انهرده جيبالكم موضوع قنبلة لحل مشكلة الشعر الشايب
هنصبغه بحاجه طبيعية الرسول عليه الصلاة والسلام قالها واحنا غافلين عنها
عن ابي ذر رضي الله عنه ان رسول الله صلى الله عليه وسلم قال: ”
ان احسن ما غيرتم به الشيب الحناء والكتم ” [رواه الترمذي وقال حديث صحيح، ورواه
ايضا اصحاب السنن وقال الارناؤوط: حديث حسن].
طبعا معظمنا مشكلته مع الحنا انها مبتديش اللون اللى احنا عاوزينه بسهولة
وكمان بتخلى الشعر الابيض برتقالى فمبيبقاش شكلنا حلو
طيب ايه هى عشبة الكتم دى
عشبة الكتم ياحلوين بقا بتسود الشعر الابيض بتخليه اسود فاحم مع التكرار
وباستخدمها تقدرى تستغنى عن الصبغات لو بتحبى الشعر اسود
بس بشرط تحنى شعرك قبلها بيوم وتحطى الكتم فى اليوم التانى من غير ما تكونى
حاطه اى زيوت على شعرك
وتغسلى الكتم بمية بس من غير شامبو
وبعد ما تعملى الكتم بيوم تعملى حمام زيت لانه بينشف الشعر زى الحنه
وتقدرى تعملى كل اسبوع مره عشان توصلى لدرجة السواد ال انتى عاوزاه
وطبعا لو لقيتى اى تساقط زياده او تغيير فشعرك للاسوء يفضل انك توقفى استخدامه
انا عن نفسى بحب كل حاجه طبيعية وبدور وابحث عن اى علاج بالطرق الطبيعية والاعشاب
وربنا وقعنى في العشبة الهايله دى
الموضوع ان امى بتحنى علطول زى ما قلتلكم قبل كده من وانا صغيره كانت بترضعنى
حنه
المهم فيوم لقيتها بتحنى وشعرها الابيض زايد اوى من الجناب فبقولها ماما اصبغى
قالتلى لاه مفيش احسن من الحنة يابنتى قولتلها ياماما شعرك برتقالى كتير اوووى قالت حلو
ملكيش دعوه
مسكت وقتها لاب توبى وقعدت ادور عن طرق لصبغ الشعر اسود بشكل طبيعى وامن عشان
ماما
واتصدمت لما وقع حديث الرسول عليه الصلاة والسلام في ايدى
قلت يانهار فحلوقى بنجرى ورا الصبغات وهاملين كلام حبيبنا ومعلمنا خير خلق البرية اجمعين
مكدبتش خبر نزلت واشتريت عشبة الكتم طبعا بعد ما دورت عن افضل الانواع
وتوصلت ان النوع الايرانى من الكتم هو احسنها وشفت كذا تجربة من بنات خليجيين على
النت
وبما انى حياتى كلها فالخليج بقيت اسال اكبر العطارين وكلهم قالو ان الكتم الايرانى من
افضل الانواع فعلا
اشتريته وتوكلت على الله بس بقا اللى اختلفت عليه طريقة عجنه اللى يقولى اعجنيه بالزبادى
واللى يقولى بالمية وخل وليمون وانا من خلال خبرتى المتواضعه فالاعشاب
اكتر الاعشاب اللى بتسود الشعر الميرامية والقرنفل
والخل والليمون بيفتحو لون الشعر دا غير انهم بيزودو جفاف الشعر لو كان جاف
هشرحلكم الطريقة بقا بالصور
بس الكمية ال انا عملاها صغيرة وكانت للتجربة والحمد لله نجحت
ممكن تقيسو على كلامى المقدار لو هتزودو لكل شعركم
دى ميرامية حطيت مقدار كبايتين ميه وعليهم كبشة ميرامية
خليتها تغلى لحد ما اتفرمت حوالى ربع ساعه كده وطلعت كباية
دى صورة عشبة الكتم هو عامل زى الحنة نفس اللون بس الريحة شوية تختلف
انا حطيت مقدار صغير زى مقولت للتجربة ولما لقيتها نجحت كملت شعر ماما
بالنسبة للكمية على قد طول شعرك ويميها بمعرفتك
عجنت الميرامية بالكتم متبقاش لا سايله ولا ماسكه متوسطة السمك يعنى
هنا بعد العجن
الصورة دى بقا بعد ما عجنتها بنص ساعه
الكتم الاصلى بيتحول لونه بعد العجن بساعه لبنفسجى هتشوفوه فالصور الجاية
هنا بعد نص ساعه اهو في ضى بنفسجى
وهنا بعد ما اتخمرت بساعه
زووووووووووم ان
اللون اعتقد واضح اووووى
- ماهو الكتم
- الكتم
- ماهوالكتم
- ماهو الكتم
- اسماء نبات الكتم
- شكل الكتم الاصلي
- عشبة الكتم لسواد الشعر
- كيف يستعلن حنا الكتم
