كلمات اغنية حمزة نمرة تذكرتي رايح جاي
*********************************
طعم البعاد صبار .. والغربه ليل بهتان
يا قلبى يا موجوع .. اياك تكون قلقان
لو طالت المسافات .. انا والامل اخوات
وتالتنا كان الليل .. دة انا ليا فيها النيل
وليها فيا الروح .. ما اخترتش انى اروح
ما انا جوعى كان كفران .. ملعون ابوك يا طموح
اخرك تشوفلى كفيل .. لكنى مش قلقان
تذكرتى رايح جاى .. انا مش فى بلدى عويل
لكنى مش بتشاف .. زهرة سنينى عجاف
مع انى ليا عزيز .. افتونى فى رؤياى
لموا الامانى ازاى .. حطوها على الباسبور
احلامى صبحت بور .. ممنوع عليها الضى
لكنى مش قلقان .. تذكرتى رايح جاى
البعد عنك خوف .. وانا عالرجوع ملهوف
لكن هعود ازاى .. ومكانى كله ضيوف
يا قلبى يا موجوع .. يا اهه حاضنة دموع
حب البلد بيعيش .. لما يموت الجوع
يا حضن بيساعنى .. واحتجت له وباعنى
ساعة ما مد ايديه .. شاور وودعنى
لكنى مش قلقان .. تذكرتى رايح جاى
