صحوه من الضلااااااااام …
الجزء الاول
في احدى ليالي القمر الذي بدا نوره خافتا غيم عليه ضلااام الليل سكووون هدوء
بعكس ضربااات قلبهاا القويه التي لاتكاد تتوقف وجبينها الذي يتصبب عرقا من الخوف
كانت تمشي وتمشي بل كانت تهرب من ذلك المكاااان باقصى سرعه لديهاا وهي تلهث من
الخوف خوف الماضي والحاضر خوف من الم شديد لامس قلبهاا قبل جسدهاا
,, كانت تلتفت وراهااا برعب وهي خايفه من اللي كاانواا يلاحقووها رجولهاا ماعادت تتحمل اكثر
من المساافه اللي ركضتها كانت دمعاتها تسيل على خدها الناعم الابيض والمحمر بنفس الوقت
احتمت بسور بيت وهي خلاص ما عاد فيها تتحمل اكثر جلست على الارض وضمت رجولها
وبكت بحرقه (لا هذا مو وقت الالم الحين دامك نويتي تخرجي من ذاك السجن لازم
تتحملي لازم تصبري لان العذاب اللي عشتيه بيخليك تحفري قبرك بايدك )
شافت ضوء سيارته وهو يدور عليها
وقفت من الخوف وهي تستند على الجدار ورجولها ترتجف برررررررررعب
لفت وراها وهي تشوف مقدار السور اللي وراها واكتشفت انها تقدر تتسلقه
تسلقت السور بسرررعه وطاح منها شوزهاا اللي كانت لابسته (واحد بس )نزلت راسها تطالع فيه
لكنها سمعت صرخته اللي خلتها تفزع من مكاانها وتطيح داخل البيت اللي ماتدري حق منوو
السور كان مرتفع شوي والطيحه خلتها تطيح على ظهرها بقووه واللي خفف المها العشب اللي
كان تحتها
قامت وهي تجري بسرعه خايفه من البيت اللي اول مره تدخله كانت فله كبيره كبيره
بمعنى الكلمه
حست انها مشت واايد في هذيك الحديقه
شوي وبدات تسمع اصواات واايد وضحكاات وسوالف
تقربت لمصدر الصوت وشمت ريحة الشوي اللي خلتها تذوب مكانها ولعابها سال ’’مسكت بطنها اللي
صار يطلع اصوات
تكلمت ببحة صوتها اللي تذبح :ااااااااه صار لي كم مااكلت ايه صح الامس بس الفطور
والله والفطور بيضه وخبز يابس بس الحمد لله نعمه ااااه جوعااانه بموت من الجوع
جاهاا صوت من وراها :هي انتي تكلمين حالك مجنونه
كانت عاطيته ظهرها وارتجف كل عضو فيها ونزلت راسها بخوف وفي نفسها
(ياربي حتى اللي مايعرفوني اتهموني بالجنون هو مكتوب علي ولا ايش )
اما هو طالع في عبايتها اللي باين عليها مناقضه للمكان اللي واقفه فيه وباين عليها
قدييييمه وشكلها لمغبر وبعض اثار العشب والرمل عالق فيهاا
……..:انتي مين ؟؟ وكيف دخلتي هنا هذا ابو احمد يبيله تغيير يدخل كل من هب
ودب البيت
لفت له بخوف وهي لازلت منزله راسها وتكلمت بصوتها المبحوح خلقه :اااا امممم ..ممكن ..اقصد
و سكتت ما عرفت شتقول
ناظر فيها مستغرب بعدين قال :اشفيك قمتي تتمتين ؟ المهم تكلم بثقه :انا عرفت الموضوع
خلصيني كم تبين ؟؟
رفعت راسها بصدمه وهو انصعق من نظراتها اولا :لان كلمة عيونها خيااااااال قليل بحقها ثانيا
:حدتهم ولمعانهم بشكل رهيب وردت عليه بقوه :اسمع انا مو جايه اطر من عندك قالو
لك شحاذه
ناظر فيها بسخريه وهو يرد عليها بنفس قوتها وزود :اعصابك على نظراتك بالله هذا شكل
شنوو
وهو يناظر فيها بشمئزاز وكمل :بعدين اذا ماكنتي شحاذه اكيد بتكوني حراميه طالعي الوقت وشوفي
الساعة كم وبعدين تكلمي
رفعت عيونها بصدمه لما حست بان احد حواليهم ناظرت فيهم لقت الكل مجتمع ويطالع فيها
وفيه
خلاص دموعها بدت تخونها اكيد سمعوا الكلام اللي قاله عنها
الكل يطالع فيها بستفهام يبي يفهم شسالفه والاكيد ان ماعندها اجابه ,,بدت تسمع همساتهم
خلااص هالمره من جد مب قادره توقف استنزفت الكثير من الطاقه جلست وسسط انظار الكل
والكل مذهوول منها
واللي يقول :فوق شينها قوات عينها
والثاني يقول: والله ماتستحي
صرخ في وجهها / هي انتي دام مالك لزمه هنا قوومي اطلعي بررا
جاه صوت من وراه: اسااااااااااامه بعد عن البنت
اسامه: بسس يما
الجده وهي تقاطعه : خلااص البنت ع مسؤليتي
اسامه باحترام: تامرين يالغاليه
ومشا هو والشباب الي كانو واقفين يطمشون ع البنت
تقربت منها الجده وضلت تناظر فيها فتره ونزلت دموعها (تذكرت موقف مر عليها من قبل
)
والكل كان متعجب من دموع الجده
والغريب اكثر لما ضمتها الجده وضمتها البنت اقوووى وصارت تبكي بصووت عالي وهي تشااهق وتتكلم
كلامات متقطعه
: ه و هو ك ان يلاحقني يبي يذ ب ح ني يبي يمحيني من
الوجود هو يكرهني …..انا ماسسويت شئ وربي ماسويت ششئ الله يخليك لاتخليه ياخذني
اللكل واقف منصدم من لكلاام الي تقوله ومو فاهمين ششئ
لكنهم سمعو صراخ جاي صوبهم وكان ابو احمد (الحارس) ماسك رجال باين عليه الكبر والشيب
مالي وجهه وشكله مقزز وهذاك معند ويصرخ بصوت عالي
ابو سيف: طلعي يابنت الكللللللللللللللللللللللب يالي ماتستحين ع وجهك طلعي لايصير ذبببحك ع ايدي
قامو رجال العايله وهم يناظرون الرجال الغريب عليهم والي باين من شكله المبهذل انه رجال
حافي منتف وراعي مشاكل
ابو احمد بضعف: اسسف ياعمي ماقدرت عليه
ابو راشد(الجد): خلاااص اتركه يابو احمد
وتركه ابو احمد
صرخ ابو سيف : رجعوها الي ماتستحي الي ماتربت رجعوها وصرخ بصوت اعلى ووووووووووووووووووهم
ابو راشد بغضب: لاتصرخ انت ماتستحي جاي بيت مو بيتك ماخذنا بشراع وميداف شايفنا اصغر
عيالك وبعدين من تكون انت ؟؟؟؟!
ابو سيف : انا عمها وولي امرها طلعوها لااخلي المحاكم بينا سوودت وجهي الي ماتستحي
وينها اعلمها كيف تطلع برا البيت مره ثاانيه بعد ماحش رجولها حش ناكرت المعروف
ابو راشد بقلة صبر: خلاصة الموضوع شنو
ابو سيف : انك تجيبها لي
كانت تسسمع الحوار وهي ترجف بين كل كلمه والثانيه مسسكتها الجده وتقدمت بها وهي تتوسل
لها ماتخليها بروحها لانه ناوي يقتلها
اول ما شاف طيفها اشتعلت نيران الغضب عنده لمعدل المليون
سحبها بقووه قدام انظار الكل وهو يرمي عليها بكلماته القذره
و هو يضربها
ابو راشد :وهذي بنتك عندك تبي تذبحها قدامنا بعد
ابو سيف وهو ناسي وجود الكل :والله لاطلع ثمن فعلتك الشينه هذي من عيونك واخليك
ماتعرفين يمينك من يسارك
ام راشد تكلمت بعد سكوت :اسمع هذي البنت مالها طلعة من هالبيت
ابو سيف عطاها كف بكل قوته خلاها تطيح من طولها :امداااك تلعبين على خلق الله
وتحطي لهم من سحورك
سحبتها ام راشد بقوه منه :قلت لك مالها طلعه من هالبيت
ابو راشد :بامر وكانه ينهي الموضوع :ام راشد اخذي البنت لداخل بسررعه
وهم اختل توازنها بعد لطراق اللي حصلته وطاقتها خلاااص راحت وطاح مغشي عليها
شالوها البنات بسرعه
وابو سيف يصرخ :هي انتو ويييين ماخذينها هذي بنتي ومال لحد شغل فيهاااااا
واتجه صوبها وسحبها منهم بعنف ودزها ع الارض بكل قوه اللي الكل حس انو اضلاعها
تكسرت
اتجهوا صوبه الشباب ومسكوه وهم يبعدونه عنها لكن هذا مامنعه انه يعطيها رفسه بخاصرتهاا حسستها
بان الدنيا حولهاا ظلاااااااااااااام
فهل ياترى سيكون الظلام الابدي ؟؟
سحبوه لبرى ورموه وقفلوا البوابه الكبيررره وهو يسب ويلعن فيهم وفيهاا
اما هي شالوها وحطوها في غرفة الضيوف واستدعوا دكتورة العايله
الدكتوره هبه :البنت لازم تنقولها المستشفى الحين حالتها خطيرررره مره هذا عمها ماخلى مكان في
وجهها ولا في جسمهاا البنت وااايد حالتها صعبه الكدمات شكلها صار لهاا ايام وهي مو
متعالجه هذا غير انو في ايدهاا كسر
ناظروا البنات فيها وهي نايمه ع السرير شكلها ملائكي حد الجنون ماحد توقع انو شكلها
راح يكون بهالجمال جميله بكل ماتعنيه هذه الكلمه ولكن الكدمات في كل مكان في جسمها
ووجهها شاحب واصفر
للعلم (وهم مصابه بمرض فقر الدم تتعب بين شهر وشهر بس مع ذلك كانت تتحمل
كل الالام لان مرضها نفسي باعتقاد الكل )
من بعد كلام الدكتوره ع طول نقلوها المستشفى عشان تسوي فحوصات وغيره وطبعا نوموهاا هناك
لان حالتها جدا سيئه
ام راشد صلت الفجر وقرت لها قران وقعدت تفكر بالبنت الجديده اللي اقتحمت اسوار بيتهم
تحس انها تعرفها تحس يوم تضمها انه هالحضن مو غريب عليها تحس انها شايفتها قبل
بس وين ماتدري تذكر انها بالاسابيع الاخيره كانت تحلم واايد عن بنت ضايعه في الصحراء
وتطلبها تساعدها البنت كانوا اهلها تاركينها في الصحراء عن قصد لانهم مايبونها
تذكر وجهها جميل بيضاء لدرجة ماقدرت تركز بملامحها
وهذي بيضاء وجميللللله بعد
نفضت هالافكار من بالها وهي تستغفر الله وتدعي ان الله يشافي هالبنت اللي اخذت تفكيرهاا
نهاية البارت الاول
رد مع اقتباس
التعليقات «اضف تعليقك»
sara-07
بدايااات
الباااارت الثااني
اشرق صباح يوم جديد على تلك المطروحه في ذلك االفراش تناام بعمق وهدوء ضاهري ولكنها
في الواقع تعيش صرااع داخلي قووي حتى وهي نائمه
جبينها كان يتصبب عرق والحراره تسسري بجسمها النحيف المملوء بالجراحات
بدئت تتمتم بكلمات غير مفهومه وهي تحرك براسها يمين وشمال
ام راشد طلبت من السايق يوصلها من الصباح لان داخلها شعور خوف على هذي المجهوله
بالنسبه لهاا
وهاهي الان بجانبهاا تمسح ع راسهاا وتقرا عليها ايات من القران
واخيرا فتحت عيونها العسليه برموش كثيفه جدا ومكحله من الاساس عيون واسعه جميله الكل وده
يناظر فيهاا
تكلمت بصوتها المبحوح :اب…ي ماااي
قامت الجده وبسرعه جابت لها مااي وشربتها ايااه
ام راشد :شلونتس يمه اليوم عساتس طيبه
نزلت وهم راسها بحزن :الحمد لله.. الحمد لله
وتكلمت بانفعاال :انا مامت انا عااايششه يعني عمي ماذبحنني ماذبحني ماذبحني
ام راشد بحنان :وليه يذبحك انتي سويتي شي غلط ؟ وبعدين مافي عم مايحب بنت
اخوه
وهم وهي تبكي :ايه هو دايم يبي يذبحني ..بس والله ماسويت شي يا….
