كلمات عن الام الميته

ياامي يا اغلى من حياتي
يايمه كيفها حالك انا حالي غدى احزان
عقب مارحتي يايمه غديت بكل متاهاتي
يايمه جابني شوقي وقلبي لشوفتك عطشان
مشيت دروب يايمه وطالت بي مسافاتي
اناشوقي زها بصدري مثل ما ورق الاغصان
خذاني الشوق لك يمه وزود فيني لوعاتي
يايمه جيت ابي حضنك وابي عطفك مع التحنان
ابي ابكي على صدرك الين اجف دمعاتي
وابي اقبل جبين شع ومواطن تحتها الغفران
ابي اصرخ واخليها تكسر حزن عبراتي
ابي اسولف لك انتي وبس سوالف تروي الضميان
بقول اللي حصل لي من رحلتي يابعد ذاتي
ابندب حظي العاثر وبحكي كان ياماكان
عن ايام مضت ودي تعود لي بمناماتي
ابي اسولف واقول امي واملي بصيتها الاكوان
من حقي اسولف عنك يا ناري وجناتي
من حقي اقول امي واحكي والحكي اشجان
ومن حقي اتنومس فيك يا اول بداياتي
ابي احكي واسولف عنك يا اغلى من الوجدان
ولكن الحكي وقف وخانتني عباراتي
الا يالعنبو كل المعاني وقفت قصران
متى توفي واسولف عنك يا امي يا اغلى نشواتي
انشهدكل شي عقبك غدى باهت بدون الوان
فقدت الحب والتحنان ومعها كل راحاتي
اشوف الحزن جايركض على قلبي وهوولهان
بيحرق مابقى بقلبي وينثر باقي رفاتي
ذبحني الشوق يايمه وعقبك صرت انا تلفان
قتلني بعدك الظالم نحر فيني سعاداتي
غيابك فجر بقلبي زلازل زوبعه وبركان
صفير الريح في جوفي كوتني وزادت اهاتي
حياتي انتي ونور القلب والاعيان
ضناني الشوق لك يمه وانا مدري وش سواتي
بعد ماغبتي يايمه نحر فيني الزمان ازمان
نقرتين لعرض الصورة في صفحة مستقلة
الا يامن يرجع لي زمانن ولى وفات:ي:
ماكنت احسب لموتك يابعد ناسي ابد حسبان
رحلتي في الخميس واصبح يتيم مثل حالاتي
في ذيك الليل سولفنا والحكي نشوان
ضحكنا ملء هالكون ولا ندري وش الاتي
جلست اوكلك بيدي وشبعتي يابعد من كان
مسحت شفاك وبستك وقلت رضاك غاياتي
مسكت ايدي وقالت عسى تزهد بها النيران
وانا قبلت مابين العيون وقلت ياذاتي
عساني ماني من اللي بدل الطاعه لك بعصيان
رضاك يهمني والله وهو اخر محطاتي
وفجاه كل شي صار قلب ذاك الفرح احزان
خذاك الموت من يدي وانا ابكي كل لحظاتي
سليت الموت يايمه وخذاني عنه النسيان
واثاري الموت ماينسى وهو هادم ملذاتي
ياليت الموت لولحظه صبر ما غمض الاجفان

ترك لي امي اقولها بقايا من حكاياتي
حضنت امي وانا ابكي واقبل كل شي بان
رجيتك لاتخليني خذيني بكل حالاتي
رجيتك يابعد كلي وكلي لك غدى شفقان
انا ودي املي منك يمه كل نظراتي
بكيت وصحت باعلى الصوت انا الهايم انا الغرقان
انا اللي في متاهاتي شرقت بكل غصاتي
الا ياجرحها كبدي بعد مالفوا الاكفان
وراحت مني وغابت وصارت هي نهاياتي
هجرني الفرح يايمه وصرت اعيش انا بحرمان
بكيت وزادت العبره وشقت صدري وناتي
احس اني اعيش بكون فاضي مابه اي انسان
احس بوحشه الدنيا بعدها كل شي ماتي
دريت ان الفرح كذبه وحكايه مالها عنوان
وعرفت ان الزمن غادر ذبحني بصمت وسكاتي

خاطرة حزينة على وفاة الام
امي….
استفز اللحظات .. فتهرب اللحظه

استدعي الكلمات … فتختنق العبره

يعتصرني الالم .. وتندثر شجاعتي .

ويدمرني الياس

يطول الانتظار .. واقطعه بالاستغفار

مااشد وطاة الفراق .. ومااتعس من يعيشه

يااجمل شيء في ذاتي … وفي حياتي

ياهوائي الطلق الذي كنت اتنفس منه

في داخلي اناديك … واهيم اليك

احساسي يبحث عنك ..

