كيف اجعل اهل زوجي يحبوني

طريقتي في كسب اهل زوجي

كل صبح اتصل في عمتيه و عميه و اصبح عليهم و اخلي احفادهم يرمسونهم وعمتيه
اذا مر صبح و ماتصلت فيها تتصل تتاكد اذا نحن بخير او لا سمح الله
فينا شي ومرات اسير لها لين بيتها اصبح عليها و نتريق عندها انا وبنتي وولديه
ونرجع البيت وطبعا اخذلها شي من صنع ايديه وقبل ما اروح اخذ اذن من بوعيالي
واروح لها بس اقولها اني خذت اذن من بوفلان وييتج اشتقت لج

*ما احب اقلل من قيمة زوجي قدامهم ودايما ازقره يا بوفلان واحاول قد ما اقدر
ارفع راسه جدامهم واحسه يفتخربي

*اذا سرت اتسوق وخذت العاب حق عيالي اخذ لاخت زوجي الصغيره نفس ما اخذ لعيالي
و اخذ لاخته اللي توها بسن المراهقه شي يفيدها مثل الاشياء اللي تعلمها الخياطه والتطريز
والرسم ع القماش او ادوات الرسم ع الزجاج او كتب مفيده

*اما اذا تسوقت وخذت حق نفسي اخذ لخواته المعرسات اشياء حلوه مثل قطع (قماش) اطقم
صلاه او عطور و مرات اخلي الهديه لعيالهن واخذ لهم ملابس ماتقل في المستوى عن
ملا بس عيالي واتذكر عمتيه بشي تستفيد منه مثل دخون او مخمرية او شيل البيت
وشيل الصلاه واتذكر عمي بساعه او عطر او عود

*اذا كان عندهم مناسبه مثل عرس اوقف معاهم كان المناسبه مناسبة وحده من خواتي

*في ليلة شهر رمضان مثلا اطرش لهم اذكار وكرت تهنئه و سلة تمر (بالهيل او
بالجوز او بالفستق ) المهم شي يديد وهذي الفكره خذتها من ربيعتي الله يسعدها

*اول يوم من رمضان دوم عزيمة الفطور في بيتي واكون عازمه امي واخواني وخواتي وياهم
واغلب الاكلات تكون من ايدي

*و في ليلة العيد توصل هدية عمتيه وعميه مني ودايما تكون عطور ودخون وعود رجالي
ونسائي وعمتيه تموت في المخمريه اطرشلها مخمريه وللجميع سلات او صواني حلويات
وشوكولا

*اما في الايام العاديه اذا كانوا عزمين ناس وعزموني احدد لهم كم صننف حلو و
كم صنف من المعجنات واخذه وياي بس ما اروح وايدي خاليه عسب اكون ساعدت بشي
لو بسيط

* فالويك اينداسبوع اقضيه بيت الوالده في العين واسبوع اقضيه بيت اهل زوجي من دون
تفرقه بينهم وبين اهلي

*و اذا دخلت او طلعت من بيتهم لازم ابوس راس عمي و عمتيه واذكر عيالي
يبوسون راس ابوهم العود وامهم اللي هي (يدتهم)

*احرص على التواجد في احزانهم الله يعافيهم ويسعدهم دوم و في افراحهم حتى لو كنت
مريضه اوحد من عيالي فيه شي لاسمح الله اقوم بالواجب واقعد فتره واترخص

*احرص على التزاور مع خواته ازورهن ويبادلني الزياره ونرتب طلعات ورحلات عائليه واذا مثلا خلصت
من تجهيز عيالي وتكشيخهم وشفت وحده من حمياتي تجهز عيالها اساعدها في اي شي حتى
لو بسيط مثلا حتى لو في تسريح البنوتات او حتى لو البس ولدها الشوز (تكرمن)ما
عندي مانع و هالحركه تبهر زوجي ويقولي انا متاكد ان لو كان عندنا عشر عيال
بتكونين قادره على تربيتهم

*احرص على صلة اهله (عمومته و خواله والعايله الكريمه ) بالضبط مثل ما زور اهلي
وارحامي

*يوم الجمعه اذا كنا في بوظبي نسير عقب الصلاه بيت اهله و نتغدى وسطهم و
احس بجو عائلي ما يوصف

• كيف اجعل اهل زوجي يحبوني ويحترموني
• كيف اجعل أهل زوجي يحبوني بالقران
• كيف أجعل أهل زوجي المستقبلي يحبوني
• كيف اخلي أهل زوجي يحبوني
• كيف اجعل زوجى وابنى يحبوني
• كيف اجعل بالقرآن زوجي واخواني يحبوني
• كيف اجعل اهل زوجي يحبوني
• كيف اجعل اهل زوجي يحبونني
• كيف اجعل اهل زوجي يحبني
• كيف أجعل أهل زوجي يحبوني