ام راشد :كملي ليش سكتي وبعدين اعتبريني من اليوم امك وقولي لي يمه طبعا اذا
عجبتس
ضمتها وهم وهي تخبي نفسهاا وتبكي بصوت يقطع القلب كانت تدور من زمان ع حضن
دافئ يعوضها عن الحرمان اللي عاشته :يمه تدرين اني مااعرف معناها ما اعرف معنى الام
لاني انحرمت من حنانها مثل ما انحرمت من وجودها
ام راشد :ليه يبنتي وين امتس وابوتس ؟
بعدت عن حضنها وتكلمت والعبره خانقتها :امي ماتت بعد ولادتي بكم شهر وابوي قطني على
عمي من كان عمري 6 سنوات وبعدهاا ما شفته ابدا
وطاحت دموعها لاشعوري :هو تخلى عني مثل ما لكل تخلى عننني
مسكتها الجده وهي تضمها لصدرها :انا والله حبيتس من قبل لااشوفتس حاسه اني شفتك قبل
كذا
حطت راسها على صدرها هذا الحضن اللي حست فيه بالامان وبعدها اغلقت عينيها لتهرب من
واقعها المرير
*
*
ابي ابكي من الضيقه وابعزف للهموم الحان
ابي اطلق مواويل الحزن وبطرح كل دواويني
ابي اشكي ابي احكي ابوصف للبشر حرمان
ابيهم كلهم يدرون ابيهم يشعروا فيني
ابي لامن طرى اسمي بكى من لوعتي شيبان
ابي لامن طرى”عاشق”ذكر من كان يغليني
ابيهم يذكرون اني صرت بدمعتي غرقان
ابيهم يعرفون الهم هو اللي صار مخاويني
ابي اصرخ وابلغهم واقول ان الفرح خوان
يجي مره معااي وهو طول العمر ناسيني
ابي اترك لهم قصه واخيرهم على العنواااااااان
يسموا “حزن” يحطوا “دمع” ماعاد يعنيني
ابي لامن وصل صوتي يحس بضيقتي انساااان
ابي لامن نزف جرحي لقيت اللي يداويني
ابي شخص يجي يمي ويقفل للعنا بيبااان
ابيه يكون لي خل وعلى حزني يواسيني
ابيه لمركبي مرسى وابيه لغربتي اوطاااان
ابي لامن ذرفت الدمع لقيته لي يعزيني
انا مابيه يصبح ضلع ابيه يكون لي ضلعان
ابي لامن مشيت وطحت يحط ايديه في يديني
الا من خانني التعبير ابيه يكون لي انساااان
ابي لامن سكت القاه ..يفهم من نظر عيني
ابي لامن تعبت وضقت ..يلم الروح بالاحضان
ابيه يكون لي كتاب اذا ضاعت عناويني
*
*
نزلت الدرج وهي بعدها تثاوب من النعس اللي تحس فيه
تقربت وباست امها وابوها وجلست
شيماء تدزها وبهمس:كل هذا نوم صار لنا ساعه وحنا نصحي فيك
دانه بنفس الهمس :مانمت شي عارفه انو امس الكل مجتمع عندنا لا وجت لنا قصه
تطير النوم من عيونا قصه ولا بالاحلام وكملت بهبل :تعالي هو صحيح كانت في بنت
البارحه ولا انا احلم
طقتها شيماء ع راسها :اقول اسكتي يطالعون فينا
شيماء (عمرها 21 سنه حساسه مرره وهاديه ملامحها ناعمه مثل شخصيتها محيره لولد عمهاا فيصل
)
دانه (عمرها 19 سنه بنت فله وحالميه (رومانسيه)فيها خفت دم تخليك تحبها من اول لقااء
)
دخل عليهم غرفة الطعام الكبيررره وهو يحط معطفه الابيض والملفات اللي كان حاملها بيده ع
الطاوله وقال بصوته الرخيم :السلاام عليكم
الكل :وعليكم السلام
وجلس ع الكرسي بجنب امه اللي قالت بحنان :هاا يمه شلونك مع الشغل اليوم
اسامه :يمه انا دوامي باليل اليوم بس رحت عشان اجيب لي بعض الاوراق والملفات المهمه
ابو يوسف :شلون البنت الحين
اسامه :اي بنت ؟؟
ابو يوسف :البنت اللي جات امس البيت
اسامه :ايه ذكرتها والله مدري عنها اي شي
ابو يوسف : ليه مارحت تسال عنها وتشوف شلون حالتها
اسامه انسدت نفسه من طاريها مايدري ليه مايحبها :حاضر يبه وقت دوامي امر الدكتور اللي
يعالجها وشوف وضعها وقاام من الطاوله وهو يقول :الحمد لله
ام يوسف :بس يمه ما اكلت شي
اسامه :الحمد لله يمه شبعت ..وطلع عنهم
اسامه (عمره 27 سنه دكتور وعنده مستشفى خاص فيه ,,شخصيه متحكمه تحب التملك غامض لدرجه
اولى الكل مايعرف اللي بداخله جميل مرره بياض بشعر اسود فاحم بعيون رماديه تجذب عنييييد
مرره ومغرور بزياده يشبه اياد في لحظة ودااع بالجسم )
واخر العنقود فراس( عمره 15 سنه عقله اكبر من سنه وهو داهيه عليها افكار جهنميه
ههاع
في مكان اخر ودوله اخرى وبالتحديد في مملكة البحرين
اول شي نرجع قبل سنتين |
في احدى زوايا تلك الغرفه المظلمه والبااااارده كانت ضامه ركبتيها الى صدرها وهي تبكي بشده
بكاء بعويل بااح صوتها من شدة مابكت
لم تكن الدموع فقط هي من تسقط ولكن جسدها يتقطع اشلاء وقلبهاا يتمزق تذكرت اخر
منظر مر عليهاا لما توفى اخوها سامي بحادث صارت المشاكل ملاحقتهم انطردوا من البيت اللي
عاشوا فيه وامها طاحت مريضه وماعندهم فلوس علاجهاا هذا غير ان مااحد رضى يوضفهاا
( اااااااااااااه كل الابواب تسكرت بوجهي )خلاص تعبت من اللي لاقته كل هذا لانها من
الجنس الناعم الرقيق ولان شخصيتها ضعيفه وماعندها جراه ابدا
لكنها فجاه مسحت دموعها بقوه ووقفت وهي تتلمس الجدار لتصل الى ضوء الغرفه ,,وبعد ماشافته
شغلته
كانت فكره مجنونه تسيطر عليها وتلح عليها بتنفيذها
صارت تدور بين اغراضها وتنثرهم
واخيرا شافت اللي كانت تدور عليه
وقفت امام المراه (المرايا)وبيدها المقص
وبدات بقص شعراتها الكستنائيه ,شعرها الطويل الناعم مثل الحرير منبع جمالها الاساسي ,,قصته لتصبح هي
والولد واااحد
في الحاضر |
بعد سنتين :
ركب سيارته السوداء الفاخره بعد ما فتح له السايق الباب وهو يرد ع جواله
كينان: خلاص قلت لك بشتري لك اللي تبيه من عيوني يالغالي
نواف :تسلم لي ياخوي ماتقصر
كينان :ولو كم نواف عندي انا
نواف :طبعا واحد اللي هو انا
كينان :هذا انت عرفت يالله انا بقفل الحين طيب
نواف يه توصل بالسلامه باااي
كينان :الله يسلمك باااي
*
وصل كينان عند محل سوبر ماركت ونزل من سيارته
وراح يشتري لاخوه الصغير نواف
لكن الصوت القوي شده وخلاه يستمع للكلام اللي ينقال
وائل :قلت لك امشي معااي ولا اعلم عليك ابوي واخليه يطردك من الشغل
سامي :قلت لك مو رايح منو انت اللي تجبرني اروح معااك وين ماتبي انا ما
امشي مع ناس حثاله مثلك …خساره تربيت عمي مرزوق فيك
وائل بعصبيه :منو الحثاله بالله انا ولا انت يالبزر وبعدين المكان اللي ابي اروح له
تكون انت لاحقني وانت مغمض
سامي :اسمع ماله داعي انك تصرخ ..احبالك الصوتيه يبابا
وراح بيمشي عنه
لكن فاجاته لكمه قويه خلاه يطيح ع الارض وصار يضربه
جسمه المليان شوي كان يساعده بعد وانهال عليه بالضرب اقوي لانه ماسمع اي كلمه ترجي
بانه يخليه ويتركه منه ع العكس كان يتالم بس مانطق باي كلمه لدرجة ان وائل
قام ودعس عليه برجله وهو تحت رجله كاتم اهاته وكاتم المه لكن مافيه قوة زياده
مهما يكون هو بنت ضعيفه وذاك ولد ومليان
رفعت راسها وهي تشوف المدافع الوحيد عنها يجر ذاك الولد اللي كان معاها
وبدء الجمهور كلهم يروحون عداها وذاك اللي اسمه وائل
كينان :لما تجي تضرب الناس اضرب الناس اللي قدك مو اللي اضعف منك
لكن جاه صوتها يصرخ وهي لازلت مرميه ع الارض :انا مو اضعف من احد
نبرة صوتها شككه فيهاا
كفاية ملامح وجهه الجذابه معقوله في ولد بهذا الجمال
رد عليها بقوه :اقول انت قوم ولا تسوي مشاكل مع الكل وانت ماتقدر حتى تهش
الذبان عنك
طبعا وائل انسحب هالحظه لانه عارف ومتاكد من مكانة الشخص اللي قدامه واللي الكل يحسب
له الف حساب
سامي :محد قالك تدخل في شي مايعنيك انا كنت اقدر ادافع عن نفسي
كينان بسخريه :اقول انت يالبزر روح اشرب الحليب كل يوم كان تتقوى اعضامك وبعدين جرب
تهاوش اللي اكبر منك ,,وراح عنها
وقفت مكانها وهي مقهوره من ضعفها شافت علبة بيبسي وحذفتها عليه من القهر
وصاب اطراف بنطلونه الجينز
وقف مصدوم ولف ناحيتها بقوه
سامي ببتسامه :يقولوا عني هداف درجة اولى …بااااي
وراحت تهرب عنه بسرعة
كينان بعده واقف مصدوم ابتسااامته عذااب انقهر من تفكيره وتذكر بنطلونه وقام يناظره وهو يسب
ويلعن فيه
كينان :انا اول مره يصير معي كذا ,,انا انا ولد صغير يسوي فيني كذا ااااااه
يالقهر
(كينان شاب وسيييم مره عمره 28 سنه من السعوديه بس عنده شركه في البحرين يشتغل
فيهاا عشان كذا مايرجع السعوديه الا في الاجازات حنون واايد ويخاف على اخوه نواف مررره)
(نواف عمره 10 سنوات مايحب المدرسه او بمعنى اصح يخااف منها مدلع واايد لانه يتيم
الام والاب عشان كذا كينان معوضه عن فقدانهم )
*
*
*
نهاية البارت الثاني
رد مع اقتباس
sara-07
البااااااااااااااااااارت الثالث
مدري شعلاامي صرت ضاايق ومليت وقعدت افكر
في زمان مضا لي
سال دمعي فوق خدي وصديت صدة حزين غربلته الليالي
لاشك انا منساك مهما تناسيت
وبعطيك من احساسي كل ماضاق بالي
————–
في منزل اخر مجاور الى بيت ابو يوسف
مؤشر الساعه كان على الساعه 4 العصر
دخلت الغرفه ورمت حالها ع السرير بطفش
ناظرت اختها وهي واقفه قدام المنظره (المرايا) وتعدل في شكلها
نوره : بتطلعين
نور : ااممم وراي بحث في الكليه فبروح الى فرح بنت عمي نسويه
نوره بطفش : اففففف زههههههق البيييت مرره
نور: انتي ليه ماتحبين يوم الجمعه ابي اعرف
نوره : تسوين حالك ماتدرين يعني انا احبه بسس في شئ ينكد علي
نور : ايوه ايوه اعرف لاان جدي يكون موجود والعيال يجون بيتنا ويزورونه وانتي ماتحبي
تشوفي ………
نوره وهي توقف ع السرير: يااربي اكرهه ماطيقه ملييق اففف خاطري ابرد حرتي فيه بس
مو عارفه شلون
نور : ابي افهم ليش ماتحبيه وليه بالذات هو الي تكرهيه
نوره : لان المواقف الغبيه ماتصير معي الا وهو موجود ولازم يضحك ويفشلني ويتمسخر علي
وقامت طلعت من الغرفه وهيه تتحلطم
لبست عباتها ولثمتها وطلعت من الباب الثاني وهي تمشي بحذر
تقربت صوب المجلس بهدوء ووقفت عند جزمهم (الله يكرمكم) وشافت جزمته الجلد البيجيه المميزه بين
الكل
والكل يعرف انه مايلبس الا الون البيج
ابتسمت ع الفكره الجهنميه اللي خطرت عليها
وسحبت الجزمه وبحركه سريعه اختفت من المكان ودخلت المطبخ وفتحت الثلااجه واحتارت اي عصير تختار
واختارت عصير المانجو
حطت الجزمه ع الطاوله وبدت تصب داخلها العصير وهي مب قادره توقف من الضحك
انتظرت 3 دقايق ومسحته طبعا بدون مااي عشان تلزق رجوله هذا غيير الريحه القويه ونفس
الشئ مشت بخطوات حذره راجعه لنفس المكان ونزلت راسها تحطه لكنها انصدمت لما نفتح الباب
وطلع منه
تلاشت ابتسامتها وهو يشوفها بعدها ماسكه اطراف جزمته
سلطاان باستهزاء: خير ست نوره عسى عجبتك الجزمه
نوره بقرف : ووووع ….ومالقى غير غبارها في المكان
وابتسم ع شكلها وهي هربانه
ولبس جزمته بيطلع من الفله لكنه حسس انا رجوله كل شوي تلزق وفيها ريحه مقززه
يكرها سلطان
فا على طوول عرف ان نوره الي سسوت كذا
ناظر بشباك البيت وشافها ماسكه بطنها من كثر الضحك
سلطان بتوعد : هيين يانوره دواك عندي
……………..
جلست ع الارض وهيه ميته ضحك عليه
جاها صوت وراها :: مجنونه انتي جالسه تضحكين بروحك
نوره ببتسامه عريضه: اقوول فصول ورى ماتتزوج هذي البنت الي امس جات بيت عمي ابو
يوسف
فيصل : اقوول قلبي وجهك وبلا هالجنون الحمد الله والشكر اللهم ثبت لها العقل ياارب
*
*
*
طق الباب ودخل بعد ماسمعها تقول تفضل
ناظر فيها باستغراب وهو يشوفها لابسه عبايتها وحاطه النقاب ع وجهها
اسامه باستهزاء: خير ع وين ان شااء الله
وهم بصوت يالله ينسمع : ابي اطلع من هني
اسامه بقلة صبر: خير حد عطاك اذن خروج عشان تطلعي من كيفك
وهم : ماعاد لي لزمه اقعد بهاذا المكان
اسامه : انتي عارفه ان صحتك متدهوره وجايه المستشفى بالوقت الحرج هذا غير الاصابات القديمه
وهم بخووف : ااااي….اص……ابا….ت
اسامه : الظاهر انك تعرضتي لحروق وااايد والحمد لله اللي نجيتي منها لان اثارها مطوله
هذا غير عن الخدوش في كل مكان في جسمك ممكن افهم شنو السبب ؟؟
وهم وقلبها يرجف وكل عضو فيها يرجف : انت باي حق تكشف علي او تلمسني
وصرخت بلا شعوري : ماابي احد يلمسني مابي احد ييلمسننننننني فااهم انتو كلكم كذا كلكم
كذا كلكم وحوش
خاف من صرختها المفاجاه وتقرب منها يهديها لكنه شافها تقوم من مكانها وهي تتراجع للخلف
بخوف لكن في شي يمنعها
طالعت في يدهاا وشافت ابرة المغذي المغروزه في عروقها وبقوه شالت الاصق وسحبت الابرة منها
وهي تغمض عيونها من الالم اللي صابها
انتبه لقطرات الدم او لسيل الدم اللي صار ينزل منها
جا بيمسك يديها يمنع نزول الدم منها وهو يصرخ فيها
اساامه :انتي غبيه طالعي شسويتي في حالك انتي ناقصه تفقدين دم من الاساس
وهم بخوف :قلت لك لاتقرب ترى قسم بالله اذبح نفسي لاتقرب
رجع ع وراء وهو يناظرها بخوف متعجب من الحاله اللي هي فيها
الدكتوره اللي كشفت عليها قالت بانها متعرضه لصدمه قويه من قبل وهذا للحين ماثر فيها
بس ماتوقع انها بتكون بهذي الحاله
اسامه :طيب ماني مقرب بس شوفي الارض كيف صارت من الدم اللي ينزل منك
جلست ع الارض وهي تبكي وتشاهق
اسامه اول مره يحس انه عاجز انه يسوي اي شي اول مره يواجه مريضه بهالاسلوب
طلع من الغرفه ونادى النيرس تجي تحط لها المغذي مره ثانيه وتبعد عنها اي الااات
حاده
*
*
*
الصبااح اليوم الثاني في البحرين
صااح منبه الساعه الي صارت 6 و25 دقيقه
قامت بسرعه من السرير وهي تسرع في جمع اغراضها بعد مااخذت شور سريع ولبست ملابسها
راحت لغرفة امها المرميه على الفراش
باست راسها وجلست ع السرير جنبها وهي تعطيها دواها تشربه
سديم :هاا يمه شلونك اليوم ان شاء الله احسن
ام سامي بتعب واضح :الحمد لله يمه احسن وشلون شغلك ؟؟
سديم :ماشي حاله
ام سامي :والله يبنيتي انا خايفه عليك انك تعيشي حياتك كذا وبعدين يعني مابتتزوجي وبتظلي
على هالحال
سديم :يمه انا ما ابي شي من الدنيا غير وجودك معااي
وبعدين تدرين مااحد يعرف اني بنت في هذا الحي كلهم يضنون اني ولد
ام سامي تلمست وجهها بنعومه :وهذا وجه ولد بالله عليك جمالك مهما سويتي ما ينخفى
ياسديم
نزلت راسها وبدموع :يمه ما ابيك تروحين مثل سامي ما ابي افقدك انا مالي غيرك
بهالدنيا وانتي تدرين محد رضى يوضفني غير بهذي الشغله
مسحت امها دموعها بعد ما بكت هي :سديم كوني قويه من عقبي انا ماراح ادوم
لك ..
