محمد صلاح المصري يكتب: أم الشهيد (قصيدة)
مش هلبس حاجة سودة
مش هعلن الحداد
أنا ابنى لسه عايش
منور البلاد
أنا ابني احلي غنوة
يرددها الولاد
أنا ابنى كلمة حلوه
في قاموس الامجاد
أنا ابنى مات شهيد
بس عايش في السما
أنا مات سعيد
عشان رجع حقنا
أنا ابني عايش متهني
في جنة ربنا
أنا ابنى مغبش عني
دي روحه وسطنا
أنا لسه شايفة صورته
وصوته فى ودننا
أنا لسه بايسة قورته
وهو بيقولنا
هنفدى يا امى بلدنا
بكل نقطة في دمنا
هنحميها عشان ولادنا
ميشربوش مرنا
مش هنسيب حد خاين
عايش وسطنا
يأخذ قوتنا وقوت عيالنا
ويمص في دمنا
بإيده يقرر مصيرنا
يجوعنا ويذلنا
أنا ابنى أدي المهمة
أنا ابنى ادى الرسالة
حمي بلده بزمة
وأنا مش طالبة غير العدالة
من ديوان: “شفتني وأنا ميت”.
- قصيدة مش هلبس حاجة سودة
- قصدة شعر عن ام الشهيد
- شعر مش هلبس حاجه سوده
- قصايده مش هل
- شعر مش هلبس حاجة سودة
- شعر مش هلبس
- شعر عن ام الشهيد المصرى
- ديوان شفتيني وانا ميت
- انشدو احلا نشيد واغمروها بي الورد انه ام الشهيد
- يا ام الشهيد
