خطوات سلق الكرنب
اهم حاجه اننا نختار الكرنبه البيضاويه مش المدوره لان المدوره بتكون للسلطه او الكول سلو
فنختار البيضاويه اللي بتكون وزنها اخف لان اللي وزنها تقيل ديه بتكون مليانه عروق من
جوه ومش هتكون حلوه ونحاول نختار اللي لونها اخضر مش ابيض كده الحمد الله اشترينا
الكرنب 🙂 مننساش بقي نجيب الخضره معانا بالمره 😀 يالا كفايه رغي ونبدا بالمقادير 🙂
المقادير:
اولا مقادير سلق الكرنب:
-كرنبه-معلقه صغيره ملح-معلقه صغير كمون
ثانيا مقادير خلطه المحشي:
-كوبان ارز مصري
-حبتين طماطم
-حبيتين متوسطتين بصل
-نصف حزمه من كل من (كزبره -شبت-بقدونس)
-عودين نعناع اخضر فريش
-ثلاثه معالق صغيره ملح
-نصف معلقه فلفل اسود
-معلقه صغيره من كل من (كزبره ،كمون)
-نصف معلقه صغيره من كل من (زنجبيل -كركم-بابريكا)
-رشه قرفه
الطريقه:
هنبدا بطريقه سلق الكرنب
-هنجيب حله حجمها اكبر من الكرنبه ونحط فيها معلقه ملح ومعلقه كمون ونخلي الميه تغلي
-واكون محضره جنب الحله اللي فيها ميه بتغلي مصفاه وتحتها حله
-لحد ما الميه تغلي هشطف الكرنبه من بره كويس بالميه وهجيب الكرنبه وادخل السكينه حوالين
راسها اغرزها كويس لجوه علي حواف راس الكرنبه وانزل السكينه تحت علي قد ما اقدر
-ولمي الميه تغلي هحط الكرنبه زي ما هي في الميه المغليه واحاول انزلها تحت علي
اساس انها تكون كلها فالميه المغليه انا نزلتها بالضغط عليها بالسكينه
-بعد دقيقه كده او كام دقيقه لمي الورق الخارجي احسن انو طري(بس طري مش اتهري)
هبدا اشيل ورقه ورقه باي ماسك عندي انا استخدمت مساكه الفحم في شيل الورق وطبعا
حركه التفريغ حوالين راس الكرنبه ده هيساعدك في شيل الورق
-وهحط الورق اللي شيلتو في المصفاه اللي قلتلكم عليها
-وانا بشيل 3 او 4 ورقات وابدا اغسلهم تحت ماء جاري واحطهم في طبق علي
جنب عشان افضي المصفاه للورق الباقي
-وهكذا افضل اشيل ورقه ورقه بنفس الطريقه واغسل الورق وافضي المصفاه للورق الجديد لحححححححد ما
اوصل لجوه الكرنبه
-كده خلصنا مرحله السلق فيه ملاحظه بالنسبه للسلق لو مش عندك حله كبيره قطعي ورقه
ورقه قبل السلق واسلقيهم متقطعين واتبعي نفس الخطوات
-هنجيب بقي ورقه ورقه ونتنيها من النص
-ونقطع العرق بالسكينه
-ونقطع الورقه بالشكل ده مستطيلات رفيعه
-هنفردهم بقي هيكونو شرايط طويله نقطعهم بقي حسب حجم المحشي اللي عاوزينو
-وهكذا وهكذا لحححد ما نخلص الاوراق كووولها واما نخلص الكميه كلها انا بحب احطها في
مصفه واديها شطفه بالميه زياده تاكيد كده :))) وبعدين بحطهم في طبق واغطيهم انا بصراحه
بفضل ادخلهم الفريزر قبل ما استعملهم بيكونو افضل واطري بس ده براحتك ممكن تستخدميهم علي
طول
هنا حطتهم في طبق ودخلتهم الفريزر شويه ثلاثه ساعات تقريبا وممكن بقي تحفظوهم بالفريزر اسبوع
او اتنين