قاطع حوارهم صوت الجرس
قامت بسرعه من فراش امها وهي تعدل من هياتها وشكلهاا
سديم :يمه اكيد هذا صاحب البيت
راحت فتحت له الباب وكان هو مثل ماتوقعت
ابو مازن:السلاااام عليكم
سامي :وعليكم السلااام هلا عمي
ابو مازن :وين الايجار اضن صبرت عليكم وااايد
سامي :انا اسف بس والله ماقدرت ادبر المبلغ كله لو تنطر علي شوي راح يكون
المبلغ عندك الاسبوع الجااي ان شاء الله
ابو مازن :هذا الشهر الثالث وانت تقول مادبرت المبلغ كله وما سددت الا نصفه ,اسمعني
هذا اخر اسبوع لكم الجمعه راح اجي استلم المبلغ كله سامع ..وراح عنه
وقفت تنظر الى الفراغ وهي تفكر كيف بتسدد الديون اللي عليهم وكيف بتدفع فلوس عملية
امهاا (يارب انك تساعدني اااااه انت اعلم بحالي )
مشت ومشت وهي تعدل من لفافها البيجي اللي على عنقها وعاطيها جمال اكثر بجاكيت زيتي
وتحته تي شيرت بيجي وبنطلون جينز
كانت منزله راسها وهي تمشي لكنها حست فجاه بيد تعبث بشعرها الكستنائي الناعم لكن اليد
انشالت مع شهقتها وهي تذكر انها مالبست الكاب عشان تغطي شعرهاا
*
*
*
في السعوديه
دخلت عليه الغرفه وشغلت الانوار وصرخت بصوت عالي
دانه :فروووس قوم ,,وسحبت منه اللحاف
فارس بعصبيه :قومي اطلعي برااا ابي انام
دانه بتحذير :ترى ا ن جا لك ابوي تعرف شبيسوي بسررعه قوم على المدرسه
فارس قام بخوف :ابوي صحى من النوم
دانه تهز راسها بالايجاب:وينتظرك تحت وقال ان قال بيغيب بيحرمك من المصروف هذا الشهر
فارس :افففف هذي مشكلة العجايز ماعندهم تفاهم
طقته ع راسه :عجايز بعينك قوم قبل لا يستوي فيك مثل هذاك الاسبوع ويخلوك مثل
البنات ماتطلع من البيت
فارس :ياشين الصباح لما يكون على وجهك افففف
دانه شافت كاسة مويه جنب سريره مسكت الكاس وكبته عليه :ترى خلاص مايحتاج تغسل وجهك
,,وهربت عنه بسرعه
تحب دايما تعانده يمكن لانهم اصغر من في البيت
*
*
*
ابو راشد (الجد):انتي ليش تبينها تعيش معنا هي لاتصير لك
ولا تعرفينها قبل
ام راشد :انا ابي البنت قصتها تكسر الخاطر هذا غير انها يتيمه وحالتها حاله والله
انها مثل البلسم على الجرح وجهها نور ماشاء الله عليها ملاك والله انها ملاك وحرام
نخليها تضيع منا وبعدين نكسب فيها اجر ..هاا شقلت ؟؟
ابو راشد :دامتس ملزمه وشوله لعناد بس انتي شايفه ان ولدي راشد وعياله عايشن معنا
في الفله ولاتنسي اسامه وفراس هذولا مهما يكون غريبييين عليهاا
ام راشد براحة :لاتحاتي وبعدين اسامه تعرفه دايما بالشغل وحنا بالزور نشوفه ,,اما فراس تراه
بعده صغير
ابو راشديه ماشي الحال متى راح تجيبينها عشان اعطي ابو يوسف خبر
ام راشد :اسامه يقول انها تبي تطلع الامس بس ماخلاها عشان كذا اليوم بتطلع وبيبها
بنفسي للبيت عشان ماتمانع
*
*
*
في البحرين
كانت منزله راسها وهي تمشي لكنها حست فجاه بيد تعبث بشعرها الكستنائي الناعم لكن اليد
انشالت مع شهقتها وهي تذكر انها مالبست الكاب عشان تغطي شعرهاا
رفعت راسها لتصدم بالشخص اللي قدامها
سامي :خير شتبي ؟؟
كينان :تضن نسيت امس شسويت فيني
سامي بلا مباله :مو مهم انا مو فاضي لك الحين
كينان بعصبيه منه :شكلك ماتعرف انا من اكون
سامي بهدووووء:قلت لك مايهمني ’’عاد وش دخلني انا فيك ,,ومشت عنه
لكن كينان ماخلاه يروح كذا بدون لايبرد خاطره سحبه من ذراعه بقوه (يمكن لانه حاس
انه الولد غريب وفيه شي مو طبيعي فمو راضي ينهان بدون لايتكلم )
قال بتهديد :اسمع انا اقدر اخليك تبوس رجلي وتتاسف لي مثل ما اقدر اخليك خادم
في بيتي
سامي ببتسامة سخريه قهرت كينان لابعد درجه :ليه الدنيا سايبه لك ولامثالك وجرت يدها بقوه
منه لكنه لازال ماسكها وضاغط عليها بقوه المتها ..
فجاه انفتح باب السياره الواقفه جنبهم وطلع منها ولد صغير
نواف :كينان فيك شي ؟؟
كينان :لا يانواف مافيني شي ليه طلعت من السياره
نواف وهو يناظر باليد اللي ماسكها اخوه وفي الشخص بتمعن :منو هذا؟؟؟؟
كينان بسخريه :هذا مجرد طفل صغيير يبله تربيه
سامي :اترك ايدي وبعدين انا مربى احسن منك والطفل هو انت مو انا
نواف تقرب من سامي وكينان ومسك يدهم اثنينهم وفكهم والاثنين يناظروه مستغربين
سامي باس نواف بخده وهو يقوله بشكر :فديتك ماقصرت احسن من ابوك المتوحشششش
نواف وهو يناظره بستفهااام :بس هذا اخوي مو ابوي
سامي وهو يناظر بكينان بسلوب ينرفز :والله اخوك ؟؟!انا حسبته جدك باين عليه كبيييييير وااايد
ههههههه
تعمدت تقول هالكلام عشان تقهره وبالفعل حصلت اللي تبيه
نواف :انت سعودي ؟؟
سامي وهو عاطيهم ظهره ويجري بسرعه لانه تاخر :يب ..باااي
الاثنين كانوا يناظرون في المكان اللي اختفى منه سامي
نواف ببراءه :كيناان ليه احس انه جميييييييل وااايد
كينان بسرحان :انا نفسي ما ادري ,,الا تعال كانك حبيته ؟؟
نواف بطفوله :مررره الله يخليك جيبه عندنا البيت ابيه يصير صديقي
كينان :بس هذا اكبر منك وما اتوقع يرضى وبعدين انا ما حبيته
كان يقول هالكلام من وراء قلبه ولا هو ماقدر ينام من كثر ما فكر فيه
نواف :كينان الله يخليك ابيه ابيه جيبه عندنا
كينان باسه بخده بحنان :خلاص من بكره بروح اكلمه عشان خاطرك يالغالي اتفقنا
*
*( انا راح اتكلم عن سديم على انها ولد مثل شخصيتها الي تقوم فيها )
نهاية البارت الثاااالث
رد مع اقتباس
sara-07
الجزء الرابع ..
كيف حالي
وربي بالحزن ممتحني
كيف حالي
وعمري انجرحت وما حكيت
بسمتي ارتسمها رغم حزني وكني
دايم الحال طيب ..ابد ما قد شكيت
*
*
في البحرين وبالتحديد في مكتب كيناان
كينان :مثل ما قلت لك ابي تجمع لي كل المعلومات عنه حتى اصغر الامور مفهوووووم
ثامر :تامر طال عمرك الليله راح يكون كل شي عندك
كينان :طيب تقدر ترجع مكتبك
حط راسه على المكتب وهو يفكر او بمعنى اصح المرة الالف اللي يفكر فيها (في
شيء غريب فيه ليه دايم يحاول يخبي وجهه يعني لما يشوفني يظل منزل راسه ومايرفعه
الا اذا عصب ..فيه ضعف غيير عن المراهقين فيه شي يخليني دايم ابي اناظره حاس
ان وراه قصه غريبه وغامضه ولازم اعرفها )
*
*
*
في السعوديه ,,
في بيت ابو سيف (عم وهم )
شنوووو يعني البنت الحين ويييين ؟؟؟؟
ابو سيف (صالح): الله يل…….. دخلت بيت ناس مانعرفهم ومارضيوا يدخلوني لا والمشكله هي مو
داخله اي بيت الا داخله قصررر
ام سيف :وهي من وييين تعرفهم
ابو سيف :مادري بالاساس هي ماتطلع من البيت مدري كيف عرفتهم
ام سيف(عايشه): يعني لفلوس راحت علينا
ابو سيف :وابوها وش درااه عنها من وهي صغيررره تاركها عندي ومستانس بحياته من سفره
لسفرره وهو يلهف بهالملايين
عايشه بخبث :طيب وش رايك بلي تعطيك الحل وتكسب من الناحيتين
صالح :لش اللي تبينه بس عطيني الحل بسررعه
عايشه :النص بالنص ولا اشرايك
صالح :كنه وااايد
عايشه :الفكره فكرتي وانا بنفذها معااك اذا بغيت
صالح :طيب قولي شنوو هي
عايشه :اسمع …………..
*
*
*
في المستشفى بعد صلاة العشااء
كانت وهم رايحه وجايه في هذيك الغرفه وهي تفكر بحل عشان المشكله اللي هي فيها
خايفه من عمها اللي لو شافها وش راح يسوي فيهااا
ندمت على استعجالها في الهروب لانها الحين مالها مكان تروح له هذا غير انها ورطت
ناس مالهم دخل بالموضوع
(لا ياوهم الهروب مو استعجال الا متاخر متاخر وااايد كان المفروض انك تهربي من هذاك
المكان قبل لايصير فيك اللي صار ولما اعترفت لامه قالت اني اتبلى على ولدهاا.. ولو
ماهربتي من هذاك المكان كان صرتي سلعه رخيصه يبيعك عمك ويشتريك لاصحابه.. اااااااااااااه حرااام عليهم
اللي سوه فيني ,,هذا احد الاسباب اللي يخلي وهم تكرررره الرجاااااال كلهم كرره مو طبيعي
)
ما نتبهت لصوت الطق ع الباب لانها كانت سرحااانه بعيييد
بس اتفاجات لما شافت 4 حريم ماعرفت منهم الا ام راشد لانها زارتها قبل
سلموا عليها بحمااس بعكس هدوءها وبرودها اللي استغربوا منه
ام راشد (الجده):وهم شفيتس اليوم للحين تعبااانه
وهم نزلت راسها وقالت بغصه :ماادري شقول بس انا جد ااااااااااسفه اني حطيتكم بهذا الوضع
..بس انا خلاص راح ارجع مكان ماجيت حتى لو ذبحوني بس انتو لاتشغلوا بالكم عل….
قاطعتها الجده :وهم انتي مالك رجعه هناااك هذول مو اهل اللي يسون في بنتهم كذا
وببتسامه :وانا اليوم جايه اخذتس معي وتعيشين معانا
وهم :لا لا انا ادري اني ثقلت عليكم وااايد بس ماله داعي اعيش معاكم اصلا
باي حق ..انا اسفه ادري دخلتكم بمشاكلي بس خلاص انتوا ماقصرتوا
هذي المره تكلمت ام يوسف :شوفي يبنيتي انتي تعالي عيشي معانا لفترره واذا ما عجبك
الوضع تقدرين ترجعين من المكان اللي جيتي منه
وهم سكتت ماعرفت وش ترد عليهم صحيح ان في ناس من اول لقااء تحبهم وترتااح
لهم وهذا كان شعورها ناحيتهم لان اكيد حسوا بالعطف عليهاا حمدت ربهاا مليون مرره ان
في ناااس لازال في قلوبهم الرحمه يعني لازالت الدنيا بخير هذي الدنياا اللي شاافت منها
اقسى عذااب اليوم تحمل لهاا ناس يبونهاا… ناظرت فيهم بعيون باكيه حززينه وشافت اثرهاا على
وجههم لانهم ناظروها بخوف
تاكدت بان هذول الناس هم اللي الله بعثهم لهاا بعد الشقاااء اللي عانته
واخير هزت راسها بالموافقه وهي منزله راسهاا وقالت بصوتها المبحوح :موافقه
طبعا وحده من اللي كانوا واقفات على جنب نطت بفرح وهي تحضنها وتبوسهاا :وه فديييييييتك
مابغينا نوافق وتدزها بمزح :كل هذا تغلي
وهم ببتساامه وهي تمسح بقاايا دموعهاا :شفتي عاااد
جت شيمااء صوبهم وهي تبوسها الثانيه :فرصه سعيده انا شيمااء
وهم :وانا اسعد اسمي وهم
دانه دخلت عرض :واااااااااو البيت بيصر ونااسه دامك بتعيشين معناا ..ايوه صح انا اسمي داانه
المزيونه
الجده ام راشد :اقول دانووه قصري حستس منتي في البيت
دانه عوجت فمهاا بمزح :اوووه يمه بدينا سوالف الحكر
ام يوسف :خالتي ترى اسامه قال انها ماراح تطلع اليووم
ام راشد :ليش ؟؟
ام يوسف :محتاجه كيس دم ثاني دمهاا نازل وقال لازم تشوفون درجة حرارتها لان مايصير
يركبونه وهي مسخنه
دخلت الممرضه اللي بلغتهم ان الزياره انتهت
دانه :يمه انا ابي انام عند وهم الليله الله يخليك وافقي
ام يوسف :طيب ماعندي مانع
ام راشد :وانا بعد بجلس عندهاا اخاف تحتاج شي
وهو بصوتها الضعيف :لا يمه انتي ارجعي البيت ارتاحي
ام راشد :لا انا باابات هني دانه روحي قولي لاخوك انا بنبات هني
دانه :تامرييين يمه ..وطلعت
اما شيماء وام يوسف سلموا على وهم وطلعوا راجعين البيت
*
*
*
: شنووو تقوول هربت من صجك ,,وين راحت الكلللبه هذي ,بس دواهاا عندي والله لااطلعها
لو من تحت الارض ..وقام طالع
ابو سيف :سيف بلا جنون وتعال اقعد مكانك والبنت راح اجيبها يعني اجيبها
سيف :انت شتقول البنت خلااااص طارت وانها احبهاااا وبصراحه مااقدر استغني عنهاا ولازم ارجعها عشان
اتزوجها قبل ياخذها غيري
ابوسيف :ومين بيرضى ياخذهاا بنت الفقر
سيف :انت تقص علي ولا على نفسك خلي كل شي مستور احسن
ابو سيف :احم ..طيب شناوي تسوي
سيف وهو طالع من البيت بدفنها مكانها لو قررت تعاندني لان الموت ارحم من انها
تاخذ غيررري ..وطلع
ابو سيف :صج مينووون
اولاد ابو سيف (صالح )
سيف (شاااب راعي مشاكل وخبيث مدمن مخدرات وسكير عمرره 32 سنه مشكلته انه يحب وهم
لحد الجنووووون وهي ماتطيق حتى تسمع صوته)
محمد (شاب مملوح عمره 25 سنه اكثر واحد كان يحب وهم ويدافع عنها لانه يعتبرها
