قصة غلطة حب - صباح كيوت

غرفة مفتوحة على مصرعيها هناك اناس فى كل مكان ولكنهم ليسوا اناس عادين فانهم يرتدون
البدلة الرسمية الخاصة بالشرطة وهناك ايضا اناس بيدهم كاميرات تصوير المنظر والمكان غريب رغم انه
هو المكان الذى مكثت فيه لمدة ستة سنوات ولكنى اراه غريب حقا كاننى لم اراه
من قبل ووقفت على باب الشقة انظر فى كل انحاءها ربما ارى شىء اعرفه احسست
انى لم اعرف اى شىء ربما تمنيت ان يكون هذا المكان لم اراه من قبل
وجدت رجلى تحملنى الى تلك الغرفة وليتى رفضت ذلك ولكنى مشيت بخطوات متثاقلة خطوات بطيئة
وثابته ووصلت اليها وقفت على باب الغرفة
هناك اثار دماء فى كل مكان رجل وامراة عراة ويمتلا اجسادهم بالرصاص اعرف تلك المراة
جيدا وهذا الرجل ايضا ووقفت وتسمرت فى مكانى كنت انظر اليهم فقط والدماء يمتلا اجسادهم
وايضا تلك الغطاء الابيض الذى كان يستر اجسادهم بعض الشىء كان ايضا ملىء بالدماء لقد
تعكر صفو هذا اللون
ربما كان بجانبى اصوات مزعجة وكثيرة للغاية ولكنى لم انتبه اليها قط كان اعضاءى جميعها
اتفقت على ان لا تعمل فى هذا الوقت ولكن يبدو ان عينى رفضت ان تفعل
ذلك وكانت هى فقط من تقوم بدورها ولكن بعد فترة سمعت صوت تلك المراة التى
كانت منزوية فى احد اركان الغرفة يبدو انها جننت وكان هناك شرطيين يمسكوها من يديها
ويجبروها على المشى ولكنها جاءت ووقفت امامى نظرت اليها ووجدت الشر فى عينيها
ووجدتها تقول لى(كان نفسى اقتلك انتى كمان اكيد هتكونى زيها خاينة وحقيرة كنت عايزة امحى
وسختكوا من الدنيا دى )

فى الواقع

فى الطائرة من امريكا الى مصر

المضيفة(وهى تحاول ايقاظ بطلتنا):يا انسة يا انسة
اثير:ها فى ايه
المضيفة:يبدو ان حضرتك كنتى بتحلمى بكابوس فقلت اجى افيق حضرتك

مسحت وجها بيديها ونظرت الى المضيفة بتفحص والى انحاء الطائرة حتى تذكرت ما يجرى حوالها):ممكن
تقوليلى مكان الحمام فين
المضيفة:اكيد طبعا يا فندم اتفضلى معايا حضرتك
ااما فى مكان اخر

هناك شخص يبدو انه يبلغ من العمر ما يقارب السابع والعشرون من عمره وجهه ملىء
بالحزن كان هموم الدنيا اتجمعت عنده فقط وتركت بقية الناس يبدو انه شخص جاد وصارم
ايضا عيناه العسلية حادة ولكنها تحسسك عندما تنظر اليها بالقوة والامان تتمنى لو رايتها ان
لا تلفت نظرك ابدا عنها اما شعره فذو اللون البنى الناعم ويمتاز ايضا بانه طويل
القامة وذو عضلات فحقا انه جذاب وساحر كان فى هذا الوقت يجلس على كرسيه امام
مكتبه ولكنه كان ظهره لمكتبه ووجهه فى اتجاه نافذته يدخن سيجارة يبدو انه شارد فى
امر ما ويبدو عليه الحزن البالغ يدخل من الباب فى هذا الوقت رجل ربما يبلغ
العقد الخامس من العمر او اكثر بقليل راه فى هذا الوضع نظر له نظرة حزن
على حاله مشى بعض الخطوات وذهب اليه ووضع يده على كتفه

يحيى (افاق على وضع يد ابيه على كتفه):بابا

سعيد:ايه هتفضل قاعد كده كتير
يحيى:ليه هى الساعه كام
نظر سعيد فى ساعته التى بيده وقال:الساعه 8
يحيى:ياااه محستش بالوقت خالص
سعيد:انا بقول تقوم بقى تروح للحلاق تحلق ذقنك دى وتلبس بدلة كده كويسة وتيجى على
البيت ميعاد وصول الماذون على الساعه 10