واحلامي تتخيل صورتك

انتي معنى حياتي …..

خطوط من قلمي ارسم حروفك

وقدرك في صدري جاوز كتاباتي

صورتك كل يوم احتضنها….

ومشاعر قلبي اسطرها

ظلام البعد يظللني

اصبحت كاالغريقه تغرق في بحر دمعاتها

رحيلك يا امي عناء ترك في النفس حسره

وفي القلب لوعه

ااا ه ياامي ما اقسى الحياة بدونك

اقدام بلون الليل تسحقني …

ودموعي احرقت جفن عيني

دقات قلبي تقول امي..

لوكان مكاني جبل لتداعى واندثر

.. امي … لن انساك ابد الدهر
لن انساك يا عطر الياسمين
لن انساك ياعبق الرياحين
لن انسى قلبك الكبير

ياحبا فقدته ..
اعاهدك وانتي بين يد الله

ان اكون بارة بك .. وفية لك

يامن زرعتي في قلوبنا

وقلوب كل المحيطين بك

الحب بدون تكلف او تملق

يامن اعطيت بالود التراحم بين الناس

رحلت عنا … وكان القدر

يريدني ان اتجرع مرارة الفراق

ووحشة البعاد .. رحماك يارب

ينتهي الكلام ..وتنتهي الحروف

ويبقى اسمك في دمي …..

وفي عروقي ..وفي لساني

كيف اوفيك حقك بكلماتي

كيف لي ان ارثيك !!!
وانا المحتاجة لمن يرثيني فيك..

احبك يا اماه

اين انت يا امي
يا روحا طاهرة تهيم من حولي
يا حضنا دافئا كم شكوت اليه همي

بفراقك يا امي فارقني الامان
احسست بغربة في الزمان والمكان
ذهبت وذهب معك كل الحنان

امي
ياروحا طاهرة تهيم من حولي
يا حضنا دافئا كم شكوت اليه همي

اشعر بروحك العطره تظللني
في ذهابي وايابي تتبعني
فانت يا حبيبتي دائما معي
لايغيب كلامك عن سمعي
حتى اناملك اشعر بها تمسح دمعي

برفق تهمسين وتقولين..لاتبكي
لا تبكي فانا كما قال رب العالمين
من الاحياء عنده وفي الجنة امشي
امي
يا روحا طاهرة تهيم من حولي
يا حضنا دافئا كم شكوت اليه همي
موسوعة الكلمات عن فراق الام مؤثره

خايف عليها من الثرى غطاها..
والا الحصى حافيه اخاف اذاها..
اكرم عليها بالكفن يامطوع
.. بالبيت ظل فراشها وغطاها..
اكرم عليها بالكفن هذي(امي )..
واشهد عليها بما عطت يمناها..
هذا الضحى والليل يتحرونه ..
هذي السماء ونجومها تنعاها..
هذي السوالف مثلنا تبكيها..
والارض تنشد عن اثر لخطاها..
هذي الكبيره كبر هذي الدنيا..
هذي العظيمه جل من سواها..
ابكي عليها مو نهار وليله..
ولا سنه تمشي واعد قضاها..
ابكي عليها كثر ماشالتني..
وكثر الحنين اللي اختلط بغناها..
وكثر الاسامي وكثر من سموها..
وكثر النجوم وكثر من يرعاها..
ابكي عليها من القهر يادنيا..
من لي انا..من لي عقب فرقاها..
من فتحت عيني ولا خلتني ..
شوفو ولدها بالقبر خلاها..
هل التراب بوجهها ماقصر..
شوفو ولدها كيف هو جازاها..
لو انها بمكاني ماسوتها..
لكن اعز عيالها سواها..
“يالدووود” شفها ذابله جنبها..
انا ولدها وحاضر وافداااها..
قطعني هاك اللي تبي من جسمي
.. بس الكريمه لاتجي بحذاها..
اوصيك امانه قلها تعذرني..
وتكفى ترووح تحب لي ماطاها..
ابيها تغفر لي مثل ماكانت..
كل خطوه مني تصيبها ترضاها..
يالله عساها بالنعيم الخالد ..
وعسى في جنة عدن سكناها..
يافضي هذا الكوون ياهو خااالي ..
ياضيق هذي الدنيا يامقساها..
يامر طعم فراقها يامره..
ماني مصدق ارجع وماالقاها..
ياليتها ماراحت وخلتني..
او”وسعت لي بالقبر وياهااا”.

• كلمات عن الام الميته
• كلمات عن رحيل الام