طعم البعاد صبار .. والغربة ليل بهتان
ياقلبى ياموجوع .. اياك تكون قلقان
لو طالت المسافات .. انا والامل اخوات
وتالتنا كان الليل .. ده انا ليا فيها النيل
وليها فيا الروح .. ما اخترتش انى اروح
ما انا جوعى كان كفران .. ملعون ابوك ياطموح
اخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل
لكنى مش بتشاف .. زهرة سنينى عجاف
مع انى ليا عزيز .. افتونى فى رؤياى
لموا الامانى ازاى .. حطوها على الباسبور
احلامى صبحت بور .. ممنوع عليه الضى
لكنى مش قلقان .. تذكرتى رايح جى
البعد عنك خوف .. وانا عالرجوع ملهوف
لكن هعود ازاى .. ومكانى كله ضيوف
ياقلبى ياموجوع .. يا اهه حاضنة دموع
حب البلد بيعيش .. لما يموت الجوع
ياحضن بيساعنى .. واحتجت له وباعنى
ساعة ما مد ايديه .. شاور وودعنى
لكنى مش قلقان .. تذكرتى رايح جى
- تذكرتي رايح جاي
- كلمات تذكرتي رايح جاي