اخته بما انهم تربوا في بيت وااحد صار له 4 سنوات يدرس في بريطانيا وهذي
اخر سنه له )
*
*
*
دخلت عليها الخادمه الغرفه وعطتها ظرف وطلعت
نوره :شنو هالظرف ومنو اللي جايبه لي
فتحت وانصعقت من الصورررره اللي كانت عبااره عن شبح مخيييف
نوره :يممممممه شنو هذا لا يمه وشقت الصوره بسرررعه من الخوف
شافت ورقه صغيرره فتحتها كان مكتوب فيهاا
(هلا نوره هذا ثمن مقلبك السخيف اللي سويتيه هذيك المرره ولسى ماشفتي شي ايووه صح
نسيت اقولك احلام سعيده عن الجنني اللي شفتيه
سلطااان)
نوره ضغطت على الورقه بقوه ورمتها في الزباله وهي مقهووره منه
نوره :هين ياسلطانوه ان مارجعتها لك ما اكون انا نوره وتذكرت الصوره …ااااه يمه لحقي
علي بيجلطني
*
*
*
جالسه بجنبها وتسولف لهاا ان اشياء مختلفه واول شي عرفتها بعايلتهم من صغيرها لكبيرهاا
وبعدين سولفوا بمواضيع مختلفه اما الجده بعد ما تاكدت ان حرارة وهم نزلت حطت راسها
بتنام بعد اصرار وهم ودانه
دانه :عاااد تخيلي لما كنا في امريكا العام وماحضرنا العيد الوطني هنا سوينا حفللله هناااك
بشقتنا رقص واغاني عن السعودييه وهبال مافي مثله
عاد شقة بنات وش تتوقعي انوااع لهباال ههههههه
وهم هههههه انتو تحفه
دانه :لا انتي اسمعي الباقي كانت الشقه اللي جنبنا لصديق ابوي جاي مع اهله عنده
ثلاثه اولاد بس وهو من سمع صوتنا يفكر ان في زواج بالفندق وهو نايم ويبي
يرتااح وقام بيشتكي عليناا الا قاله ولده لا يبه هذول بنات الجيراان اللي عندهم احتفال
باليووم الوطني
عاد اهو راح وقال الى ابوي وبعدها حصلنا تهزيئه محترررمه والسبه اليووم الوطني ههههههه
وهم هههههههه…… ااااه بطني مو قادره من صجك انتي
دانه :اي والله صج ..وهم انا نازله اجيب لي كوفي تبين ؟؟
وهم :ماتخافين تروحين بروحك ؟؟
دانه :اسامه دوامه الليل بسحبه معااي لاتحاتين
وهم ببتاسمه :طيب
ام راشد طبعا ماجاها النوم لانها متعوده تنام على فراشها قامت للحمام (وانتو بكرامه )
وهم خلاص حست بان جفنها ثقيل وخصوصا لما تحط دم يجيب النعس لها
قفلت عيونها لتستسلم للنوم
بعد فترره قصيره سمعت صوت خطوات ثقيله تمشي بحذر وتتقرب ناحيتهاا ماتدري ليه قلبها كان
يرجف
شوي وحست بنظراات تحرقها وانفاس قويه ارعبتها
فتحت عيونها العسليه بخوف وهي تشوف سكين موجهه لهااا
الساانها انربط ما قدرت تنطق باي كلمه تحس لغة الكلام اختفت
جا بيغرسها فيها لكنها مسكت يده بقوه تدافع عن نفسها لكن صابها خدش في خدها
الايسر
في هذا الوقت طلعت ام راشد من الحمام بعد ماتوضت لان ماباقي شي على اذان
الفجر وانفجعت بالمنظر اللي قدامهاا شخص جاي يقتل وهم
وقفت موعارفه شتسوي
في هذا الوقت دخلت دانه الغرفه وشافت نفس المنظر لكنها صرخت باعلى صوتهاا وهي تشوف
السكين موجهه لوهم اللي كانت عاجزه تدافع عن نفسهاا
اول ماسمع صرختها خااااف وبسرعه توجهه ناحية دانه اللي واقفه عند الباب ودزهاا وطلع
اسامه كان بيرجع مكتبه بعد ماوصل دانه لكنه خااف لما سمع صرختهاا ورجع وهو يشوف
شخص بيهرب
دانه :اسااااامه الحقه بسرعه هذا كان بيقتلهاا
اسامه كان يتميز بلياقه عاليه وراح وراه بسرعه
لكن هذاك قدر يهرب منه بصعوبه وركب سيارته
اسامه ضرب الارض برجله بقهر:اااه يالقهر الحقييير هرب
:لاااااااااااااااااااااااااا مستحيل ليش مو راضي يتركني بحالي ليش يبي يعذبني
كانت تصرخ بكلمات غير مفهومه وبهستريه جسمها يرجف وكل عضو فيها مرعووووب كانت تدور على
شي تفرغ غضبها
رمت المخده على الارض بعد ما مزقتها قطعه قطعه وقامت من السرير وسحبت الكاس الزجاج
اللي كان ع الطاوله ورمته بكل قوتها على الجدار ومسكت قطعه كبيره منه
ام راشد ودانه ناظروهاا بخووووووف ماتوقعوا ان حالتها بتكون كذا
الممرضات جو والدكاتره بعد لكن ما في احد استرجى يقرب منها لانها هددتهم بقتل نفسها
اسامه اللي جا بسررعه ومسك ايديها وسحب منها الزجاجه
بهدوء عشان لاتجرح روحهاا
صرخت فيه وهي ناسيه وجود اللي حولهاا :اتركني اتركني لاتدخل في شي مايعنيك انا اكرهكم
اكرهكم ما اطيقكم خلني اذبح نفسي وارتاح من هالهم اللي فيني خلني اذبح نفسي قبل
يجي هو وولده ويذبحومني خلهم ينبسطوا انهم فازوا بالنهايه واناااا اللي خسرت
كف قوي استقر على خدها النااااااعم خلاها تصحى من الصدمه اللي كانت فيهاا خلاها تسكت
ودموعهاا تنزل مثل الشلال
اسامه :انتي غبيه تبين تدخليين النار وتنتحرين بسببهم لهذي الدرجه ماعندك خوف من الله اسمعي
الضجه اللي سويتيها اليوم بالمستشفى ماله داعي تتكرر واضن انك واقفه معانا وحتى حجاب ماعليك
ناظر اللي واقفين وقال بلهجه امره :بسرعه كل واااحد ع شغله
طلعووا لانهم يعرفون الدكتور اسااامه لاعصب
اما هي مسكت كتفهااا وكانها تغطي نفسها من الاحراج اللي حست فيه
وجهها احمر ومنزله راسهاا وتبكي
هالحظه اسامه طلع من الغرفه بعد ماالقى عليها كلامه الحاد
تقربت منها ام راشد وضمتهاا اما وهم زاااد بكاهاا وشهقاتها بدت تعلى
ام راشد :خلاص يمه انسي اللي صار وهدي الحين
*
*
*
اشرق الصباااح بعد ليلة طويله مثقله بالهموم والجراحات
في البحرين :
سديم صحت بدري عشان تعطي امها دواها في موعده وبعدها قعدت ترتب البيت وتغسل الصحون
اللي فطروا فيهم
سمعت صوت الجرس يصيح بصورره متكرره
سديم :اللهم اجعله خير من اللي جااي بهالصباح
عدلت شكلها وراحت فتحت الباب لتصدم بالشخص اللي واقف قدامهاا
سديم :انت ؟؟
عيونه كانت تراقب تصرفاته وتناظره بتفحص
اما هي نظراتها كانت خوف ,,خوف من انها تنكشف فنزلت راسها بسرعه
كيناان :السلام عليكم
سامي بتردد:وعليكم السلام ..خير في شيء ..وبعدين كيف عرفت بيتنا
كينان :اولا انت ناوي توقفني هني وااايد
سامي بلع ريقه :اممممم امي اليوم جارتها يجو مقدر ادخلك
كينان :طيب انا عازمك تعال معااي
سامي بخوف :هااا ..ويين ؟؟
كينان بشك :شفيك خايف ؟؟
سامي برتباك :لا مو خايف بس لحظه اعطي الوالده خبر
كينان :طيب لاتتاخر انتظرك في السياره
*
*
*
بعد ما وصلو المطعم سديم كانت خايفه منه وتجاوب اجوبه مختصره لو سالها اي سؤال
صرخ بقووه :نعم نعم تبيني اجي بيتك ااااسف مو رايح
كينان :قصر حسك الكل يطالع فينا
سامي :المهم الموضوع انتهى اذا كان هذا موضوعك
كينان بثقه :وايجار البيت اللي مادفعته وعملية امك وعلاجها كيف تقدر تدفعه وانت عارف ان
امك محتاجه تسوي العمليه باسرع وقت ولا انت ناسي
ناظره مستغرب كيف يعرف كل هالمعلومات عنه
سامي بتردد:شنو المطلوب مني الحين ؟؟
ابتسم كينان وهي يستند بكرسيه براااحه :المطلوب منك انك تلازم اخوي الصغير بمعنى ثاني تصير
مربي خاص فيه وتعلمه دامك درست لثالث ثانوي وانا مستعد اعطيك راتب شهري غير عن
300 اللي يعطونك اياه على شغلك في توزيع الجراايد راح اعطيك راتب قوي يكفي لايجار
بيتكم ولعلاج امك بعد مقابل انك تداوم بالايام العاديه الى9 الليل والاربعاء والخميس الى 12
سامي :كن الساعه 12 متاخر وااايد
كينان :لامو متاخر وانا بنفسي راح اوصلك
سامي بخوف :طيب الى متى راح اشتغل عندك
كينان طلع عقد من جيبه :هذا عقد لمدة 6 شهور قابل للزياده يعني راح تتوظف
رسمي وشغلك هذاك تطلع منه اتفقنا
سامي ي بس وش معنى انا ؟؟
كينان :هذا طلب اخوي الصغير وانا مااقدر ارد له طلب .. وقع هنا
نهاية البارت الراااااابع
رد مع اقتباس
sara-07
البارت الخامس
ما سالتني ؟.
ليييه اموت الفيين مره لاطريتك
وليييه احس القلب يطلع بس لا مني بكيتك
ماسالتني ليه يعني ؟.
كل طاري (هم) من بعدك تبعني
ايه والخالق احبك
حتى اوجاعي تحبك
حتى اسمك لابغيت انطقه
يطلع لي احبك
*
*
*
نقطة بداااايه ..~
بعد ما طلعواا (وهم) من المستشفى وجابوها معهم البيت كانت نفسيتها تعبااانه واايد والمفروض ماكانت
تطلع بسبب اللي صار لهاا بس هي اصرت انها ما تقعد بهذااك المكان
ام يوسف جهزت لهاا غرفة الضيوف تنام فيها ودخلوها هنااك وخلوها بروحها عشاان ترتااح
رمت نفسها على السرير وهي تتنهد من اعماقها في قلبهاا هم مو قادره تستحمله حاسه
بانها وحيييييييده بهالعالم تحس بان الموت ارحم لها من انها تعيش مع نااس غريبين عليها
مجرد انهم اشفقوا عليهااا
(هذا اعظم ذل لك ياوهم ان اهلك مايبونك والناس الغرب بيستحملون وجودك يوم ولا يومين
وبعدين شبتسوين ……..ااااااااه يالدنيا تعبت والله تعبت وماعاد فيني اتحمل اكثر )
قلبت وجهها على الجنب الثاني وشافت يدها المكسوره ولافينها بشاش وباليد الثانيه لمست الشاش اللي
على جبينها انتقلت يدها على انحاء جسمهاا وهي تشوفها بحسرره
(وش بقى يا وهم وش بقى اخذوا كل شي يبونه اخذووووووا اغلى شيء تملكيييه )
وبكت بصوت يقطع القلب عقلها بدء يرجع لهاا اللي صار لهاا قبل اخر يوم تهرب
فيه
لما صحت من النوم وشافته نايم جنبها وهو عاري وهي بلوزتها ممزقه كيف ما حست
فيه وهي نومها خفيف وهي تذكر انها قفلت الباب لانها من بعد ماقال انه يبي
يتزوجها وسمعها ترفضه باصرار حس بالاهانه وصار كل ليله يجي ويوقف عند باب غرفتها ويهددها
لو مافتحت له الباب انه راح يفضحها ويطلع عليها كلام
كانت كل ليله تعيش برعب وتتخبئ في احدى زوايا الغرفه وهي خايفه انه يكسر الباب
ويدخل لهاااا لين صاار اللي كانت خايفه منها (واغتصبها)
وصلت لهذي المرحله من التفكير وهي شهقاتها كل مالها وتعلى
*
*
*
في المستشفى
دخلو المكتب ومالقوه قعدوا يسولفوا على مايجي
مسك سلطان المعطف الابيض اللي معلق وهو ناوي يلبسه بيجربه
فيصل بتحذير :هي سلطانووه اتركه ما تعرفه مهوووس نظاافه ..وما يحب احد يلمس اغراضه
سلطاان شال يده بسررعه :يووووه نسيت ..الا هو وينه ؟؟
فيصل :تقول الممرضه راح يستلم ملف مريض عنده
دخل عليهم اسااامه وما استغرب وجودهم لانهم دايما طابين عليه المكتب :السلااام عليكم هلا والله
فيصل وسلطان :وعليكم السلام والرحمه هلا فيك
اساامه :مين المريض فيكم
فيصل ناظره باستغراب :بسم الله انا مافيني شي
سلطان :وانا بعد الحمد لله بخير وعاافيه
اسامه بسخريه :اجل تفضلوا برااا عندي شغل
فيصل :ياشينك لاسويت هذي الحركات
سلطاان :اقول انت يارجل الثلج قوم بس ترى الدوام انتهى
اسامه : في شي ضروري قولوه ما عندكم يالله وروني عرض اكتافكم
سلطان : مو انا قايل لك ماله داعي نتعنى ونجييه لان بالنهايه طررده
فيصل :ياخساره ماسمعت كلامك
اسامه :اقول انتم الاثنين لايكثر بس وقوموا تراني مييييت من الجوع منو بيعزمني على حسابه
سلطاان :يالله اطلعوا براا ومدري ايش وبالنهايه اعزموني ع حسابكم والله انك بخيل هذا ودكتور
وشايخ علينا وبعدين حنا اللي نعزمه
اسامه سحبه من اذونه وطلعوا برى :امش وترى انت اللي بتدفع ماشي
سلطان:ادفع مايهمك بس بليز شيل ايديك عن اذوني برستيجي رااح
فيصل ههههه
*
*
*
مرتاااااح ولا يتصنع قلبك الراحه
دانه:امممم اتوقع يتصنع الراحه
فراس:اوووووف ياملقك عااد
دانه :مو مثلك اخوي الغالي
فراس جلس على الصوفا :وين الشعب السعودي
دانه بروقان :انتقل الى رحمة الله تعالى
فراس :وي بسم الله منك ومن السانك يادوبه
دانه :منو الدوبه لايكون اني اصلا اللي يشوفك يقول انك اكبر مني بعشر سنوات بسبب
وزنك وكرشتك اللي قدامك
فراس :من الغيرررره يالدوبه .. خلصيني وين ماما
دانه :ووع مو لايق عليك تقول ماما
فراس :اوهوووو انتي احد يجلس معاك ..وقام بيروح عنها
