي تتلوح- اذا رايت انو لازم تضيفي ماء ما يهم حاولي
ما تفوتي نصف لتر اخر- اخيرا نصفي الخليط الجديد في غربال الفرينة مرة اخيرة ولا
يبقى عندنا الا سائل عندها نظيفو تقريبا 400 غرام دقيق فرينة يعني اقل من نصف
الكيلو ونعيد مرة اخرى تعدية الغربال- اخيرا نضيف السكر ونخلط مليح ونتذوق اذا لازم نزيد
او لا
ب- الطهي:- نحط العصيدة حاضرة فوق النار (تكون لينة) ونبدا بالتحريك على طول: هذا مهم
جدا التحريك يكون بمدلك لوح اذا متوفر ويكون من قعر الماعون حتى لا تشد العصيدة
ونبقى في التحريك الى ان يتماسك الخليط ولونه يصبح يقرب للاسود ويصبح يشبه الكريمة الخاثرة-
عندها نخرجو من النار حتى تطيب اكثر ونتفقدو السكر حيث ممكن ان نضيفه في ها
المرحلة ونواصل التحريك برة- نحطو في اصحاف او اكواب تكون حاضرة ومنشفة جيدا ونتركو يبرد
(ما نتعدى ¾ ).(على فكرة انا عندي سر ساقوله لك حتى تنجح عملية الطهو: قبل
ان ابدا في طهو العصيدة اخذ كمية صغيرة تقريبا كاس واجربو في ززوة او كسرولة
صغيرة فاذا طلع مثل ما اريد ابدا في الطهي ,اما اذا كان هنالك خطا اصلحه:
مثلا ان تكون خاثرة جدا فاضيف شوية ماء اما اذا كان العكس فاضيف شوية فرينة
واذا ناقصة سكر اضيف السكر وهكذا تسهل العملية …)
2- الكريمة :ناخذ 2 لتر حليب عليهم :- 8 ملاعق اكل نشاء تقريبا 160 غرام-
اصفر 8 بيضاتنخلط الجميع جيدا ثم نعدي في غربال ونضيف عليهم:- 14 ملعقة سكر ونحرك
مليح- (ممكن اضافة نصف حكة حليب مركز محلى للنكهة : غير ضروري)
نحط على نار هادية ونبقى نحرك الى ان تخثر الكريمة ونخرج برة النار ونضيفو شوية
ماء ورد او عطرشية ونبقى نحرك شوية لازم تكون ماهي خاثرة كثير لانها لما تبرد
ستيبس اكثر، ثم نصب فوق العصيدة (لازم تكون باردة طبعا) تقريبا اصبع واحد من الكريمة
او اصبعين ونتركها تبرد
3- الزينة
نقلي شوية فاكهة :- 100 غ بندق- 100 غ بوفريوة- 100 غ لوز بدون قشرة-
100 غ جوز- 100 غ فستق
-قلي الجميع وارحي كل نوع وحدو(مع مراعات انو لا يخرج زيتو) وحطيه في صحن وحدو
حتى تصير عندك عدة الواناما الزينة فممكن تتفنني واسهل طريقة وهي طريقة الجدود ناخذ البندق
او قلوب الصنوبر ونرشم بيه الصحفة او الكوب فوق الكريمة (بعدما تبرد) الى 4 او
3 … ثم نزين كل ربع او 1/3 بنوع من الفاكية (منطقة خضراء: الفستق مرحي/منطقة
بيضاء: اللوز مقشر ومرحي / منطقة صفراء: البوفريوة مقشرة ومرحية/ منطقة بنية: الجوز مقشر ومرحي)
