حبيت اقدم وصفة للناس الي يعانون من حساسية الانف او الربو او انسداد الانف المستمر
خاصة اللي يجي خلال فصل الشتاء او لما يكون الجو فيه غبار .. وبالتالي ياثر
ع الناس ويسبب لهم حساسية ….
وانا من الناس اللي صابتهم هالاعراض وكانت مدة الحساسية بالانف تقعد معااااي حوالي 6 –
7 شهور ..
انسدااااد بالانف … وحكة ف الحلق … غير التهاب اللوزتين .. وضيق تنفس
ووصفولي الاطباء هالانواع من الادوية وما فادت معااااااااي … بس بذكرها لكم :
دوا الاكتفيد .. حبوب الكلارتين المضادة للهيستامين … بخااااخ الانف … بخاخ خاص بالربو …
وكلها طبعا مصحوبة بالمضادااااات الحيوية ..
مضاد حيوي سايز 100 و300 و500 اللي هو اقوى نوع ….
كل هالاشيااااااء جربتها على مداااار ثلاث سنوات متتابعة وما كانت تعطي نتيجة …
وعااااد انتو تخيلوا 6 او 7 شهور الفاين دوم ف ايدكم او تحسووون بضيق نفس
وصدااااع وحالتكم حاله ..غير سقوط الشعر نتيجة المضادات الحيوية … وشحووووب الوجه .. يعني نظارة
البشرة اختفت …
واخر شي جربته من العلاج كان ابر الكورتيزون … خطير بس خذيته عشاااان ارتااااح …
وفعلا راحت الحساسية فترة ورجعت … بس ما انصحكم فيه (( الكورتيزون )) ممكن يسبب
فشل كلوي على راي الطبيب اللي عالجني …
المهم تعبت من شي اسمه علاج ومضادات وابر وغيره ……..
فلقيت هالوصفة بالصدفة … وهي :
14 ملعقة طعام عسل طبيعي اصلي
+
7 فصوص ثوم
طريقة التحضير كالتالي :
تجيبون برطمان زجاااااجي نظيف ومعقم داخل الفرن .. وبعدها تحطون العسل ف البرطمااان
تقشرون فصوص الثوم وتقطعونه شرااااايح بالسكين مش بالفرامة ال7 فصوص …
تغلقون البرطمان بشكل جيد وينحط ف مكان بارد وجاف .. حتى لو ف المطبخ
عاااااااااادي
يستخدم بعد مرور اسبوع
طريقة الاستعماااااال :
– ملعقة طعااام صباااحا قبل الفطور او الريوق بنصف ساااعة كاملة .. ولازم ينمضغ باللسان
وياخذ فترة ما تقل عن دقيقة ف الفم ..
– ملعقة طعااام مسااااءا قبل النوم مباشرة بنصف سااااعة
يعني المجموع ملعقتين في اليوم الواحد …. وهالوصفة لاسبوع وممكن زيادة الكمية …
ادري ريحة الثوم تضايق بس انا مجربتها وراحت الحساسية اللي عندي بالشهور … وصار لي
سنتين ما استخدم اي علاج او اي مضاااد حيوي و (( بالنسبة لي خذ الموضوع
اسبوع ونص تقريبا )) وانا اتناول الوصفة …
وراح اذكر لكم بعض الاعراض اللي صاحبت هالوصفة معاااي بعد ما جربتها :
– حدوث اسهااال …. ولا تستغربون …….. لاني قريت ف بعض المصادر ان العسل الطبيعي
يعمل على تذويب البلغم و تنظيف المعدة من الجراثيم الناتجة عن البلغم وغيرها من امراض
المعدة .
– مفعول الثوم يعمل كالمضاااد الحيوي ويقوي منااااعة الجسم .. ويرجع للجسم صحته ..
ملاحظة :
— بالنسبة للعسل حبيبااااتي لازم يكون اصلي مو مغشوش … ويفضل تاخذون العسل اليمني …
غااااااااالي بس اصلي … وعلشااان تعرفون الاصلي من المغشوش (( العسل الاصلي ثقيل ورايق وما
يتجمد اذا انحط بالثلاجة … وطعمه لاذع ويلسع اللسان وتشمون ريحة الخلية او الشمع ))
والعكس صحيح … العسل المغشوش بيجمد وريحته عاديه .. وطعمه يجي بدون لسع ف اللسااان
… فانتبهوا لها النقطة )) …
— و حبيت اوضح شغله ان الربو عندي كان مصاااحب لحسااااسية الانف …. واختفى مع
اختفاااااء الحساسية ..
- صفة حساسية الآنف