دانه :فروووس وين رايح
فراس :مو شغلك يالملقوفه..وطلع
دانه :اووف ياربي ماعندي شخصيه ابدا في هالبيت ولا هالبزر يعاملني كاني اصغر منه
*
*
*
صحت من النوم وهي حاسه بان راسها يالمها غمضت عيونها من جديد ورجعت تفتحهم وهي
تشوف جدار الغرفه واثاثها
ناظرت بالسقف وعيونها متعلقه فيه تفكر بالحياه الجديده اللي راح تعيشها هني هل بتكون مثل
عيشتها في بيت عمها كخادمه ولا ؟؟
سمعت صوت الباب ينفتح بهدوء ودانه تطل منه
دانه :وهم صحيتي ولا لسه ؟؟
وهم بصوتها المبحوح :لا صاحيه حيااااك
دخلت دانه وهي تبتسم :مساء الخير ياوجه الخير
وهم ببتسامه عذبه :مسااااء النور
دانه جلست جنبها وهي تحط ملابس على السرير :جبت لك ملابس عشان تغيرين بس عسى
يطلعون مقاسك لانو شكلك ضايعه بهذي البيجاما اللي لابستها
وهم :ليش كلفتي على عمرك والله ماله داعي تعبتك معااي
دانه :احم احم بدينا بالسوالف اللي ما احبها بعدين انتي صرتي وحده من العايله وانا
مثل اختك اذا ترضين
وهم باستها بنعومه :تسلميين وربي لي الشرف انك تكوني اختي
دانه :وه خقيت فديتتتتتك ياقلبي انا اللي لي الشرف
وهم :انتي اي سنه ؟؟
دانه :سنه اولى بالكليه وانتي
وهم بحزن :انا ما كملت دراستي الا لثالث وهذي السنه عمي مارضى يوديني يقول مصااريف
وايد وامكانيته ضعيفه
دانه بحزن على حالها :يعني انتي بعمري ماشاء الله وجهك برئ وااايد فكرتك بتقولين اول
ثانوي ثاني بالكثير
وهم ههه كنك صغرتيني واايد هذاك اليوم الدكتوره لما سالتني عن عمري وقلت لها انصدمت
تقول فكرتك بتقوليين اول متوسط ثاني هههه
دانه هههههه ..طيب دام نحن مابدينا الدراسه اقدر اخلي بابا يسجلك
وهم :والله ؟؟
دانه :اي والله بابا واسطته قوويه واذا تبين كلمته من الليله
ضمتها وهم بفرح :والله تكوني حققتي لي حلم حياتي وماراح انسى هالجميل طول عمري
*
*
*
ابسكت واخبي قلبي عن الناس
مادمت ياخلي تناسيت
افهم ترى مافيني شي من الياس
لاني عرفت الحب صادق وحبيت
دام الغلا مع كل شخص له اقياس
مات الغلا يوم عني تخلييت
في اليوم الثاني
الموعد المنتظر ومسار حياااه جديده بالنسبه لسديم
واخيرا راح تقدر توفر فلوس علاج امهاا
لازم تبذل جهدها وكل طاقتها في هذا الشغل اللي راح تشتغله
اخذت شور سريع ينشطها ولبست لها بنطلون جينز ازرق مع تيشيرت اسود فوقه جاكيت رمادي
خفيف
رتبت شعرها وبعدها حطت الكاب اللي مستحيل تستغني عنه عشان تغطي شعرهاا هي عارفه ان
اللي جالسه تسويه خطا بس لازم تتحمل عشان امها
لبست جزمتها الرياضيه بسرعه بعد ماسمعت صوت سيارته
طلعت من البيت بخوف وهي تحاول تهدي نفسها ناظرت بالسياره الفخممه بلون الاسود وهي تدعي
من كل اعماق قلبها انها ماتنكشف وان الموضوع يعدي على خير
شافه متوتر وهو يتقرب من السياره ..مايدري ليه شاك فيه وان وراه سر لازم يعرفه
ركبت السياره وقالت بصوت جهوري مغيرته :السلااام عليكم
كينان :وعليكم السلام ,,كان تاخرت شوي بعد
سامي :اسف
مشت السياره والوضع متكهرب بالنسبه لاثنين واحد في دوامة خايف يعرفوا انه بنت وخايف من
المكان اللي رايح له والثاني مستغرب حركات اللي جنبه لانه جالس وهو متوتر ويفرك ايديه
ببعض
كينان :امك تقعد بروحها الحين
سامي :لا خالتي تجيهاااا وماتروح الا لما ارجع
جا كينان بيسحب جواله وعيونه مركزه على الشارع لكن يده لامست يد سامي بدون قصد
واللي فاجاه انها شالت يدها بسرعه وكانها انلسعت من شي وبدى تنفسها يرتفع وينزل
ناظرها بشك لكنها بسرعه لفت تناظر الشباك وهي تهدي نفسها
سديم في نفسها:اشفيك هذا مو شي انتي لازم تتوقعي اكثر من كذا ..يارب صبرني يارب
كينان حس بشعور غريب لما لمس ايده شعور اول مرره يحس فيه معقوله ايده تكون
بهذي النعومه معقوله اللي انت شاك فيه صحيح
واخيرا وقفت السياره امااااام فله كبيره تشبه المنتجعات اللي تشوفهم سديم بtv فله جميله مررررره
نزلوا من السياره بعد ماوقفت عند المدخل الداخلي فله فاخره لابعد الحدود
حست انها تمشي وتتخيل اشياء مو موجوده
ظلت تفتح عيونها وتقفلهم لعل وعسى تصحى من الحلم اللي تحلمه ’’لكنها ايقنت انه وااقع
بعد ماسمعت صوت نواف الطفولي يرحب فيها
نواف :ساااامي تاخرت وااااايد حتى اني ما فطرت جالس انتظرك
ابتسمت سديم :اسف اخر مرره ماراح اعيدها عشان خاطرك بس
كينان :طيب انا عندي شغل الحين وبرجع الظهر تامر شي نواف
نواف :لا مشكووووور
كينان وجه كلامه لها :اسمع انتبه له وحط عينك علييه اوكي
هزت راسها بالايجاب وهي بالزور متحمله وجوده معااهم تحمدت ربها انه راح يطلع لانها حاسه
نهايتها على ايده
*
*
*
دخلت عليها وهي تلهث بسرررعه
ونطقت بكلمااات ما فهمت منها غير كلمتين
(وليد رجع )
احداث كثيرره دارت في ذهنها وهي تردد (وليد رجع)
*
*
*
نهااية البارت الخامس
رد مع اقتباس
sara-07
البارت السادس ,,
ااه ياسنين اللي مضت … كم خذت مني وما عطت
كم سرت بي طول الليالي … وشمس حبي تو ما اشرقت
*
*
احداث كثييره دارت في ذهنها وهي تردد (وليد رجع )
رجعت بذاكرتها الى قبل سنتين
لما دخلت عليها اسيل وضمتها وهي تحاول تداري دموعها
كانت مو فاهمه شي من اللي قاعد يصير فجاه تشوف صاحبتها وصديقتها الطفوله بهذا الشكل
كان باين على وجهها مهموم
سالتها بخووف :اسيل شفيك خوفتيني ؟؟؟
اسيل :نور انا اب يك تكون–ي زوجة وليد انتي انسب وحده له
نور شهقت بصدمه :اسيل انتي من صجك هذا زوجك تبين غيرك ياخذه منك شسالفه انا
مو فاهمه شي
اسيل :انتي عارفه اني مصابه بمرض الخبيث واحتمال اني ما اعيش اكثر من كذا عشان
كذا مابي وليد يكون وحيد وما ابي بنتي تعيش مع مرت ابو ماتعاملها زين وهي
تحبك مثل ما انتي تحبينها
نور :اسيل اصحي شو هالكلام وبعدين الاعمار بيد الله
اسيل :والنعم بالله بس انا حاسه ان يومي قرب عشان كذا بنتي (براءه) برقبتك وصدقيني
مافي احد راح تحبه كثرك وانا وااااثقه فيك
نور ببكي :اسيل الله يخليك لاتقولين هذا الكلام انا ما اقدر انفذ اي شي من
اللي قلتيه هذا زوجك كيف ترضين اني اخذه منك واذا انتي رضيتي انا لايمكن اني
اوافق صدقيني انتي بتتشافين وبتهتمين فيهم بنفسك
اسيل :اذا تبيني اموت وانا مرتاااحه وافقي على هذا الزواج وصدقيني ماراح تندمي
بعد كذا تم الزواج اللي كانوا كلا الطرفين مجبور عليه ,,الوليد ونور’’
وفي ليلة الزواج صار شي ما كانوا متوقعيينه
بعد ماسمعوا الخدامه تناديييييييهم بخوف وبشكل مرعب توجهوا الاثنين لغرفة اسيل بسرررعه معنو كان الوليد
بغرفه ونور بغرفه لكن الاثنين طلعوا بنفس الوقت
الوليد من شافها ضمها له بسرعه ودموعه بدت تخونه حاول يصحيها بخوف وهو يناديها بهمس
فتحت عيونها وهي تلتفظ اخر انفاسها :الول يد نور وبنتي حطهم بعيون ك وتراهم امان
ه برقب تك اااه وليد ترى نور تحبك عاملها زي ن
لازال ضامها بشده وهو يبكي لاول مررره بحياته :اسيل انا بعد احبببببك لاتروحي وتخليني اسيل
الله يخليك اصبري مو حنا اتفقنا انا نجيب خالد وبندر وميس اسيل لاتروووحي انا ما
اتحمل اعيش بدووونك
كانت نور واقفه عند الباب وهذا المنظر كااااااان صعب عليها وااااااايد ومو قادره تستوعبه لاول
مرره تشوف دموع رجال يبكي من قلب
لكنها مسكته وبعدته عنها وهي تصرخ فيه :انت جنيت تبي تخنقهاا زياده قووم ودها المستشفى
كان الغضب يشتعل بداخله صرخ فيها بقسوووه :انتي السبب انتي السبب لو ما دخلتي حياتي
كان ما صار اللي صار اسيل ماتت والسبب انتي
انتهت اياام العزا اللي كانت ثقيله على الكل وخصوصا ان اللي ماتت شخص رقيق هادئ
طيب لابعد الحدود
وليد كان يتجنب يشوف نور واذا شافها قط عليها من سمومه
وفي اخر يوم من العزا بعد ما انتهى نزل وهو يجر شنطته السفر وبيده الثانيه
حامل بنت الصغيره براءه
ام وليد بصدمه :وليد وين رايح بتسااااااااافر
وليد :اي يمه بسااااافر
(كذا بدون لايقولي حتى كلمة مع السلامه ما نطقها اعتبرها هي والجدار وااحد حتى ما
قال اهتمي بنفسك واهتمي بامي )
عطاها نظره خلتها تجمد مكانها حست فيها بكرررهه ولو في شي اعظم من الكرره هذا
اللي حست فيه ,,يلومها على سبب هي مالها ذنب فيه .. وهذا هو الحين يرجع
بعد سنتين مادق فيهم ولا سال ولا وصلتها اي اخبار عنه لدرجة نست انها متزوجه
صحت من افكارها على صوت اختها نوره الخايف :نور ..نور ..نور شفيك ماتردين وتطالعين السقف
نور :متى رجع ؟؟
نوره تنهدت :من قبل اسبوع بس ما احد قال لنا
نور في نفسها :ياليته طلقني ولاعاد اشوف وجهه ثاني
*
*
*
:سامي خلاص تعبت من التعليم شرايك نلعب لو لعبه وحده بس
سامي :بس مايصير يا نواف انت لازم تتعلم اشياء كثيره ناقصتك
نواف :لعبه وحده ماراح تضر الله يخليك
سامي ببتساامه ي موافق بس اي لعبه تبي تلعب ؟؟
نواف ببتسامه اوسع :نبي نلعب غميضه
سامي :شنو يعني ما اعرفها
نواف :يعني تغطي عيونك وتمسكني عرفتهاا
سامي :ايووه عرفتها بس وين بنلعبها
نواف :تعال تحت عندنا صاله لكرة السله واسعه وما فيها حواجز نصدم بها
:وانا ابي العب بعد
راح له نواف وهو مبسوط :والله كينان بتلعب معنا
كينان :يب اذا تبيني طبعا
نواف :اكيد ابيك ها سامي صرنا ثلاثه
سامي في نفسه :والله وطاحت في راسك ياسديم شالحل الحين ااوف شلي جابه الحين
توجهوا الثلاثه الى صالة كرة السله اللي كانت واسعه وكبيره
نواف :الدور راح يكون على مين؟؟
كينان :نسوي حجره ورقه مقص
اجتمعوا الثلاثه بجنب بعض وسو حجره ورقه مقص
رواية عشقتك من جنوني كاملة..رومانسية..جريئة..قمة في الابداع
اللي كانوا كيان ونواف حجره وسامي مقص بمعنى ان هو اللي راح يغطوا عيونه
وبالفعل غطوا عيونها وبدء اللعب اللي كانت سديم متورطه فيه
نواف :اوووه سامي انا هنا ,…لا لا هنا هههههه
سامي :نواف خلني اصيدك ولا مو لاعب مره ثانيه
كينان :لا ممنوع الغش
سامي :اوووووووف
تقرب كينان منه وهو يضحك عليه وعلى شكله ههههههههه
هههههههههه
سامي مبوز :لا مانا لاعب تضحكوا علي
نواف هههههههه لا سامي كمل حمااااس العب معك
وبحركه سريعه مسك وااحد منهم وهو مثبت ايديه عليه ويقول بحمااس :مسكتك
وشال من عيونه الغطا لتلتقي عيونها بنظراته الغريبه اللي حسستها بالاحراج شالت عيونها بسرعه منه
وهي تضيع السالفه
سامي :اخير الدور صار على غيري ههههه
كينان مايدري ليه يحس بش غرررريب موتره وقربه منه ويده اللي كانت مثبته عليه حس
بدقات قلبه مو راضيه تتوقف
نواف :يلاك ينان الدور عليك
وغطى عيونه وبدوا يلعبو من جديد وبحماس اكبر
*
*
*
في الليل الساعه 2 ونص كان الكل نايم وغاط في سبات عميق
ظلت هي وحيده تفكر في الاحداث اللي مرت عليها بس قطع تفكيرها صوت المطر اللي
بدء يزيد
توجهت صوب الشباك وفتحته ومدت يديها وهي تحس بالانتعاش والابتسامه انرسمت على وجهها الملائكي تحب
المطر موت
كان بخاطرها تروح وتقعد تحت المطر مثل قبل لم كانت صغيره
لفت نظرها الشخص اللي واقف تحت المطر وعاطيها ظهره
كان لابس تيشيرت اسود وعليه جاكيت اصفر طالع شكله جونااااان ومدخل ايديه بجيوبه
وشعره نزل على وجهه من المطر
..
اسامه حس بضوء الغرفه اللي وراه واستغرب مين اللي صاحي لهذا الوقت وهو منبه على
خواته انهم مايسهرون لف يشوف اي وحده فيهم اللي لسه ما نامت
لكنه ما قدر يلمح الا شي بسيط لان النافذة تسكرت بسرعه وعليها الستاير بعد
..
