بعض القصائد البدوية الغزلية:
ودي بك وأبيك وأباك وأبغاك
جمعتها لرضاك واختار فيها
شف ويش منها يتبع احكاك ورضاك
واللي لك اسقي مسمعك لا ضميها
غديت (افر)احكاي واساير احكاك
وانا تشرف لكنتي واهتويها
مضمونها ودي بشوفتك واهواك
ياللي دروب أهل الردى ما تجيها
صانك ولي أمرك وحبك وداراك
ولا قدر ردع الحظوظ ومجيها
نفسك مهذبها وعز الله رباك
مايدري ان جيش الهيام يغزيها
الله قسم يبلاك بي وانت يبلاك
باللي سواتي في العرب يرتجيها
محبة (ن ) ذربة من القلب تكساك
محبة (ن) صدق الهوى يكتسيها
يامرك قلبك بالوفا لي وتنهاك
ناس (ن) على لاماك تفرك يديها
رزين عقل ومن مزايا مزاياك
نفسك تحب وعفتك تمتطيها
تطيع عقل (ن) ما بعد زل واغواك
مشاعرك تعصاه، وانت تعصيها
ما شفت منك إلا عيونك ويمناك
محبة (ن) راع الردى ما يبيها
يقبض فؤادي لا تخيلت فرقاك
ياشف عين (ن) ما سواك يعنيها
ويا عزوة اخوانك ومطلب هذولاك
ناس (ن) محبة والدك تدعيها
ناس (ن) تخدم أبيك كله لعيناك
وهو يحسب ان الله عليه يهديها
يا جعلها تفدى على الأرض ما طاك
والله بمن هو مثلها يبتليها
لكن لعب في يا وليفي تغلاك
ونفسي غلاك من الصدود يحديها
تبطي علي وأنا هنا واتحراك
وكبدي لو أهيب الصبر تشتويها
واجمع علومك امن هناك وهناك
ووالله لو انها تنشرى لا اشتريها
وعذرك انا لا هي) يا ويش اللي ألهاك
لاا هي ومر(ن)منت لاهي تليها
كإنك مشكك في الوفا والغلا هااك
جوالي أقر القائمة كل أبيها
رقمك مع (الصادر) ولا (وارد ) اسواك
والناس في اللي ( لم يرد عليها ).
واياك واياني…واياني اياك
ومن غيبة (ن) من دون عذر يحميها
نويت مرباع الغضي سيد الأحباب
قصدي يزول الجرح زاد التهابه
جيت وبقايل نارهم حول الأطناب
بيت الشعر مطوي وباقي زهابه
أقفت ركايبهم ومني الهدب ذاب
الدمع يسري والذهل بالإجابة
على غزير الدمع ضميت الأهداب
صديت لين لين الدمع يقفي سحابة
بعض الوجع يمكن تداويه الأعشاب
وبعض الوجع يا ويل من هو سطا به
عشق بدوي لا حب ما هو بكذاب
يوفي ولو جرحه تجدد صوابه
واليوم وصلت بيننا مثل الأجناب
ذاك الغلا يا ضيعته يا سفابه
باكر إذا جينا لهم مثل الأغراب
من عقب ما كنا الأهل والقرابة
الأمر لله كل شي له أسباب
ولا الهوى وش لي على ما اهتدى به
وشلون قلبي ما يجي اليوم منصاب
على الكتم منقوش بعض الكتابة
حتى اثر مشيه مع سهول وهضاب
مر يجيه ومر ما يندرى به
قلبي من الفرقا صويب ومرتاب
كنه غدى صوين من هول ما به
حزني عليه إنه تسبب ولا طاب
نظرة طبيبة عجلت في ذهابه
ريح الخزامى والنفل زين الأطياب
يشدني ريح السمر في ثيابه
لا أقبل نسيم به خيل وركاب
وله في طلوع الشمس عز ومهابة
قصيدة بدوية أخرى
بديت لي بأبيات شعرن جديدات
وفوق السطور أكتب بيوتن جدادي
أونست يا مشكاي بالصدر ضيقات
وإن قلت راح الضيق بالصدر زادي
طرا علي اللي عيونه وسيعات
اللي مشاركني بنومي وزادي
وما ظني أنسا اللي رموشه ظليلات
وأنا ليا منه طرا وااااااهجادي
قضيت مع خلي ليالي جميلات
أنا مفادي وأهو مثلي مفادي
وأخذت أنا وياه بالحب سجات
في عشرتن ماهي بعشرة فسادي
لكن حدتني في زماني غيارات
وعيا يحقق لي زماني مرادي
حب وراه فراق ما فيه لذات
مثل البياض اللي غشاه السوادي
وصحيح ما قال المثل والروايات
ما تعقب النيران كود الرمادي
وخلصت مالي بالمحبة هوايات
وزرعن زرعت أصرم وجاه الحصادي
ما هو صحيح الحب كذب وخرافات
إن كنت ماني يا أهل العلم غادي
الحب بدعة ما نزلت فيه الآيات
ولا قريناله حديثن وكادي
من بعد حب دام خمس سنوات
صارت نهاية حبنا شي عادي
قصيدة غزل بدوية وحضرية
الحضرية
قلنا سلام الله يا راعي الرعية
وين الطريق اللي تودي للبلد
معنا غشيم ما عرف قيمة خوية
ضيعة بقفار ما فيها أحد
البدوي
يا هلا ويا مرحبا بالنرجسية
أقلطي فالدار دارك والولد
ذيك خيمتنا ولا انتي بالخلية
ولك أمان الله في يوم الأحد
الحضرية
ما لنا مجلاس يا رجل الحمية
مثلنا لا غاب لحظة يفتقد
غير ذا الهندي عساه اليوم حية
لا عرف درب ولا هو اللي نشد
البدوي
إن جلستوا مرحبا ضيوف علية
وإن تعذرتوا معك طير السعد
ما يجوز الغصب لك ونتي بنية
لكن العودة ولازم من وعد
الحضرية
إن عطاني الله عمر ولي بقية
لازم أرجع مع هلي لك يوم غد
وإن تفارقنا تذكرك المطية
وجعل يخلفنا على ديارك رعد
البدوي
ليتني هندي معك يا الغشمرية
وإن ذالهندي في المفلا قعد
ليتني وياك نرعى بالرعية
أو ليت قلبي خبل لا رحتي هجد
الحضرية
الله يخليك ما ني ببدوية
ما نقصني يا ولد هم ونكد
دلنا على الخط دام الشمس حية
لا دنانا الليل ذالهندي رقد
البدوي
ذاك دربك من ورا ذيك الحوية
واستري وجهك ولا تبديه أبد
وان بغيتي تحطبي مالك لوية
اجعلي بيديك حبل منمسد
- مساء الخير شعر بدوي
- شعربدوی
- شعر بدوي فيسبوك
- شعر بدو فيسبوك
- شعر قديم بدوي فيس بوك
- شعربدوي فيسبوك
- صباح الخير شعر بدوي
- صورة مسلس لحب كذب
- عشق بدوي فيس بوك
- يالي دروب الردى ما تجيها
