وحشتيني
وحشتيني..
وبعدي عن عنيك السود..
على عيني .
وحشتيني ..
وشوقي كل يوم بيزيد ..
لأحلى خدود..
تزينها نجوم وورود..
وصوتك لو يصحيني.
وحشتيني.
وحشني الهمس في همسك .
ونبض الحب في حسك .
وغيرتي لو نسيم الصبح …
يا عمري…
في يوم مسك.
أنا بكره اللي جاي ليك
أنا يومك .
أنا أمسك .
وبعدي عن دفا قلبك بيكويني
وحشتيني
بجد بقول وحشتيني
و شيء يرضيك يرضيني .
وتفديك عيون القلب ..
تفديك شراييني
وعين ما شافتش غير حسنك .
بتشهد لك ..
وكل الكون بيشهد لك …
بإنك شمس في جبيني .
وحشتيني
ولما في يوم أعود ليك
وأحط اديا في إديك
وابدا خطوتي بيك ..
وأضمك ضمت المشتاق ..
تضميني.
وترويني .
ومين غيرك هيرويني
ومين زيك هيسقيني
وأنا العطشان و طال بعدي
و حبك أغلى شيء عندي
يا ست الحسن يا بلدي
- هشام الجخ وحشتيني
- صورة وحشتينى اكثر
- صوركصيدة وحشتينيبجد
- كلمات قصيده وحشتيني لهشام الجخ
- كلمات هشام الجخ وحشتيني
- هشام الجخ اخر قصيده اكتبهالك موسيقي MP3
- وحشتينى وبعدى عن عنيكى السود
