شرق الرياض حى النهضه عندى العثيم مول طريق خريص اسعاره افضل كتير من بنده
وفيه رامز فى اول حى النسيم ده ملابس ومنظفات جميل جدا اسعاره حلوة اوى وفيه
مستلزمات المنزل عموما
وفيه سوق حجاب فى حى النسيم اسعارها رخيصه فيه ملابس عطور عبايات سمرا تقريبا كل
شى
وفيه هناك حراج صغير للاجهزه الكهربائيه والمجالس وانتريهات
طبعا البطحا والمنفوحه واسواق الديره بس بكره الزحمه اللى هناك كل شىء هناك ورخيص وتحسى
انك فى مصر
والملابس الهرم مول حلو برده بس معرفش تحديدا مكانه ايه
اذا افتكرت حاجه تانى هقول
اه والتلاجه العالميه او المتحده هيه تشبه التموينات بس ليها افرع كتير انا بروح فرع
فى الروضه اسعارها حلوه
المحلات اللى كويسة فعلا وحاجتها نضيفة ورخيصه
فى محل لبيع ادوات منزلية اسمه الغيث موجود فى حى المروج قصاد العثيم
جمييييل فعلا وفيه حاجات المطبخ كلها وادوات ومواد التنظيف وكللللللل الحاجات دى
وطبعاااا ارخص من برة بس هوا فى حاجات نضيفة ومتوسطة مش اى كلام
وبجيب الخضار من واحد فى شارع الخزان حلوووو اوى برضه وخضرته زى بتاع مصر وليها
طعم ما شاء الله
هوا جنب العثيم اللى فى الخزان بالظبط وجنبه مخبز وجزار حلو برضه بنجيب كيلو اللحمة
على 40 ريال
وجزاها الله خيرا صاحبة الموضوع وكل من افادنا فيه
