وجودي على بيت الشعر عقب بيت الطين
وجودي على شوف المغاتير منثره
وجودي على خوة هل الموتر المقفين
وجودي على شوف السهل من ورى الحره
اليا حلوا العربان وصاروا على بيتين
ومن كان له خل مع ذاك ما غره
ثانيا.. الابل
والبل يداوي شوفها كل عله
ودوا من السكر وضغط الشرايين
والبل لها تاريخ جا في سجله
من خلقت الدنيا مع الاوليين
والبل يلا جات الشحايح ممله
وعند اهلها يشرونها بالملايين
ومن ترك البل ذاك كبه وخله
ولا تعشقنه يالبنات المزايين
ماتركوها الا رجال المذله
باقي شرفها مع ملوك وصلاطين
ون شفتها في الغر لرفح مظله
طالع نباته مثل وصف البساتين
والبدوا بنوا في جديد المحله
متخالطه عيدانها تفتح العين
بين النشاما هرجهم ماتمله
ونسوانهم متصادقات على الدين
ياتيك برادن ويقفاه دله
ويندار من بين الرجال المسمين
ولاش مسوى حرمته في محله
يتروح الضيفه يدور لها وين
والنوم قسمه كل فرض يزله
ماقام تالي الليل سعف المصلين
هذاك من لنذال خله بغله
ضعيف عقله مايعرف القوانين
ون خيروني منزلن ينتزله
ودي بشوف البر في عافي الطين
ولا لي بمنزال العماره وفله
ومغلقه لبواب كنهم مساجين
ومشاهد القصه وشوف المجله
اخير لي منها هدير البعارين
وفرقت غنم وابلن اصايل وقله
عند الزكاه اعداد خمس وثلاثين
ويالله يلي كل يابس يبله
ارحم بلادك والضعوف المساكين
بالساري الودان يمسي يهله
ويصبح مهجل بعد ماسال سيلين
على القعيميات يمطر يعله
امين يارب الحجيج الملبين
وعلى الاخاشيم ادلهم ساريله
برقه ينوض وينزل الماء على الطين
ويالله يا مامر مكاييل يالله
امر لنا بالخير وحنا مطيعين
واحنا على نهج النبي مانزله
محمد حبيب الله خير النبيين
ثالثا.. الدلة والقهوة
قم سو فنجال ونظف ادلاله
ريحه لراعي الكيف يجلي اعماسه
اشعل ولونه مثل دم الغزاله
لاذاقه الراقد يحارب انعاسه
في مجلس تدله الى جاء مجاله
اللي عن اللجات يقصر حساسه
والا ترا بعض المجالس عذاله
لا معشر طيب ولا فيه اناسه
رابعا.. الصقر
يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه
صارم وجارح باللقا كنه الزير=له هدتن عند الرجال امعشوقه
مخالبه صلبه سواة المسامير=طير الحباري مايعيزه لحوقه
لو انها عن موتها ودها اطير=يجيبها الجارح ولوهي سبوقه
فعله وزينه زاد قدره عن الغير=غلاه في قلبي سكن في عروقه
حنا على شانه مشينا مداوير=والعين لاجله نومها ماتذوقه
جبنا الزريق امع الشبك دون تقصير=وجبنا له البرقع وجبنا سبوقه
ماودنا الا شوفته حزة اعصير=ويسوقه الله في شبكنا يسوقه
واحنا لنا بالصيد خبره وتفكير=نحرص عليه ولا يجي فيه عوقه
والريش نحرص مايجي فيه تكسير=خوفن عليه ايقل سعره بسوقه
وفيه انتباشر بعد كل المخاسير=بشرى السحاب اللي تلامع بروقه
عبرت ما بالقلب ياناس تعبير=يازين شوف الوكر والطير فوقه
- شعر حب نار
- قصايد قديمه علي الصباح
