المقادير والطريقة خطوة خطوة
مقادير الكراميل
ثلثين كوب سكر
مقادير الكريمة
2بيضة
كوب لبن
نصف كوب سكر
كيس فانيليا
مقادير الكيكة
2بيضة
ثلاث اربع كوب زيت ذرة او عباد الشمس
ثلاث اربع كوب لبن
نصف كوب سكر
كوب دقيق
ربع كوب كاكاو
2ملعقة كبيرة بيكنج بودر
طريقة التحضير:-
اولا الكراميل
نحط تلتين كوب سكر في حلة على النار ونسيبهم لحد ما يباة لونهم كده …وخدوا
بالكم احسن يتحرق
ونصبهم في صينية متوسطة ونحرك الصينية لحد ما الكراميل يملاها كلها…بس خدوا بالكم لازم تمسكوا
الصينية بحاجة علشان ما تلسعكوش …ونسيب السكر على جنب لحد ما يبرد خالص
ونبدا نعمل في الكريمة
ثانيا الكريمة
نخلط 2بيضة مع كوب اللبن في الخلاط (بتاع الطماطم)
ثم نضيف السكر والفانيليا ويتم خلطهم فى الخلاط جيدا ويضاف على الكراميل السابق تحضيره
ثالثا الكيكة
نضع 2 بيضة مع ثلاث اربع كوب الزيت (يعني كوب الا ربع) مع ثلاث اربع
كوب اللبن ونصف كوب سكر فى الخلاط(برضه خلاط الطماطم)
ويوضع هذا الخليط فى طبق عميق ونقوم بنخل كوب دقيق وربع كوب كاكاو و2 ملعقة
كبيرة بيكنج بودر على هذا الخليط
هنا حطيت الخليط في طبق عميق
وهنا اضفت عليه الدقيق والكاكاو والبيكنج بودر..اوعوا تنسوا البيكنج بودر
ويقلب بخفة بمعلقة بلاستيك او خشب …(قلبوه من تحت لفوق على شكل حرف 8)
ونصبه في الصينية اللي فيها الكراميل والكريمة وما تخافوش هما هيتفصلوا لوحدهم..امال هما سموها
نحط الصينية ده اللي فيها الكراميل والكريمة والكيكة في صينية تانية اكبر منها فيها ماء
مغلي بارتفاع 2 سنتيمتر تقريبا…
توضع فى درجة حرارة 190درجة وبتاخد ساعة
وده شكلها بعد ما طلعت
وبعد ما تخرج من الفرن نتركها ربع ساعه تهدا ثم نضع على الصينيه طبق التقديم
ونقلبها
