لوازم الحج

اولا: مستلزمات الاطفال فى الحج:
1)حبل رباط علشان تربطيهم وانت بتصلى لانهم بيجروا منك
2) بامبرز حتى للطفل الكبير خديه احتياطى
3) مناديل مبلله ( غير معطره)
4) بسكويت ميلوبا (من الصيدليه ) من عمر اربع اشهر فيما فوق او بسكويت فارليز
..فيه منه بطعم الموز والبرتقال النوعين دول بيدوبوا في حليب او الميه وتقدري تاكليهم لطفلك
بسهوله
5) سيريلاك
6) علب عصاير
7) اكل جاهز المخصص للاطفال هاينز او بيبي من الصيدلية
8) وطبعا ببرونتين او ثلاثه
9) اطباق صغيره بلاستيك لتجهيز السيريلاك وبلاش تجربي اي اكل جديد لطفلك وقت الحج اكليه
الاكل اللي هو متعود عليه

10) مفرش بلاستيك تفرشيه تحتيه اثناء تغير الحفاض (في حالة لو انتي في مكان بعيد
عن الحمام طبعا غيارات وملابس لطفلك حسب احتياجه
12) البفتات
13) كوفرته صغيرة
14) فوطة صغيره
15) مناديل كلينكس
16) دواء خافض للحرارة ومضاد حيوى
17)البخاخ اللى بيبخ مياه
18)هاتى ورقه اكتبى اسم الاولاد عليها وغلفيها وعلقيهالهم فى سلسله وفيها رقم تليفونك انتى وباباه

هاتى الاير باج لان ليله عرفه بتباتى فى خيم وبيبقوا فرشين فرش خفيف على الارض
وبيبقى مندى مياه فبيتعب الاولاد ودى بتتباع عند ساكو او هايبر بنده منها بيناموا عليها
ومنها بيتغطوا بيه
19)وخديلهم كرواسون للاكل اللى هو سفن دايز
20)وانتى بتصلى لو الطفل صغير شيليه وصلى بيه وانتى بتطوفى خلى الطفل على مستوى عالى
علشان يعرف يتنفس ومش يتعدى من حد
21) لعبتين او ثلاثه صغيرين ويكونوا جداد عليه وكل يوم طلعيله لعبه هينشغل بيها شويه
عنك بس تطلعيهم واحده واحده مش كلهم مره واحده او قصص ولو هو كبير شويه
خديله دفتر تلوين والوان
22) لبن علب صغيرة طويلة الاجل اللى بشليموه تفضيها فى البزازه واللى يفيض يترمى لان
هناك الرطوبه عاليه ومفيش تلاجات
23)وبطانيه عشان المكيف بيكون عالى عليهم
24) كمامات علشان لا قدر الله لو تعبتى انتى او جوزك وانتوا مضطرين تشيلوا العيال
تلبسوها علشان مش يتعدوا منك
25)الكمادات الجاهزه اللى بتتباع فى الصيدليات وبنادول
26) هدوم شتوى هناك الدنيا بتبقى ساقعة وبالليل الخيمة بتبقى ساقعة والناس بتشغل التكيفات كمان

27) مفيش بقى جينزات

عشان العيال بتتعب وبتتسلخ من الهدوم دى حتى لو جينز لازم يكون متبطن بقطن يعنى
حاولى تختارى اكتر هدوم مريحة بالنسبة لهم
28) عربيه البيبي بتاعه الشارع
29) كابات او طواقي للراس
30)سودو كريم
31) مسحوق غسيل

ثانيا :
مستلزمات الحج :
جوانتى ونقاب يبقوا معاكى عشان بعد ماترموا الجمرات بتتحللى وبتلبسيهم عادى
المقص عشان تقصي شعرك يوم العيد بعد رمي الجمرات
فازلين وتدهنى عند رجلك من فوق كتير عشان ماتحصلش تسلخات
اللبس : عبايتين سود وعبايتين للجلوس والنوم واسدال الصلاة وطبعا كتري من الهدوم الداخليه عشان
الحر كل شويه هتاخدي شاور وهتغيرىشورت اوبنطلون علشان التسلخات واللبس يكون خفيف عشان الدنيا حر
موت الصبح ولبس تقيل عشان بليل برد فى منى
الحذاء : يكون شبشب محترم اسود او سابو ملهوش اى كعب بس الشبشب اريح يكون
مقفول شوية من قدام عشان لو حد داس على رجلينا وده وارد جدا وشبشب حمام

كرسى تقعدى عليه فى عرفات وخصوصا للى بيرضعو
الطرح : تكون قطن عشان تثبت عشان الحرير بيتزحلق في الحركه والزحمه وهتقرفك
شراااااباااات هاتى اكتر من واحد ويفضل الشرابات اللي متبطنه من جوه ومن تحت بتبقى طبقه
بلاستيك …(هتلاقيها عند الهرم هتقوليلي اشمعنى الشرابات دى هقولك في الطواف والسعي هتريحك من احتكاك
القدم بالارض ..وكمان متبطنه يعني هتحميكي من خبط الكراسي المتحركه في رجلك ..كل شويه تلاقي
كرسي خبطك وعور رجلك خصوصا في الطواف
الفوطه
الصابون (يفضل يكون معقم )وغير معطر
ديتول بخاخ معقم للايدي
كمامات
الادوية (سودو كريم للتسلخات – مسحه طبيه ولزق طبى للجروح -فيتامين سى (فواراو مضغ)-بنادول- ادوية
البرد – انتينال وفلاجيل للمعدة- مطهر – مضاد حيوى – مضاد حيوى للجروج- ادوية كحة-
قطرة للعين)
شنطة ايدك الصغيره لازم تبقى كروس او اكس اللي بتتعلق بالورب في الكتف
مناديل
ملاية وكيس مخدة
وفوطة وجة
سجادة صلاة
شامبو وكريم وفرشة الاسنان والمعجون وكريم وجة وماتلبسى دهب احسن عشان تبقى براحتك
نوتة للكتابة وقلم او اتنين لان فية دروس بناخدها وستات داعيات بيجو يوعظونا ممكن تكتبى
حاجات كتيرة وراهم
مصحف صغير للقراءة وهما بيوزعو كتب كتير للادعية هناك
شاحن لتليفونك واشحنى الخط قبل ما تروحى
ملحوظة :
انا عايزة الفت نظركم لحاجة بالنسبة للعصير طبعا هتلاحظوا ان الحملات بتوزع عصاير برتقال طبعا
عشان فيتامين سى بس للاسف عصير البرتقال بيدر البول فحاولى تقللى منه عشان دخول الحمام
لان الحمام غير متاح فى بعض الاماكن الا بصعوبة وخاصة فى المزدلفة عمرى ما هنسى
طابور الحمام هناك فحاولى تجيبى مثلا علب صغيرة لحليب طويل الاجل او عصائر انواع اخرى
غير البرتقال

• لوازم الحج