تركه ابيه بعد ما قاله وذهب اما يحيى فقد تنفس نفس عميق وقام من على
كرسيه وتناول مفاتيح عربيته وموبايله من على المكتب وذهب ليفعل ما قاله ابيه
فى فيلة ضخمة للغاية كل شىء منظم فيها وهناك فى داخل غرفة من غرف تلك
الفيلة فتاة جميلة تبلغ من عمرها ربما الخمس والعشرين سنة وكانت تجلس على سريرها وهناك
امراة تبلغ من العمر ربما العقد الرابع وتقف امام خزانة الملابس يبدو انها تختار لبس
ما
ام كلثوم
(
بيدها فستان
):
ها يا ست اميرة ايه رايك فى ده

ولكن اميرة ليست هنا فيبدو انها شاردة وليست مدركة بما يحدث حوالها

ام كلثوم:اميرة اميرة يا بنتى
اميرة(واخيرا فاقت):ها فى حاجة يا دادة
ام كلثوم:بكلمك وانتى شكلك مش هنا خالص
اميرة:معلشى يا دادة كنت سرحانة شوية
ام كلثوم:يلا ولا يهمك
اميرة:طب كنتى عايزانى فى ايه
ام كلثوم:كنت هقولك ايه رايك فى الفستان ده
اميرة:حلو بس ليه
ام كلثوم:علشان تلبسيه يلا قومى البسيه
اميرة:بس ده الوان وانا عمرى ما هلبس الوان ابدا
ام كلثوم:يا بنتى الحزن فى القلب مش فى اللبس وكمان النهاردة كتب كتابك
رفعت اميرة وجهها ونظرت اليها نظرة لوم كانها تلومها على ما قالت فهى لا تريد
ان يذكرها احد بذلك
فهمت ام كلثوم تلك النظرة ووضعت الفستان فى مكانه وذهبت وجلست بجانبها ومسحت على شعرها
ثم ظهرها
اميرة(انفجرت فى البكاء وارتمت فى حضنها وقالت من وسط دموعها):والله يا دادة حرام الى عايزين
يعملوه فيه ده ليه يجوزونى حد تانى بعد اياد الله يرحمه
ام كلثوم:الله يرحمه يا بنتى وكمان الحد الى هتتجوزى دى يبقى اخو جوزك مش حد
غريب يعنى
اميرة:متفرقش انا مش عايزة اجوز بعده لا غريب ولا قريب
ام كلثوم:كلها ايام وهتنسى سى اياد الله يرحمه وهتعيشى فى سعادة مع سى يحيى والله
دا طيب اووى وحنين
اميرة:دادة افهمينى دا انتى الى ربتينى من وانا صغيرة ازاى مش فاهمانى
ام كلثوم (اخرجتها من حضنها و واقفت):فهماك دا انتى قولتى انا الى ربيتك ازاى ما
افهمكيش عارفة انك عيشتى احلى قصة حب مع سى اياد الله يرحمه وصعب تعيشى مع
راجل تانى غيره بس صدقينى يا بنتى كده احسن ليكى هتلاقى مين يكون جانبك بعد
كده انا مش هدوم ليكى مش هتلاقى حد يواسيكى وحدتك
اميرة:ذكرياتى مع اياد هتواسينى وكمان انا معايا احلى حاجة من اياد هنا بنتنا تكفى انها
تكون جانبى
ام كلثوم:الذكريات هيجلها يوم وتخلص وتلاقيكى بتعيدى وتزيدى فى حاجات عارفها وهتلاقى حياتك مملة عمر
ما انسان قدر يعيش ابدا على الذكريات يا بنتى وبنتك هى كمان هتكون محتاجة لاب
يكون جانبها
اميرة:بس انا كده هخلف وعدى معاه انا وعدته انه هيكون اخر راجل فى حياتى ازاى
ازعله وهو بعيد عنى دا انا عمرى ما زعلته وهو معايا ازاى بس يا دادة

ام كلثوم:هو عمره ما هيزعل منك صدقينى يا بنتى دا هيفرحلك اوى كمان يلا الله
يرضى عنك قومى البسى معتش حاجة على وصول الماذون
اميرة:يعنى خلاص يا دادة مافيش فايدة
ام كلثوم:لا يا بنتى مافيش يلا بقى اسمعى كلامى متتعبيش قلبى معاكى
اميرة(باستسلام):حاضر بس بشرط
ام كلثوم:ها
اميرة:مش هلبس الفستان ده هلبس واحد اسود
ام كلثوم:ماشى بس يلا
اميرة:حاضر
فى داخل الحمام الذى بداخل الطائرة تقف اثير وتنظر الى المراة التى بداخله وتبكى بغزارة
مكثت اكثر من ربع ساعه على هذا الحال ولكنها مسحت دموعها ووضعت بعض قطرات الماء
على وجهها
ثم خرجت وجلست على كرسيها تلك الكرسى الذى كان بجانب نافذة الطائرة رغم انها لم
تحب الجلوس على هذا الكرسى ابدا ولكنها ارادت ذلك لتنظر الى الطبيعه وتشرد فيها وتنسى
احزانها وهذا بالفعل ما فعلته