حيدر يا امامي
حيدر يا امامي يا شوقي وغرامي
يا نور البصاير حبك بالضماير
حيدر يا امامي حيدر يا امامي
——————
حيدر يا علي يا اغلى محبوب يا احلى اسم عالقلب مكتوب
ليل انهار تلهج بيك لقلوب لو حبك ذنب منه فلا توب
لو حبك ذنب صار بيه انا ادخل النار
ما هاب المخاطر حبك بالضماير
حيدر يا امامي حيدر يا امامي
حيدر يا امامي يا شوقي وغرامي
يا نور البصاير حبك بالضماير
حيدر يا امامي حيدر يا امامي
——————
عندي اقليب من حبك تنور كل دقة بضميره تصيح حيدر
انشده شبيك يا دلال تسعر يقلي الشوق احسه يزيد يكبر
ينشدني وانشده عن هاي المودة
هيه ذخري باجر حبك بالضماير
حيدر يا امامي حيدر يا امامي
حيدر يا امامي يا شوقي وغرامي
يا نور البصاير حبك بالضماير
حيدر يا امامي حيدر يا امامي
——————
شمالك وحدك تسولف يقلبي ما تقدر تضم اسرار حبي
يقلي لا تظن الذنب ذنبي هوى المحبوب يفضحني امن اخبي
لاموني بغرامه ما اخشى الملامة
لو قالوا يكابر حبك بالضماير
حيدر يا امامي حيدر يا امامي
حيدر يا امامي يا شوقي وغرامي
يا نور البصاير حبك بالضماير
حيدر يا امامي حيدر يا امامي
——————
اعلى كل عالي منو الغيرك تعلى يا نور المثل نورك تجلى
شخصك يا علي العالم تجهله يالوصفك عقلنه ما يحمله
بس الله ونبيه يعرف سر وصيه
من تبلى السراير حبك بالضماير
حيدر يا امامي حيدر يا امامي
حيدر يا امامي يا شوقي وغرامي
يا نور البصاير حبك بالضماير
حيدر يا امامي حيدر يا امامي
——————
يا مالك ضميري وكل شعوري يمك يا علي اندارت اموري
اريدن تحضر بساعة نشوري انت منيتي وغاية سروري
حبك خير الاعمال واشلون اخشى الاهوال
وانت هناك حاضر حبك بالضماير
حيدر يا امامي حيدر يا امامي
حيدر يا امامي يا شوقي وغرامي
يا نور البصاير حبك بالضماير
حيدر يا امامي حيدر يا امامي
——————
الباري شق جداره لبت اسدها ووضعت بالفخر حيدر ولدها
حالة ولا بشر غيرك شهدها الكعبة بس الك هزت مهدها
وابيت العبادة صارت الولادة
ذاك الاثر ظاهر حبك بالضماير
حيدر يا امامي حيدر يا امامي
حيدر يا امامي يا شوقي وغرامي
يا نور البصاير حبك بالضماير
حيدر يا امامي حيدر يا امامي
——————
