طريقة صنع الكروشي

النهاردة ان شاء الله هوريكم ازاي تعملوا وردة حلوة اوي ممكن تتحط في اللبس او
في الشعر او ممكن تزيني بيها اي حاجة وبيكون شكلها جميل .. يارب تعجبكم ويكون
الشرح واضح

اول حاجة انا هشتغل بابرة مقاس 3 ملم وعلى فكرة كل ما كبر مقاس الابرة
كل ما كبر الشغل وهستخدم خيط صوف ونفس الحكاية كل ما كبر الخيط كل ما
كبر الشغل
الوردة مش هتاخد منك 10 دقايق

1. نعمل 5 سلاسل
2. نقفلهم بمنزلقة
3. نعمل 3 سلاسل ونعمل منزلقة في نص الدايرة ( كدا احنا عملنا بتلة )


4. نكرر الخطوة اللي فاتت لغاية لما يبقة عندنا 5 بتلات او 6 براحتك بس
انا هعملهم 5

6. دلوقتي هنعمل ( نص عمود . 2 عمود . نص عمود . منزلقة )
في نفس البتلة ( فراغ ال 3 سلاسل اللي عملناهم في البداية )
7. كدا خلصنا اول بتلة هنعيد الخطوات دي في كل بتلة ( منزلقة . نص
عمود . 2 عمود . نص عمود . منزلقة ) بعد ما تخلصي الخطوات دي
تروحي للبتلة اللي بعدها لغاية لما تخلصي

8. في الخطوة دي ممكن تحسي انك هتتلخبطي في البداية بس هي سهلة اوي هنقلب
الوردة

9. هندخل الابرة في خيطين من ورا البتلة ونعمل منزلقة

10. دلوقتي مش الابرة من ورا البتلة هندخلها في نصها ( بين غرزتين العمود )
…. كدا هتطلع لبرا الوردة عايزين نطلعها ورا تاني نروح مدخلين في الفراغ اللي ما
بين البتلة وما بين الدايرة الاساسية ( ال 5 سلاسل اللي عملناهم في البداية )
ونعمل منزلقة ( في الصورة مكان الابرة قبل ما نعمل منزلقة )

11. كدا مسكنا الوردة من ورا هنعمل 3 سلاسل ونروح للبتلة اللي بعدها ونعمل نفس
الخطوة اللي فاتت لغاية ما يبقالنا 3 سلاسل ونكمل الدايرة

12. نعمل منزلقة في الغرزة اللي قبل اول 3 سلاسل عملناهم من ورا الوردة (
انت هتشوفيها كانها سلسلة ) الصورة قبل ما دخل الابرة في الغرزة

13. دلوقتي هنعمل الخطوات دي في كل فراغ ال 3 سلاسل ( منزلقة . نص
عمود . 4 عمود . نص عمود . منزلقة ) لغاية ما نخلص ( هيبقى
شكل الوردة كدا )

14. هنعمل نفس الخطوات من 8 – 12 بس الفرق اننا هنعمل 4 سلاسل مش
3 وهندخل بين غرز العمود ال 4

15. دلوقتي هنعمل الخطوات دي في كل فراغ ال 4 سلاسل ( منزلقة . نص
عمود . 4 عمود . 2 عمود طويل . 4 عمود . نص عمود .
منزلقة ) لغاية ما نخلص الورده

16. كدا انت خلصت الوردة عشان نقفلها هنعمل سلسلة ونقص الخيط ونشد الابرة وبعدين هنخفي
الخيوط الزايدة بابرة عادية بين الغرز من ورا وبعدين نقص الخيط

ودا الشكل النهائي

طريقة عمل وردة بالكروشيه خطوة بخطوة ..