وهم اللي انتبهت له وهو يلف صوبها حست بغلطها وهي تناظر فيه فبحركه سريعه قفلت
الشباك والستاير بعد ومن الخوف نزلت على الابجوره
ورمت نفسها على السرير من الوسط وهي تحاول تمحي كل ذكرى سيئه تمر عليها وتذكرها
بالماضي الاليم اللي عاشته
*
*
*
مرت هذه الليله طويله باهااااات لم تتوقف
شخصين لم يستطيعوا ان يتذوقوا طعم النوم ابدا لكل واحده منهم التفكير الخاص بها ولكنهم
التقوا عند نقطة ’’الحرمان من السعاده ,,
نور “لازال تفكيرها بالذي رجع من السفر ومن هروبه من الواقع ومالذي ينوي ان يفعله
اما وهم “فهي تبحر في دوامتها الحزينه وماضيها الاليم الذي لاتستطيع نسياااااااااااانه
وهاهو الصباح يعود من جديد لعل الامور تتغير
ولعل الحزن يتبدد الى فرح
*
*
*
وقفها صوته قبل تنزل من السياره :سامي انا جبت لك شوية ثياب بدل اللي عليك
ناظرت في لبسها بقهر ونطقت بدون لاتحس :والله لثياب اللي علي اغلى من اللي عليك
مو بالسعر لكن بالقيمه
(لهدوم اللي كانت عليها كانوا لاخوها سامي اللي توفى )
ناظرها كينان :اسمع عمتي احتمال في اي وقت ترجع عشان كذا لازم تبين لها انك
من طبقه عاليه لانو مو كل شي يعجبها مفهوووم
ماسمع غير صفعته لباب السيااره اللي حس كينان انها على وشك تنكسر
ناظرها من الزجاج وهي رايحه صوب البيت مقهوره لين ما اختفت عن عيونها وبعدها حرك
سيارته متوجهه لشغله
*
*
*
ووووووهم
ها
دانه :تسلم عيونها والله صباحووو ياعسل
وهم :صباحووا ياقشطه
دانه هههه حلوه هذي
دخلت عليهم شيماء وببتسامه :صباح الخير وهم
وهم :صباح النور حبيبتي
دانه :وهم جدوه تبي تسلم عليك خلينا ننزل تحت
وهم باحراج :مدري استحي
شيماءههه عادي حبيبتي خلي الوضع ايزي وانتي في بيتك
دانه :جبت لك جلال معنو مافي احد بالبيت اسامه في الدوام وفراس راح المدرسه
(طبعا المدارس بدت قبل الجامعات باسبوع عشان كذا البنات مو رايحين الجامعه )
وهم لبسته ونزلت معهم
كانت هذي اول مره تطلع فيها من الغرفه كان بيتهم ولا في الخيال
روووووعه بمعنى الكلمه عيونها كانت تراقب كل تصميم فيه بانبهار
خلوني اوصف لكم الفله
عبااااااره عن ثلاث طوابق
الطابق الثالث يحتوي على جناح كبير وراقي وفخم لابعد درجه لاسامه اللي مختاره على ذوقه
الطابق الثاني فيه ست غرف
للبنات ثنتين مفتوحين على بعض
بذوق ناعم وهادي بلون الوردي والفضي والدببه موزعه في جميع انحاء الغرفه وعاطيها شكل كوول
وغرفه لفراس تليق بذوقه وموزع فيها صور لانواع السيارات
واسامه غرفه
وللضيوف غرفه بتصميم هادي بلون السكري
وغرفه ملكيه لام يوسف وابو يوسف
الطابق الاول يحتوي على سرداب كبير فيه بركه كبيره وفخمه ويتوسطها دلفين يرش ماي
وفيه مطبخين خارجي وداخلي
وثلاث صالات بتصميم امريكي
وغرفة لام راشد وابو راشد
طقوا عليها الباب وسمعوها ترد عليهم فدخلوا
باسوا راسها الثلاث وجلسوا يمها يسمعون سوالفها اللي ماينمل منها وحكمها بالحياه
وهم كانت تستمع لها بانصات وهي تحس براحه من قربها تحس بانها تمتلك قلب كبير
ماودها تنحرم منه
ودها تنام على رجولها وهي تمسح على شعرها وتغني لها
الجده :وهم
قالت من دون شعور:لبيييه يمه
ام راشد ببتسامه :لبيتي بمكه يارب ..شفيك سرحانه ومو لمنا
وهم :لا يمه انا معاك
ام راشد :عساتس مو متضايقه وانتي هنا
وهم :لا يمه البيت اللي انتي فيه محد يتضايق منه
ام راشد وهي تدز دانه بمزح :سمعي الكلام الطيب مو كلامتس
دانه :حراام عليك يمه انا شسويت
ام راشد :ماتحبين تقعدين في البيت دقيقه وحده
شيماء هههه جبتيها يمه
دانه تدزها :انتي سكتي احسن لك
*
*
*
في العصر الساعة الرابعه تماما
كانت حاطه السماعات باذونها وهي سرحاانه
دخلت عليها امها وباين عليها الهدوء بشكل يخلي الواحد يحس انو في سالفه مهم هاو
موضوع هااام
نزلت السماعات من اذونها وهي تقول بخوف :خير يمه امريني في شي
ام فيصل :نور سمعيني زين انتي تدرين ان وليد رجع قبل اسبوع تقريبا
نور بلعت ريقها بخوف وهي تسمع امها تكمل :وترى وليد مهما يكون ولد عمك وزوج
صديقتك اللي وصتك عليه وعلى بنته ولو ما كانت تثق فيك ما كانت اختارتك انتي
من بين كل الناس وانا عارفه انك قد الثقه لانك العاقله والكبيره
هنا نور ما قدرت تمسك دموعها وبدت تبكي بقهر :يمه لو هو ماراح بعد ماتوفت
اسيل ماكان هذا حالي يمه انتي تدرين قد ايش تحملت كلام الناس اللي يقول اني
خربت بينه وبين زوجته وخليتها تموت من القهر او يمكن تركها لان فيها عيب كل
هذا ولا شي عنده راح وترك كلام الناس كله علي
ضمتها امها بحزن على حال بنتها :نور الحين ماينفع هذا الكلام وهو الحين تحت انزلي
تفاهمي معااه
انشلت من الصدمه اللي سمعتها وشهقت بقوه وهي تبكي :لا يمه لا ما ابي اشوفه
بعد اللي سواه فيني
ام فيصل :نور لاتنسي وصية اسيل لك هذي الحياه لازم يكون في ايام حزن وايام
فرح يمكن جا يصلح غلطه عطيه فرصه
الله يخليك امسحي دموعك وبدلي ملابسك وانزلي اوكي
طلعت عنها امها وجلست نور تهدي نفسها وتغير لبسها هذا غير انها حطت لها مكياج
عشان تبين له انها قويه وما نهارت بعده وعشان تخبي اثار دموعها
لبست لها بنطلون احمر مع بلوزه بيضاء وايشارب احمر بنفس لون البنطلون وخلت شعرها مرفوع
باهمال وقذلتها حول وجهها معطيها طفوليه اكثر
نزلت بعد ما اخذت نفس عميق
طول الامس وهي تفكر كيف بتكون المواجهه بينها وبينه
وهذا هو الوقت جا بسرررعه وحان القاااء بينهم ..
*
*
*
دخل البيت وما لقاهم سال الخادمه عنهم وقالت له انهم في غرفة نواف
صعد بسرعه لغرفة نواف ودخل
هي اخترعت وفزت من مكانها كانت مندمجه مع الكتاب اللي كانت تقراه
سالها بصوته الرخيم :وين نواف ؟؟؟
سامي :اممم اا…..ايه راح ياخذ له دش في شي ؟
كينان :شفيك بالموت تنطق الحرف
بعدها ناظر لبسها وشافها ما غيرتهم سحب واحد من الاكياس اللي كان حاملهم وجلس على
السرير جنبها بس فيه فاصل بسيط بينهم
وطلع منه ملابس
كينان :لثياب اللي عليك خفيفه قوم غيرهم الجو بارد مررره وانت مو حاس ولا تدعي
يعني
سديم حست بكهرب يسري بجسمها من الوقت اللي جلس يمها
تلعثمت مرره ثانيه :هااا ………ا ا ا
كينان :علامك اليوم مو عارف تتكلم ..طلع لها تيشيرت احمر فوقه جاكيت اسود فخم وباين
عليه غالي
وكمل :قوم جربهم
سامي :لا لثياب اللي علي ما فيهم شي
مسك قميصها وجا بيفتح اول ازرار حقه لكنها بحركه سريعه قامت ووقفت وهي تحاول تمسك
دموعها لا تنزل ما عمرها تخيلت انها بتنحط بموقف مثل كذا:هي انت شبتسوي ؟؟
كينان يتظاهر عدم المبالاه :انت مو راضي تقوم تغير قلت اغير لك بنفسي الظاهر امك
متعوده تلبسك دايم
سديم حمر وجهها بقهر وماسكه حالها لاتنفجر قدامه سحبت لثياب من عنده بقوه لان الظاهر
بتطول السالفه لو ماغيرت وجات بتطلع
عشان تلبس بس وقف كينان في وجهها
كينان :وين رايح ؟؟
سامي :بروح اغير في شي بعد ؟
كينان :وليه ماتغير هنا ..وكمل بسخريه :مو انت ولد وانا ولد
سديم ما لاحظت نبرة السخريه من كلامه من التوتر اللي كانت عايشته فقالت تطوف السالفه
سامي :اممم انا عندي حساسيه بجسمي فما احب احد يشوفني ..ومشت عنه
ابتسم كينان بانتصار واخيرا عرفت شنو اصلها ياكينان
هو بالاصل ماكان ناوي يفتح ازاريرها بس سوى هذي التمثيليه عشان يكشف شخصيتها الحقيقيه وهي
كشفت حالها بحالها لما وقفت وتغير وجهها 180 درجه
بس لازم يا كينان تمشي معاها الدور وتخليها تكمل هالمهزله وتعرف ليه غيرت شخصيتها
كينان (ههههههههه مسكينه الحين شنو تسوي بحالهاا هههه والله كسرت خاطري بنظراتهاا )
*
*
*
نهاية البارت السادس
رد مع اقتباس
sara-07
الباارت السااابع
تحبني للحين ولاتناسيت
هذا اللي في غيبتك ماعرفته
اللي اعرفه شئ اني تمنيت
انسسسسى غلااااك
وكل ما انسسى ذكرته ..متعلق بالحب ..من يوم حبيت حتى حبيبي المو ت لاجلك وصلته
وان كاان بغيابك علي “تغليت”انت تراك اغلى من الحب انت بنيت في داخل القلب لك
بيت ..القلب بيتك وانت سكنته ..وماعتقد عنك في لحظه تخليت
حتى الزعل منك حبيبي عشقته
^
^
^
^
نزلت بعد ماخذت نفس عميق
طول امسس وهي تفكر كيف تكوون المواجهه بينه وبينها
وهذا هو الوقت مر بسسرعه و حان وقت اللقااء بينهم
..
دخلت المجلسس وشاافته جالس وجنبه اخوها فيصل الي اول ما شافها قام وهو يقول :حياك
نور انا طالع
نور في نفسها : لا يا فيصل ياليتك تتم جالس انا ما اقدر اجلس معه
بروحنا
لكن فيصل سرعان ماختفى من المكاان
نور بهمس: السلاام
رد عليها بنفس الهمس : وعليكم السلااام
نور (بنوته كييوت حللوه ومملوحه عمرها 23 سنه تدرس تربيه خاصه بالجبيل شعرها اسود فاحم
طووووويل مره وفيها غمازه بخدها اليمين عاطيتها جاذبيه اكثر بشرتها سمرا بس مو مره )
ظلت واقفه مكانها حاسه بان رجولها متصلبه وعيونها منزله بالارض كتمت نفسها وهي تحس بريحة
عطره ماليه المكان
ناظرها لوهله وهو مو قادر يقعد بالمكان اللي هي فيه يكررررررها يكرها موت ومو طايق
يشوفها وخصوصا انها كانت صديقة زوجته المرحومه اسيل
تكلم بجمود :بتطولين وانتي واقفه
جلست ع الصوفا بعيد عنه وسمعته يتنهد
دموعها ماسكتهم بالغصب حاسه بنار تشتعل حولها من نظراته
وليد بحقد:اسمعي انا وانتي مستحيل نعيش مع بعض وانتي تعرفي السبب بس انا الحين مجبور
اني اخذك معي عشان عمي بس جهزي اغراضك راح اجي بكره اخذك لبيتي اوكي
عظت على شفتها السفليه بعصبيه وتكلمت بعد جهد في انها تطلع الكلااام الي بتقوله مراات
كانت تفكر انها تسكت احسن لها بسس ماقدرت
كفايه السنتين الي كتمت فيهم كفايه تدفن جروحها وهي حيه
نور بغصه : بسس هذا الي قدرت تقوله هذا الي جابك ومعنيك من هنااك الي
هنا كان لاتعبت نفسسك وتعنيت وجيت كان اتصلت وقلت كلاامك التافه هذا
الوليد بعصبيه : بالله وش متوقعه مني اني اقول لك يعني
وقفت نور بغضب : لهدرجه مسكتثر كلمة (اسف) لهذي الدرجه انا رخيصه عندك خليتني وانا
عروس خليتني بعد 6 ايام من زواجنا خليتني وانا كنت محتاجه لك ليش رجعت دام
هذا الي بتسوويه كان ظليت هناك
الوليد مو مستحمل يقعد ولا دقيقه هنا يحسها نفس اسلووب اسيل اذا عصبت يحس نفس
الطريقه تتكرر قدامه حتى نبره الصوت فيها لمحه منها
الوليد : نور انا ماغلطت عشان اتاسف وانتي تدرين ان كل الي صاار بسببك
نور بصرااخ : انا السبب ليه مين الي جا وترجاني اني اخذك مين اللي كانت
اخر وصيته اني ابقى معاك واني اهتم ببنتك و…
حط ايده على فمها يسكتها :مررره ثاانيه تعلين صوتك اقصه لك فاهمه ..اخر الكلاام بكره
تكوني جاهزه وتعرفين لو مارضيتي تجين بالطيب اقدر اجيبك بالغصب ورااح وتركها
وهي جالسه على الارض مو متحمله الي قاعد يصير قداامها هذا الي كانت خاايفه منه
وماخاب ضنها مسحت دموعها وهي تحاول تتماسك لين توصل غرفتها وطلعت بسرعه صعدت الدرج وهي
تركض الى غرفتها
وهي تسمع صوت امها تناديها وصوت نوره تطق عليها الباب تبيها تفتحه
لكن الحين مافي مجال انها تكلم احد
لاان دموعها خانوها وبدو بنزول بدوون توقف
لين مانامت وهي دموعها على خدها ماجفت
^^
^^
^^
في مكاان ثاني
كان جالس يكلم امه : يمه انا ابيها يعني ابيها
ام ماجد : بس البنت بعدها صغيره انتظر عليها ششوي
سلطان : يمه حنا الحين نملك والزواج بالعطله الكبيره وانتي تدرين انها لي الحين او
بعدين
ام ماجد : دامك تدري انها لك الحين او بعدين اجل وشوله ماتصبر
سلطان :يمه انا بكلم ابوي في الموضوع انتي مادري وش فيك معارضه عليه
دخلت العنود عرض: لاان نوره ماتواطنك بعيشه الله
العنود وهي تشهق : نوروه التافهه اذا سالتها تحبي سلطانوه تقولي وجع لاتجيبي طاريه اتاريها
من تحت الى تحت والله لاجننك يانووره اجل تخبي علي سالفه مثل كذا ارويها لكن
امها قاعده تتحمد وتتشكر على بنتها المخبووله : ياللي ماتستحين تقولين هالكلاام قدامي صج انكم
يا عيال هالوقت فاصخين الحياا
العنود : اووه يما خليك ديموقراطيه وبعدين كلاام الحق ماينزعل منه
(عائله ابو ماجد )
ابو ماجد (ناصر ) : الابن الثالث الى ابو راشد رجل اعمال كبير وله سمعته
بالسوق يحب عياله كثير ودايم يسال عن مستواهم بالمدارس وغيره ويعلمهم ع الاساليب الصحيحه
ام ماجد (موضي) تصير بنت خالة ابو ماجد امراءه طيبه و محترمه مقربه لعيالها واجد
رغم انشغالها لاان عندها دار ازياء وصالونات
ماجد : الابن الاكبر عمره 31 سنه متزوج وعنده ولدين توام
ناصر ومنصور وزوجته خلود (بنت عمته سعاد)
سلطان :الابن الثاني عمره 25 سنه صديق فيصل مررره شاب وسيم مره بسمار جذاب متعلق
بنوره بنت عمه من وهي صغيره بس مايبين لها هالحب
العنود :اخر العنقود بنت رجه عمرها 18 سنه تدرس مع نوره وهم تؤام بالمدرسه كل
شي مسوينه مثل بعض الشنط والجزم وغيرررره
*
*
*
:يووووووووه خلاص تعبت مافيني حيل زيادة انا بسبقكم اشوف لنا نطاوله نجلس عليها
مد لها شخص شي قدامها وقال بصوت هادئ:اختي هذي المحفظه لك انتي نسيتيها في هذاك
المحل ..واشر لها ع المحل
مسكتها وهي تقول :مشكور ..بس منو انت
كان قصدها يعني شلون عرف انها لها بس التعبير خانها
وهو ناظرها باستفهام :انا الكس
ردت دانه بعبط :وانا اليس في بلاد العجائب ,,احم احم طيب طيب مشكور
راح عنها وهو يضحك بداخله عليها
ساله واحد من اصحابه :طلال شفيك شاق الضحكه منو هذا اللي غير مزاجك بسرعه بعد
ماكنت معصبب ؟؟
طلال ههههه اليس في بلاد العجائب ههههه
*
*
*
كانوا قاعدين على احد الكراسي في الحديقه وكينان يجري حولهم بلبس الرياضه (يسوي تمارين)
انتبهت من سرحانها على صوت نواف الطفولي :سامي اشرايك بالرسمه حلووه
ناظرت بالوحه اللي في يده وابتسمت :مره حلوه اصلا انت فناااااااااان
نواف ابتسم بفرح :صج انا فنان
سامي :اكيد ليه مو واثق من نفسك
نواف :اممم شوي
سمعووه يطيح على الارض وهو يقول :ااااااااااااه
صرخ نواف وراح له بسرعه :كينااااااااان شفيك كيناااااان
سامي بخوف :كيناان
كينان بكلمات مقطعه :اااااه قلبي قلبي
سامي برتباك:نواف روح جيب ماي بسرعه ونادي السواق بسررررعه
نواف راح بسرعه وهو عقله بس يفكر باخوه الغالي اللي ما يتحمل كلمة الااه منه
واللي اول مره يسمعها ع السانه
ضغط على قلبه بالم
كينان :اااااااااااه
لاشعوري حطت يدها على قلبه وهي تقول بخوف :يوجعك مررره
كينان ناظر فيها بنظره غريبه وهو يرد عليها :تدري من حطيت يدك راح الالم
ردت عليه وهي تغير الموضوع ومو عارفه تركب الجمله كيف :المستشفى لازم يعني ..اقصد لاززم
تروح المستشفى
كينان وقف :قلت لك صرت بخير هذي مجرد نغزه لاتحاتي
سامي :يعني متاكد انك بخير
كينان ابتسم ابتسامه وترتها :ليه خايف علي ؟
سديم عطته ظهرها وهي تتهرب من تصرفاته الغريبه والمثيره للشك وهي تحس بالاحراج لما حطت
يدها على قلبه
ضربت راسها وهي تقول في نفسها :وش هالجراه ياسديم الظاهر صدقتي انك ولد مو بنت
ااااااه والله اني غبيه
ناظرها وهو يبتسم على شكلها المتوتر ووجهها لما صار احمر مثل العاده لما تستحي وصار
يضحك لما تذكر المقلب السخيف اللي سواه لهم هههههه
*
*
*
اليوم الثاني
موعد رجوع نور لبيت الوليد اللي طلعت منه باهانه ماتنساها جا وقت رجوعها له بعد
سنتين تقريبا جهزت اغراضها كلها ولبست عباتها نزلت له بعد ما نادوها خامس مره ,,بس
هي كانت متعمده تطول عليه
مسك فيصل عنها شنطتها وحطها بالسياره
بعدها ركبت هي بدون لاتنطق كلمه وحده
جاها صوته وهو يزفر بضيق :كان تاخرتي شوي بعد
ماردت عليه وظلت سافهته
طبعا هذا الشيء مريح بالنسبه للوليد لانه مايبي يسمع صوتها
وصار الصمت هو سيد المكان ماغير انفاسهم المطرربه
وصلوا البيت ونزلت نور بسرعه وهي تحاول تستنشق الهواء اللي حبسته طول الطريق ودخلت البيت
فاجاتها رنة ضحكه طفوليه
ذكرتها بالماضي ((هذي براءه صارت نسخه ثانيه من اسيل ااااااه يااسيل وينك تشوفين بنتك اللي
كبرت واحلوت وصارت تشبه لك ))
ضمتها بقوووه لاشعوري وهي تبكي :براءه حبيبتي اشتقت لك
ناظرتها براءه باستغراب :انتي مين ؟؟
نور بغصه :انا نور
ناظرها وليد بغضب وقال بلهجه امره :براءه روحي غرفتك وغيري لبسك وبعدين انزلي
براءه :بس بابا ..
