قصص جميلة ومضحكة

كان يا ما كان في قديم الزمان، ملك عنده ثلاث بنات .

حب في يوم من الايام انه يختبر حبهم اله. جاب الكبيرة وقالها : يابا يا حبيبتي
قديش بتحبي ابوك الملك .

البنت من غير تفكير : بحبك قد ما السمك بحب البحر .

الملك فكر وقال في باله : ايهو السمك بقدر يعيش بدون بحر .

هاي البنت بتحبني كتير . وقال الها : انا كنت عارف انك بتحبيني بس مش لهدرجة
وقام اعطاها قصر كبير ومجوهرات .
جاب البنت التانية وسألها نفس السؤال . فقالتله : بحبك قد ما الطير بحب السما انبسط
الزلمة وكيف . واعطاها قصر جنب اختها ومجوهرات .
بعدين جاب البنت الصغيرة ( اخر العنقود اللي بموت فيها ) وسألها نفس السؤال .

قامت جاوبته : بحبك قد ما الدقة ( يعني زعتر ) بتحب الشطة .

الزلمة زعل وعصب وقام لفحها كف. ومسكها من شعرها وزتها برة القصر.

وما رضي يسمع منها ولا نص كلمة .
البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية
ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .

ودارت الايام ومرت الايام . وفي يوم من الايام كان الملك قاعد بتصيد بالغابة ونسي
حاله وسرح وضاع بالغابة دور على المرافقين .
ولا هم هون . طب الحرس . فص ملح وداب ؟؟؟ . ضل الملك يمشي
ويمشي لغاية ما لقي هالكوخ لصغير . قال بفوت برتاح وباكلي لقمة . دق على
الباب فتحلوا صاحب البيت وهو مش عارفه . دخلوا جوا وهو شايفه تعبان . وصار
يحكي مع الزلمة . مرته مش خافي عليها الصوت . قام الزلمة بيقول للمرة اذبحيلنا
جاجتين خلينا نتعشى ونعشي الضيف . المرة مين طبعا ؟؟ واضحة بنت الملك الصغيرة .

بدت تشتغل بالجاجات وخطر على بالها فكرة . نادت جوزها وقالتله خود شوية الدقة (
يعني زعتر ) هاي مع صحن زيت سلكو فيهم على بين ما يخلص الاكل شكله
الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله :
اتفضل يا عمي على بين ما يجهز الاكل . الملك ميت جوع وهو بحب الدقة
( كمان يعني زعتر ) كتير . ما بلع اول لقمة ولا صار بده يستفرغ
. وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟

وفجأة اتذكر بنته الصغيرة وصار يعيط . قاله الزلمة :. شو مالك يا زلمة انت العاقل
. كل هاد مشان شوية دقة ( زعتر يا جماعة ) هسة الجاج بخلص. راح
الملك حكى للزلمة القصة . وهو خلص من هون نطت البنت وقالت : بخ كيفك بابا
؟ عرفت اديش بحبك ؟
وهيك عرف الملك قديش بتحبه بنته . وجابتله دقة بشطة . طبعا ما اكل منها
ولا لقمة لانه نزل بالجاج جرد , واعطاها قصرين ومجوهرات .

قصة جحا:

جحا ذات يوم كان يتسوق فجاء رجل من الخلف وضربه كفا على خده فالتفت إليه
جحا وأراد أن يتعارك معه ولكن الرجل اعتذر بشدة قائلا: إني آسف يا سيدي فقد
ظننتك فلانا فلم يقبل جحا هذا العذر وأصر على محاكمته ولما علا الصياح بينهما اقترح
الناس أن يذهبا إلى القاضي ليحكم بينهما ، فذهبا إلى القاضي ، وصادف أن ذلك
القاضي يكون قريبا للجاني ولما سمع القاضي القصة غمز لقريبه بعينه ( يعني لا تقلق
فسأخلصك من هذه الورطة ) ثم أصدر القاضي حكمه بأن يدفع الرجل لجحا مبلغ 20
دينارا عقوبة على ضربه فقال الرجل : ولكن يا سيدي القاضي ليس معي شيئا الآن
فقال القاضي وهو يغمز له أذهب واحضرها حالا وسينتظرك جحا عندي حتى تحضرها ، فذهب
الرجل وجلس جحا في مجلس القاضي ينتظر غريمه يحضر المال ولكن طال الإنتظار ومرت الساعات
ولم يحضر الرجل ففهم جحا الخدعة خصوصا أنه كان يبحث عن تفسيرا لإحدى الغمزات التي
وجهها القاضي لغريمهفماذا فعل جحا؟قام وتوجه إلى القاضي وصفعه على خده صفعة طارت منها عمامته
وقال له : إذا أحضر غريمي ال20 دينارا فخذها لك حلالا طيبا ، وانصرف جحا
.

قصة ( بغبغ )

واحد راح المطعم ، لقى لافته كتب عليها ( إذا اردت ان تعرف سر بغبغ..أشتر
همبرغر)شرى همبرغر لقى داخلها فيها رسالة اذا اردت معرفة سر بغبغ أطلع من المطعم و
روح يسار طلع و راح يسار ولقى لافتة كبيرة مكتوب عليها اذا اردت معرفة سر
بغبغ أذهب بيتكم وشغل التلفزيون شغل التليفزيون وجد أخبار تقول اذا اردت معرفة سر بغبغ
اشتري تذكرة سفراشترى تذكره لقى مكتوب على التذكرة (اذا اردت معرفة سر بغبغ اذهب الى
المطار وسافر ألان) لما راح المطار ركب الطيارة و لبس حزام عندما ركب و الطياره
و وأقلعت الطياره.شاف لوحة مكتوب عليها اذا اردت معرفة سر بغبغ نط بالبحر وعندما نط
وجد زجاجة فيها رسالة!!!!!:إذا أردت معرفة سر بغبغ أحذف الزجاجة وستسمع صوت!!؟؟ فعندما حذف البطل
طلع صوت(بغبغبغبغبغ)!!!!!

• قصص جميلة ومضحكة