مرة واحد ماشى مع خطيبته واخر انسجام
فقالها : عارفة ايه هو الحب وايه الجواز؟
قالته : لا
قالها: الحب زى النجوم الجميلة اللي في السماء.
قالتله : طب والجواز؟
قالها: دى البلاعة اللي واحنا بنبص على النجوم بنقع فيها
واحد متجوز وقاعد في البيت وبيبص كتير في عقد الزواج
مراته قالت له: بتبص في عقد الزواج ليه يا حبيبي؟
قالها: بابحث عن تاريخ انتهاء العقد.
واحد نشر في اعلانات مبوبة : مطلوب زوجة!!! تاني يوم جاله 100 جواب فيهم نفس
الرد: تاخد بتاعتي؟؟
واحد قاعد في امان الله بيقرا الجرنان، وفجاة جت مراته وضربته بغطا الحلة فوق دماغه..
الزوج : فيه ايه يا بنت الحلال؟
ليه كدا؟؟؟
الزوجة: ايه الورقة اللي في جيب بدلتك ومكتوب عليها سوسو؟
الزوج: يا بنت الحلال، ده اسم الحصان اللى بنشجعه في السباق
الزوجه صدقته وراحت لحالها… بعد اسبوع، الزوج قاعد في امان الله يقرا الجرنان، وفجاة جت
مراته وضربته بغطا الحلة على راسه!! الزوج: خير يا بنت الحلال في ايه تاني؟؟ الزوجة:
“حصانك على التليفون”
نساء العالم اتحدن وقررن ان لا يقوموا باي اعمال في المنزل
وبعد اسبوع تجمعوا ليعرفوا النتائج الاضراب..
فقالت الزوجة الفرنسية : انا قلت لجوزي ميشيل انا مش هعمل حاجة في البيت الاسبوع
ده كله
وقالت : اول يوم ما شوفتش حاجة
تاني يوم ما شوفتش حاجة
تالت يوم بدا يغسل ويمسح
وقالي “انتي بتتعبي اوي يا حبيبتى”.
وقالت الزوجة الانجليزية : انا قلت لجوزي انا مش هعمل حاجة خالص في البيت الاسبوع
ده.. اول يوم مشوفتش حاجة
تاني يوم بدا يعمل الاكل
تالت يوم عشانى وغدانى برة.
جت المصرية وقالت : انا قلت لابو العيال انا مش هعمل حاجة في البيت الاسبوع
دة
وقالت اول يوم ما شوفتش حاجة
تانى يوم ما شوفتش حاجة
تالت يوم بدات اشوف شوية بعيني الشمال.
مرة واحدة قالت لجوزها : اهدي يا حبيبى كده وارجع زي زمان الراجل طلقها ورجع
لايام العزوبية
واحد بيقول لمراته… انا النهاردة عايز رومانسية في البيت…
راحت الزوجة سالت امها: يعنى ايه رومانسية؟؟ الام: مش عارفة بس احتياطي انقعي الرز
واحده وحشة بتقول لجوزها بكره عيد ميلادي. قالها نقف دقيقتين حداد
مرة دكتور دخل عنبر في سراية المجانين لقى واحد بيخبط دماغه في الحيطة سال الممرضة
ماله ده؟ قالت اصله كان بيحب واحدة ومتجوزهاش دخل العنبر اللي بعده لقى واحد بيضرب
نفسه بالشبشب قالها وده ماله قالت ما هو دا اللى اتجوزها
- نكثة مرأه رومنسيه