قاطعها :براءه قلت لك اصعدي غرفتك
نور ناظرته باحتقار :انت عارف معنى الكلام اللي تقوله الظاهر انت ناسي ان براءه امانه
عندي وانا ما اقدر اخلف بوعدي لصديقتي
تقرب منها وهو يناظرها بنفس نظراتها لكن بشكل اقوى :تعلمي تتكلمين معاي بادب والزمي حدودك
فاهمه وبعدين لما اكلمك نزلي عيونك بالارض وبلاش هالنظرات الوقحه
نور لازالت عيونها متعلقه بعيونه وكانها تعانده
عضت شفتها بقهر :انا وقحه ..بالله شوف مين فينا الوقح
وعطته ظهرها
الوليد عصب منها وشدها من عباتها بقوه وهو يلفها ناحيته :لما اكلمك ما تعطيني ظهرك
وتمشين واسلوبك الهمجي غيريه لانه ما يمشي معاي
شهقت بخوف وهي تبتعد عنه وتصعد الدرج بسررعه لين دخلت وحده من الغرف
انهارت تبكي فيها بالم (ليييه يصير معي كذا يارب هو مو مستحملني ولا دقيقه وحده
لييه رجع دامه ماتغير وحاطني براسه ااااه يارب تلهمني الصبر )
*
*
*
:عرفت لي شنوو اسمها ؟؟
ثامر :ايه طال عمرك اسمها سديم وعمرها 19 عندها اخو اسمه سامي لكنه توفى قبل
كم سنه
كينان :اخوها هذا كبير ولا صغير
ثامر :توفى وعمره 21 سنه على ما اعتقد
كينان :طيب وين ابوها وين اهلها
ثامر :ابوها متوفي من زمان وعندها خال واحد بس عايش بالرياض
كينان :طيب تابع لي اخبارها اول باول فاهم
ثامر :تامر طال عمرك …وقفل السماعه
تنهد كينان وهو يسند راسه على الكرسي :اااااااااه ياسديم والله وانكشفت حقيقتك كلها وضني ماخاب
ودي اعرف ليييه تنكرتي بشخصية اخوك وش السبب
*
*
*
دخل عليها وهي ترتب ملابسها في الدولاب من غير نفس وباين عليها متضايقه
حست بوجوده لكنها كملت اللي جالسه تسويه وكانها ماتشوفه
جاها صوته الحاد :قومي تعشي
نور :ما ابي اكل شي
وليد بستهزاء:لييه ناويه تموتين من الجوع الغذا وما نزلتي وما اضن انك فطرتي والحين بتكملينها
في العشاء
ناظرته نور بسخريه ورجعت تكمل شغلها
لكنه فاجاها لما سحب يدها بقوه وجرها وراه وهي ظلت تحاول تسحب يدها منه لكن
من دون فايده
تكلمت بالم :ااااااااااه فك ايدي
وليد بعصبيه مكتومه :لما اقولك شي تطيعيني بدون ماتعاندين فاهمه
نور :اااااااه فكني فكني ..شايفني عبده عندك
ناظرها بتهديد :السانك الطويل ما ابي اسمعه او بمعنى اصح صوتك وحسك كلللللله ما ابي
اسمعه لاني مو طايقك وشد على يدها بقوه :فاهمه
نزلت راسها تداري دمعه نزلت وجرت وراها سيل دموع وهي تهز راسها بمعنى فاهمه ,,ونزلت
معاه
*
*
*
:وووووهم الحقي
فزت من السرير بخوف :خييير
دانه :فروس يقول ان عمك وولده جااااين وكاهم تحت بالمجلس مع جدي وابوي
بدت تحس بان ضربات قلبها تدق بخوف وهي تردد (هذي نهايتك ياوهم ) نهايتي قربت
بدت ما تسمع اصوات اللي حولها ام يوسف والجده ام راشد اللي من دروا بالخبر
جوها يطمنوها لا تخاف وانهم معاها للنهايه
لكنها كل هالكلام ماسمعته كانت مجرد تسمع اصوات نااااااس حقارى انذاااااااااااااااال داسوا كرامتها وش رف
ها
ناس ذلوها ياما توسلت لهم لكن ماسمعوا لها ناس اللي المفروض هم من يصونوا عرضهم
وشرفهم هم اللي دنسوووه هم اللي باعوه بثمن لتراب
ناظروها بخوف وهي ينادوها باسمها
كلمات بسيطه هي اللي قدرت تنطقهاا :الم وت ارحم من اني ارجع لهم ..الم وت
ولا اني اتزوج ولددده
*
*
*
نهاية البارت السابع
رد مع اقتباس
sara-07
البارت الثامن
يالصاحب اللي ماسال في (غيابه)
تبحر مواكب حسرتي في شواطيه
لي خافق(ن) شتت انين الربااااااااابه
ياخي برحيلك
خافقي وين اوديه …؟؟
*
*
*
:نوررررر وحشتيني اشتقت لك موت
نور بغصه :وانا اكثر يا نوره شلونك وشلون امي امانه وربي واحشيني
نور حاسه فيها بس ماتبي تزودها عليها :يادوبه البيت خلى من بعدك اتاريك كنتي مضيقته
نور :والله انا اضن البيت ما بيخلى الا بعد ما تاخذي سيد سلطان
نوره :ووع لا تجيبين طاريه اعوذ بالله انا اخذ واحد دوم يفشلني ويخرعني اخر الليل
نور ههه ليه في قصه ثانيه غير صورة الجني ههههه
نوره :لا بس مخلي اخته عنودوه ترسلي صورة قرد لابس شباصات بالايميل تخيلي الحقير قهرني
ولا راسل نغمة وبحبك ياحمااااااار… التافهه
نور خلاص مو قادره تمسك نفسها من الضحك ههههههههههههههههه هههههههههههههههه ههههه
/
دخل الغرفه وانصدم وهو يشوفها تضحك من قلب ناظرها وهو متنح للحظات لما شافها انتبهت
له وكتمت ضحكتها وقالت مع السلامه رجعت نظراته الحاده لها مثل قبل
جلست على السرير وعيونها تجي في كل انحاء الغرفه الا عليه
رمى نفسه ع السرير بالجهه الثانيه وهو يتنهد بضيق
توترت اعصابها ودقات قلبها طبول ما عرفت كيف تتصرف تقوم ولا تظل جالسه ولا ولا
…مو عارفه
فاجاتها نبرة صوته الحززينه وهو يقول :قربي
فتحت فمها تناظره باستغراب وعلى وجهها علامة تعجب كبيييره
عاد عليها مره ثانيه :قلت لك قربي
وقفت على السرير وتوجهت جنبه بخوف وتوتر حاسه ان اعصابها مشدوده
جلست ونصدمت اكثر لما حط راسه عليها وغمض عيونه بتعب
الوليد بتعب :راسي مصدع سوي لي مساج
نور قربت يديها له بصعوبه وبعد جهد جهيد وبدت تسوي له مساج تقريبا لنصف ساعه
حست بعدها بان ملامحه ترتخي وانه استسلم للنوم
غطته وطلعت من الغرفه …
*
*
*
:هذي بنت اخوي تبون تحرموني منها يعني
ابو راشد :بنت اخوك لييه مين اللي حاول يقتلها لما كانت في المستشفى مين اللي
ضربها وما خلى فيها عضم صاحي مو انت
ابو سيف :وهذا انا اليوم جيت ارجعها عندي واتسامح منها اذا تبون
ابو راشد :طيب واذا ما وافقت ؟؟؟
سيف قال بقهر :توافق وغصبا عليها مو بكيفها نزلت روسنا الارض
ابو يوسف :البنت ما هربت من عندك الا بعد ماشافت العذاب في بيتكم
سيف بقلة ادب :البنت بنتنا وجاين كانا نطر من عندكم ترجعونها هذي زوجتي ولي حق
اني اخذها
ابو راشد بحكمه :عندك اوراق تثبت انها زوجتك
سيف :بتصير زوجتي عن قريب… يالله جيبوها لمتى بننتظر يعني
ابو يوسف :تكلم بادب حنا مو اصغر عيالك والبنت ماتبيكم انتوا ناس ما ينوثق فيكم
قام سيف بعصبيه :السالفه امصخت وتعديتوا حدودكم وااايد لكم لبكره بس ان مارجعت البيت ماراح
يصير لكم طيب وخلوها تتجهز لزواجنا اللي بيتم بكرره …وطلع ووراه ابوه اللي عجبه ولده
بقوه
دخلت ام راشد اللي سمعت الحوار كله
ابو راشد :سمعتي ياام راشد عمها يبيها واللي علينا سويناه
ام راشد :خلاص بنتخلى عنها بهذي السهوله
ابو يوسف :يمه الله يهديتس انتي ما سمعتي ولده كيف يهددنا وبعدين لو راح اشتكى
يكون معاه حق وبنكون حنا الغلطانين
ابو راشد :قولي لها تجهز نفسها لان زواجهاااا بكرررررره حنا مابيدنا شي نسويه لها
*
*
*
:امممم طيب 5 في 5 =
نواف :25
سامي :لا ماشاء الله جداول الضرب صرت اوكي على اوكي
نواف ابتسم :احم احم لاني ذكي
سامي هه تصدق مرات احس انك اكبر من عمرك
نواف :ليه؟
سامي :مدري اسلوبك واحد كبير تعجبني بصراحه
نزل هالحظه كينان وهو لابس ملابس السباحه
اللي من شافته سديم وجهها قلب مو احمر الا ازرق من الاحراج لانه كان لابس
بس الشورت وهي تحاول تغض البصر قد ماتقدر
نط نواف :الله كينان بتروح تسبح
كينان :ايه تبي تجي معاي
نواف بفرح :ايوه ايوه برووح معاك
ومشى لكنه فجاه وقف وهو يوجه كلامه لسامي :سامي وانت بعد تعال اسبح معانا ترى
المسبح وااايد حلو واذا تبي راح اجيب لك شورت من عند كينان
سديم بلعت ريقها بصعوبه ونظرات كينان تراقبها بتفحص
تلعثمت ما عرفت كيف تعدي السالفه :ااا — هاا – انا
نواف :ايوه تعال اسبح معنا
هنا تدخل كينان اللي حس انها انحطت بموقف صعب ومو عارفه تطلع نفسها منه :لا
نواف سامي معه حساسيه وبعدين هو مايعرف يسبح عشان كذا هو بس بيراقبنا
نواف :اهاا ..طيب اجل ..وراح وهو يجري بسرعه
هنا سديم حمدت ربها انها طلعت من هذي الورطه شكل كذبتها البارحه جابت نتيجه
*
*
*
جا بيركب سيارته بعد ما جاه اتصال من البيت
وكالعاده كانت فيه ورده حمراء على السياره
مل من كثر ما صار يشوفها يوميا ومثل العاده رماها وجا بيركب سيارته
لكن جاه صوت بنت تتكلم بدلع وريحة عطرها توصله من مترين :مو حرام عليك تسوي
بالورد كذا
:هذا انتي ولا تقولي بعد ان الورد منك
:مو حرام عليك صار لي احبك اربع سنوات وانت مو حاس فيني
:دكتوره هديل انا ما انفع لك وهذا الموضوع انهيه لانك مهما سويتي اللي بقلبي ماراح
يتغير اتجاهك
د/هديل :اساااااامه انا احبك احبك ماتفهم معنى هالكلمه لهذي الدرجه انت بارد وما عندك مشاعر
اسامه :دكتور اسامه لو سمحتي وبعدين انا صارحتك من البدايه وقلت لك مستحيييل احبك
ومشى تاركها تبكي عليه وعلى حبها له اللي هو مو حاس فيه
*
*
*
كانوا كينان ونواف داخل المسبح اما سديم كانت تراقبهم او بمعنى اصح كانت عيونها موجهه
لنواف تضحك معااه وتسولف ومسفهه الموجود معاهم ,,شوي وجا لكينان اتصل مهم فقام من المسبح
وبقت سديم مع نواف بروحهم وتقربت من المسبح لكنها مانتبهت للماي الي مطشر حول المسبح
وانزاحت رجولها وطاحت في المسبح بشكل قوي
صارت تطلع وتدخل في الماي وهي مو عارفه كيف تسبح اصلا ما عمرها طبت في
مسبح
لثواني ..لدقائق حست بانها خلااااااااااص بتموت واجلها حااان مرت عليها كل الذكريات الاليمه والمفرحه
تذكرت امها وكيف بتتعالج اذا ما كان معها احد وبتظل وحيييده
لكنها استسلمت للامر الواقع وتعبت من المحاوله في الخروج صار جسدها متوسط المسبح ويدها متروكه
بحريه فجاه حست بيد تحملها وتطلعها من المسبح لكنها كانت فاقده الوعي
/
صراخ نواف خرع كينان اللي جا بسرعه وخاف من الحاله اللي كان عليها
شافه يبكي بخوف :كينان سامي غرق سامي غرق اهئ اهئ لا تخليه يموت مثل ماما
وبابا الله يخليك
كينان استوعب الامر بسرعه ونط في المسبح وصار يدورها واخيرا شافها فحملها وطلعها
لكنها كانت فاقده الوعي فاضطر يسوي لها تنفس اصطناعي كان خايف يفقدها خايف يفقد الانسانه
اللي قلبه تعلق فيها من اول لقاء خايف ان حبه يموت قبل يبتدي
مره ..مرتين ..ثلاث
فتحت عيونها وهي تشوف وجهه قريب منها واااايد
استوعبت منو هو وبعدته عنها بقوه وهي تصرخ فيه :قوووووووووم قوم عني
تباعد عنها كينان وهو يحمد ربه مليون مره اللي رجعها له سالمه
تقرب منها نواف وهو يمسح اثار دموعه :سامي انت مامت سامي انت حي حي الحمد
لله يارب
كحت وكحت تطلع الماي اللي بلعته
كينان :دامك ماتعرف تسبح بالله ليه نازل
سامي :انا مانزلت بس طحت من الماي اللي حول المسبح
منظرها وهي جالسه وثيابها مبلله وشعرها مبلل وجسمها اميلته بحيث انها تكح باتجاه معاكس لهم
يجذذذبه مررره
نزل عيونه بالارض وهو يقول :طيب قوم غير لايصيبك برررد وانت يانواف بعد
قامت بسرعه وجت بتمشي لكنه رمى عليها الفوطه وحطها على شعرها
كينان :لا تنسى تغطي شعررك اوكي
تذكرت ان الكاب مو عليها طاح في المسبح فراحت بسرعه عنه
دخلت واخذت لها ملابس ودخلت الحمام (وانتو بكرامه)وهي ترتجف
ناظرت في نفسها في المرايه وجا مشهد واحد في بالها (التنفس الصناعي )
لا لااااااااااااااااااا لمس شفتي لا الحين مالي وجهه اقابله
ضربت نفسها كف :غبيييييييه غبييييه ومواقفك اغبى منك اااااه يالقهر اكيد اكتشف اني ….
