وجع الولادة

لكل بكريه : وصف الام الولاده بعد تجربتها ( درس للبكريات )

الموضوع هذا نزلته لعيون البكريات

اول شي اطلب من كل بكريه عدم حمل الهموم والتفكير المتواصل فيالولاده ومتاعبها

تذكروا يالغاليات ان امهاتنا تحملوا هالالام وكل ام مرت فيها
صحيح الالم شديد جدا لكن لما تشوفي طفلك بتنسين كل هالتعب والمعاناه

حاسه في كل بكريه ومدى تخوفها من الولاده لاني مريت بنفس الحاله وشلت هم وفكرت
وسالت الين ماتازمت نفسيتي وصرت ابكي حتى قبلالولاده

المهم النفسيه تلعب دور حاولي قدر الامكان بث الارتياح لنفسك ولاتنسي ان جنينك يتاثر داخلك

الولاده يالغاليات لها علامات تظهر منها
افرازات مخاطيه لون بني او عودي ( اكرمكم الله زي الافرازات الاولى للدوره )
الم خفيف اسفل البطن مثل الم الدوره في البدايه
الالم يروح ويجي على فترات متباعده وبعدين تلاحظين مع الوقت الفترات تكون قصيره
يعني كل 10 دقايق يجي الم ويروح
وكل مالها تقصر المده اذا حسيتي الالم اصبح يروح ويجي خلال فترات قصيره اعرف ان
الطلق بدا يحمى
وقتها تناولي الرطب نصيحه من القلب يابنات الرطب والقرفه فهي تسهلالولاده وتسرعها
طبعا وقتها تكوني بالمستشفى واقري سورة مريم واكثري استغفار ربي بيسر لك

وبتفحصك الدكتوره كل شوي من تحت اكرمكم الله عشان تقدر الرحم كم سم انفتح
بعض الدكاتره يدهم خفيفه ماتحسي الا الم خفيف
وبعضهم يده عفشه ودك تصرخين من الالم

المهم الالم سيصبح مستمر وقوي اكثر معليش تحملي
المشي بيكون صعب عليك والحركه كمان لان الطفل يندفع للاسفل ويسبب ضغط عالمنطقه
اذا رجعت الدكتوره وفحصتك ولقت ان الرحم انفتح 4 سم
بتطلب من الممرضه تنقلك لغرفة الولاده
طبعا بيسوون لك تخطيط عشان يعرفوا قوة الطلق
في قسم الولاده بيتركونك تتالمي شوي عشان يزيد انفتاح الرحم وبتفحصك اخر مره اذا لقت
الرحم فتح 8 او 9سم معناته الطفل اقترب من الخروج
الالم بيكون متواصل لكن خلاله بتحسين يجيك الم قوي ويضغطك من تحت هذي الطلقه
طبعا بتكونين مستلقيه على ظهرك وبتطلب من القابله اللي تولده وقت ماتجي الطلقه تدفعي
بتقولي ادفعي او شدي
وقتها انتي ادفعي ( وكانك تتبرزي اكرمكم الله ) ادفعي لاني الطفل وقتها يدفع نفسه
سبحان الله
وعلى هالحال اذا جات الطلقه ادفعي
خلال 3 او 4 طلقات يكون خرج الطفل اللي الدنيا وبتسمعي صوته يبكي
والقابله بتحطه على صدرك وبتبارك لك