بالصور طرق طهي الجمبري ب10 اشكال وطرق مختلفه
10 طرق لطهي الجمبري بالصور
بسم الله نبدا…..
(1)..الجمبري بالزيت والليمون:
-جمبري حجم كبير مقشر ومنظف
-للتبيل (ثوم+ملح+شطه+كمون+ليمون)
-ملعقتين زيت
……
-قومي بحشو شق الجمبري بالتتبيله ورصيه فالصينيه وضيفي له الزيت ثم اتركيه ساعه
-ارفعيه علي نار هادئه حتي يجف ماؤه ويبدا في التحمير الخفيف…
(2)كفته الجمبري:
-جمبري حجم صغير
-دقيق ارز حسب كميه الجمبري
-بصله متوسطه+4فصوص ثوم
-بقدونس وشبت
-ملح وفلفل وكمون
………
-في الخلاط قطعي البصل وضيفي له الثوم والبقدونس والشبت(مقطع علشان ميلفش جوه الخلاط) والبهارات
-بمدق اللحم او في الهون..دقي الجمبري دقات خفيفه (مش لدرجه انه يتهرس ..وده علشان يتماسك
مع خليط
الدقيق)
-في وعاء عميق اخلطي الدقيق بالجمبير بالخليط السابق حتي تتكون لديكي عجينه لينه نوعا ما
غير يابسه
– امسحي يدك بالزيت وشكلي العجينه علي شكل اصابع او دوائر
-وهنا خياران اما تقلي فالزيت علي نار هادئه (ونتيجتها بالصوره)..او تسلق في ماء مغلي وملح
ثم تنشل وتحمر
فالزيت..وانا افضل الطريقه الاولي
(3)كفته الجمبري بالصلصه
-يؤخذ مقدار من الكفته المقليه
-عصير طماطم
-3فصوص ثوم
-ملح وبهارات
……….
-في حله عميقه اهرسي الثوم وحمريه في الزيت
-ضيفي عصير الطماطم والبهارات واتركيه ليغلي
– ضيفي الكفته واتركيها لحد ما تتسبك شويه وتقدم بهذا الشكل
-او ممكن تقومي بعمل نفس المراحل في الصينيه وبعد التسبيك تدخل الفرن
….انا اسفه الطريقه دي صورتها مش موجوده
(4)الجمبري المشوي 1:
-المقادير موضحه بالصوره وطريقه العمل ايضا
(5)الجمبري المشوي2:
-جمبري متوسط الحجم
-مياه للتمليح عباره عن (ملح +ليمون+شطه+2ك مياه)
……….
-علي صاج ساخن يشوي الجمبري علي نار متوسطه
-بعد النضج يتم مباشره اضافه الجمبري لمياه التمليح
-يترك حتي يمتص الملح ثم ينشل
(6)الجمبري المسلوق:
-جمبري حجم كبير
-طماطم حلقات
-فلفل رومي حلقات
-بصل حلقات
-فلفل وكمون وملح
………
تخلط المكونات وتوضع في اناء مغطي علي النار حتي النضج
(7) شوربه الجمبري:
-جمبري حجم وسط اوكبير (منظف بالطبع ولكن استخدمي نصف الكميه مقشره والنصف الاخر بالقشره
-2كابوريا منظفه ومقطعه
-نص كوب لبن
-مستكه
-ملح وفلفل
………
-في اناء الطهي ضعي ملعقه زيت +المستكه
-ضيفي لهم الجمبري والكابوريا والملح والفلفل+2ك ماء
-اتركيه حتي يغلي ويدخل في النضج ثم ضيفي اللبن وارفعيه من علي النار.
(8) الجمبري الصياديه بالارز:
-جمبري وسط او صغير
-بصله متوسطه
-ارز مصري مغسول
-شبت او بقدونس
-حبه فلفل رومي احمر مقطعه صغيرا
-ملح فلفل كمون
……….
-حمري البصله فالزيت حتي تصل للون البني
-ضيفي الجمبري والملح والبهارات والفلفل الاحمر وقلبي
-ضيفي الارز المغسول +الماء
-بعد النضج وقبل التقديم قومي بفرم البقدونس او الكسبره واخلطيه مع الارز جيدا
…علي فكره هو مش غامق كده..دامن الاضاءه
(9) طاجن الجمبري في الفرن:
-جمبري حجم صغير
-بصله مفرومه
-عصير طماطم
-بقدونس مفروم
-ملح وفلفل وكمون
……….
-حمري البصله حتي يصبح لونها ذهبي
-اضيفي عصير الطماطم حتي يغلي
-ضيفي الجمبري والبهارات والبقدونس مع التقليب
-اتركيه علي نار هادئه ..ثم ادخليه الفرن
(10) الملوخيه بالجمبري:
-عصير طماطم
-ملوخيه خضراء مخروطه طبعا
-جمبري حجم صغير
-ثوم مفروم +كسبره ناشفه
-2م زيت
……
-في الحله ضعي الزيت + الجمبري+عصير الطماطم واتركيه يغلي حتي يصل للقوام المطلوب
-ضيفي الملوخيه مع التقليب لمده دقائق ثم ارفعيه من علي النار
-في الزيت حمري الكسبره +الثوم ثم ضيفيها للملوخيه مع تغطيه الاناء جيدا