وجلست على الارض وهي تسحب في شعرها بقهر :باي وجهه تقابلينه ياسديم وانتي دايم تسببي
المشاكل لنفسك
*
*
*
:شنوووو انا اتزوجها ؟؟
ام راشد : البنت من عرفت ان زواجها بكره طاح مغشي عليها
اسامه بغضب :يمه انتي من صجك جايبه لي وحده من الشارع تبيني اتزوجها ويعني طاح
مغشي عليها هذا دلع بنات بس
ام راشد تضايقت وحس فيها اسامه
قال باسف :اسف يمه ما كان قصدي اعصب عليك السموحه وباس راسها
دخل ابو راشد ومعاه ابو يوسف وام يوسف
ابو راشد :ها يااساااااااامه شقلت ؟؟
اسامه :يبه انا اسف بس صدقني ما اقدر اتزوج اصلا انا ما ابي اتزوج نهائي
ابو يوسف تقرب من ولده وقال بجديه :اسامه ماتبي تفرحني يعني بزواجك ماتبيني اشوف عيالك
ترى العمر راح ومحد ضامن يومه ماتبي يجيك ولد ولا بنت ينادونك يبه ماتبي بعدين
لاكبرت عيالك يدعون لك ماتبي حرمه تشوف طلباتك وتراضيك لو زعلت وتشيل عنك همومك
ما اخفي عليكم اسامه تاثر وايد بكلام ابوه بس مثل ما قلت لكم قبل هو
عنييييييييد
اسامه :يبه ما اقدر اتزوج ما اقدر وبعدين انتو واثقين من هذي اللي بتزوجوني اياها
ام راشد :انا واثقه فيها وصدقني بجي اليوم اللي بتشكرني فيه وقول جدتي ما قالت
اساامه :يمه كلامك على عيني وراسي بس انتي ليه مصره تساعدينها هي لاتصير لنا ولا
نصير لها ولا حتى نعرفها بعد يرضيك حفيدك ياخذ وحده مايعرف حسبها ونسبها
ام راشد :لا مايرضيني بس البنت ملاك من الله ارسلها لنا كيف نضيعها من ايدنا
وبعدين حالتها النفسيه تعبانه وانت شفت حالتها هذا غير انهم حاولهم يقتلونها وقدام عيونا بعد
ابو راشد :اسامه انا عندي لك حل
ناظروه الكل بترقب
ابو راشد :دامك مصر انك ماتتزوج مو بالضروري تتزوج فعلا
اسامه :كيف جدي ما فهمت ؟!!
ابو راشد :ببساطه تزوجها على الورق بس واذا شفت انها ماتصلح لك طلقها لكن بعد
مده عشان سمعة البنت اما اذا شفت انها تناسب لك الله يتمم لكم الخير ,,هااا
شقلت
سكت شوي وهو يعيد :على ورق
ام راشد :وافق يااسامه ترى هذا اخر طلب لي عندك لاتردني وانا امك
تكلم بصعوبه :موافق يمه موافق عشان خاطرك بس
باسه ابوه وامه:الله يرضى عليك
ابو راشد :اجل جيب الشيخ الحين وخلونا نملك الليله
*
*
*
نهاية البارت الثامن
رد مع اقتباس
sara-07
البارت التااااااسع
اعجز عن النطق لالف مررره
امام نظرات عينيه التي تغرقني
اعجز عن الكتابه امام صفحاتي
لان كل ايامي ذابلة حززززينه
مللت الاوراق من سماعها
فياسنيني هل ستفرحين بعد هذا التعب
ام الموت ارحم بالنسبة لك
من هذه الابتسامة التي لاتدوم سوى
ساعات قليله
*
*
*
مازال مشوار الليل في بدايته ومؤشر الساعه يشر الى الساعه 7 :54 دقيقه
:خلااااااااص ياوهم كافي اللي سويتيه في نفسك
ضربت راسها بالجدار وهي تتكلم بغضب :شنووو الذنب اللي سويته عشان يصير فيني كذا لييييييه
مو راضين يتركوني بحالي ااااااااه يارب ..دانه ارجوك لاتخليهم ياخذوني
وجلست في احدى الزوايا وهي ضامه ركبتها والدموع تنزل منها بالم بدت تهلوس وخوف بداخلها
منهم مو طبيعي
–
ناظرتها دانه بخوف وهي تشوف الحاله اللي وصلت لها ومو عارفه شتسوي خصوصا ان الكل
راح من شوي
نادتها كذا مرره لكن ماسمعت اجابه
جات بتتقرب منها توعيها وتهديها لكن تفاجات بصوتها ينطق بخوف :لا ..لا تقربي
دانه بصعوبه :وهم اشفيك ؟؟
وهم نزلت راسها وهي تطالع نفسها :لا تقربي لا تقربي
ناظرت المكان اللي وهم موجهه نظرها عليه وانصدمت لما شافت سائل تحتها مالي ملابسها
شهقت وقالت باستنكار :وهم بللتي ملابسك
نطقت بغصه وهي تكتم شهقاتها :دانه الله يخليك لا تقولي لاحد هالشي انا ..انا ما
اقدر اتزوج سيف ما ابيه ما ابي ارجع له
دانه تحس ان الموقف اكبر منها واصعب من انها تستوعبه وهذا دليل ثاني غير عن
الحاله النفسيه الي تجيها ضد عمها ويدل على الحياه الصعبه اللي عاشتها وهم عندهم
مسكتها ووقفتها وهي تقول بحنان :لا تخافين ماراح اقول لاحد انتي الحين اخذي لك شور
يهديك وكل الامور راح تكون طيبه …
*
*
*
دخلت عليه المكتب بعد ما اذن لها
سكتت ما عرفت كيف تبداء معاه
الوليد :خيرررر
نور :ابي اروح بيت اهلي
الوليد بدون مايناظرها :مسرع ما شتقتي لهم ..انا اقول خليك في بيتك ازين لك وماله
داعي تسوين هالحركات
نور :قلت لك ابي اروح ومو بكيفك تمنعني وبعدين انا كنت اقدر اروح بدون ما
اخذ رايك بس مدري شلي ضربني على عقلي وخلاني ….
قاطعها بعصبيه خوفتها :تدرين لو تروحين الحين ما ترجعين لهالبيت مرره ثانيه لان ورقة طلاقك
توصل قبلك
نور بانفعال :مستحيييل ……مستحيل العيشه معاك ماتنطاق
الوليد بسخريه :شعور متبادل اخت نور ولسى ماشفتي شيء الفنجان اللي ذوقتيني منه بتذوقينه الحين
لكن مضااااااااااعف
وصرخ :والحين برره بره ما ابي اشوف وجهك
ناظرته بعيون دامعه :قبل لااطلع احب اقولك ان مقدار الكرره اللي تكرهني ايااه اقل بكثير
من كرهي لك وفتح عيونك لان اللي صار مقدر ومكتوب ولا تعترض على حكمة ربك
…وطلعت
طلعت نعم لكن تركت وراها شخص ياس من وجوده في هذي الحياه شخص عيونه مغمضه
عن الواقع
شخص الحزززززن بيته وداره
*
*
*
بعد ما اخذت وهم دش طلعت مالقت احد بالغرفه لبست لها بيجاما ورمت نفسها على
السرير
سمعت صوت طق على باب الغرفه لكنها غمضت عيونها بخوف خايفه تسمع صدمه ثالثه غير
عن الصدمات اللي قبل
فجاه حست بيد تمسح على شعرها الكستنائي الكثيف والنااااااااااااعم
فتحت عيونها وهي تشوف وجهه ام راشد تبتسم لها
اعتدلت بجلستها وهي تقول كانها طفله :يمه انتي بتخلينه ياخذني
انا ماابيه ماابيه
الجده ام راشد :وهم انتي متاكده انك ماتبينه وتبين تتخلصين منه
ناظرتها بستغراب لكنها هزت راسها بتاكيد
ام راشد :حنا شفنا لك حل بس انتي لازم توافقي عليه
قالت بسرعه :شنوو
ام راشد :راح تتزوجين اسامه
نطقت بصعوبه :اتزوووووج
ام راشد :يعني تتزوجينه على ورق بس لما ولد عمك يتركك بحالك هو عمك الله
لايعافيهم وبعد فتره تطلقين
وهم :يمه انتي متاكده انه على ورق بس
ام راشد :ايه يمه على ورق بس لمده بسيطه هاا شقلتي
سكتت فترره وبعدين نطقت :اموافقه موافقه
*
*
بعد ساعه تمت الملكه وصارت الامور مثل ما خططوا لها طبعا اسامه ما شاف وهم
ولا طلب يشوفها بالاساس لانه ماخذها على ورق بس وفعلا اما وهم بعد اللي صار
لها غطت في نوم عميق خصوصا وهي تحس بالم في كل جسمها وخايفه من بكرره
ومن ردت فعل سيف وعمها
*
*
*
:الف الف مبرروك يايمه
اسامه :يمه على شنو تباركين لي انا ما خذها بالاسم بس
ام يوسف :يمكن تقدر عليك وتغير كلامك هذا
اسامه قام وهو يتافف
ابو يوسف :اساامه
ناظره :هلا يبه
ابو يوسف :الاسبوع الجاي راح نسوي حفله بسيطه في البيت
اسامه:لييه ؟؟!
ابو يوسف :ما يصير اعمامك وعيالهم مايدرون انك تزوجت وحنا مانبي احد يعرف انك تزوجتها
على ورق بس
نبي نسوي انك ماخذها طبيعي مفهوم
اسامه :اللي تبيه يبه …وراح
*
*
*
يوم الاربعاء
هبت نسماات الهواء العليل مع بعض من البروده
كانت نايمه وايدها وشعرها طايح من السرير ونايمه بالعرض
حست بيد ثقيله تصحيها :نور نور نوروووووووه قومي
فتحت عيونها ببطئ ورجعت غمضتهم
الوليد :نور قومي وبلا دلع ماصخ
رجعت فتحت عيونها وناظرت فيه
لاشعوري حست نفسها طايره في الهواء وهو يجر يدها بقوه ناحية الحمام
وشهقت وهي تشوفه يحط راسها في المغسله ويشغل الماي عليها
طلعت راسها من الماي بشهقه ثانيه وهي تكح
لكنه رجع دخله مرره ثانيه
وتكلم بعصبيه :لما اقول لك تقومين ..تقومين من دون دلعك المااصخ ..والحين صحيتي ولا لسه
طلعت من الماي ووجهها محمر :ص ح يت
طلع وطلعت وراه وهي تمسح دموعها الحاره اللي اختلطت مع المااء
تكلم بدون ما يناظرها :انزلي سوي لي كوفي
طلعت من الغرفه وهي تمسح دموعها وتمحي صورته من بالها
*
*
*
دخلو مدينة الملاهي على طلب نواااف اللي اصر انه يروح
وبدوا يلعبون ويستمتعون بالالعاب
مر الوقت وهم مبسوطين
لكن نواف قال يبي يروح الحمام (وانتو بكرامه )فاضطر كينان يروح معاه اما سديم قالت
بتنتظرهم
الجو كان مغبر شوي حست سديم انها مخنوقه ومو قادره تتنفس
انقلب لونها فجاه للازرق وبدت تتنفس بصعوبه وهي عاجزه حتى انها توقف والمشكله انو محد
معها
ظلت واقفه وهي تستند على الجدار بصعوبه وبالزور قادره توقف على حيلها
حست انها بتموت عن جد هالمرره ظلت تكح وتكح حتى اللي حولها التفتوا لها بخوف
وهم يشوفون كيف دموعها نازله
ماهي الا ثواني وحست فيها ان الفرج قريب لما شافتهم جايين صوبها والقلق باين على
وجههم
تقرب منها كينان بسررررعه وهو يشوف تجمع الناس عليها
غطاها عنهم بجسمه العريض امام جسمها النحيف وهو يسالها بخوف بعد ماشاف وجهها اللي منقلب
ازرق :ساااامي شفيك ؟؟؟؟؟
كلماتها كانت بالموت قادره تطلع :مو …ق ادر…ه ات ن فس
طبعا مانتبهت انها نطقت (مو قادره) بس كينان انتبه لها
سحب يدها وهو يقومها بخوف :بسرعه خلينا نطلع من هنا
لكنه حس بعدم استجابتها وبسرعه حملها بين ذراعيه بعد ما خلع جاكيته وحطاه عليها ومشى
فيها بسررررررررعه هائله وهو يسالها :معاك الربو ؟؟؟
هزت راسها وهي ترجع تكح بقوه وتتمسك فيه من سرعته وخلفهم نواف الخايف
*
*
*
:نورره شقاعده تسوين ؟؟
نوره : خرعتني شفيك
فيصل :انتي احد يقدر يخرعك اشك الصرااحه ..وش عندك الحين هنا
نوره :مثل ما انت شايف اسقي الزرع البيت صار طفش مللل من غير نور افففففف
فيصل :طيب دخلي داخل الحين راح يجي سلطان
قال كلمته وتوجه يوصي الخدامه تسوي له فطور
:ووووع وش جابه هذا من صباح ربي
ناظرت رشاش الماء بخبث وهي تبتسم بمكر
اول شي ملت المدخل كللللللللله ماي (غرقته)
وبعدين تخبت في زوايه وهي ماسكه الرشاش وكاتمه ضحكته
ظلت تنتظره لكنه طول وما جا
لين تعبت وقررت تدخل البيت
لكن من الماء اللي غرقت البيت (الحديقه )فيه طاحت في شر اعمالها وهي اللي طاحت
على وجهها بقوه
ههههههههههه ههههههههههههههه صج من حفر حفرة لاخيه وقع فيها هههههههه
ناظرته بقهر وهي متوجعه :انت من متى هني ؟؟
سلطان تقرب ناحيتها :من الوقت اللي غرقتي المدخل بالماء كل هذا كره فيني ولا استقبال
حار لي
نوره :اوما استقبال حار لك ليييه هو الامير ولا الامير اللي جاي
ناظرها بثقه :لا مو الامير بس يكفي الشيخ سلطان اللي جاي ..يالله قومي غرقتي نفسك
بالمااااي ..راح عنها وهو يضحك عليها
اما هي ظلت تتحلطم عليه
*
*
*
نهاية البارت التاسع
رد مع اقتباس
- اجمل القصص الرومانسية
- اطلعو برا صفحتي
