عارف يعني ايه عزة نفس

صادف غرورك عزة النفس فيني .. ولا خضعت بعزة النفس معذور
في تعاملاتنا اليوم .. وتعامل بعضنا الاخر الكثير من الصفات الحسنه والحميده
والسيئه المبغوضه ..
عزة النفس
دايم تصير مواقف من حولنا البعض يجيد التصرف فيها والبعض لا يجيده خاصة
اوقات الزعل والعصبيه وهالامور ..
لما نعصب من اشخاص قريبين لنا او يصير بيننا وبينهم سوء تفاهم ويبدا كل واحد

فينا يبعد عن الثاني .. ونبقى بعيدين عن بعض لفترات طويلة .. ولما نجي نفكر

نسامحهم نقول : لا هم الغلطانين .. كرامتي اهم
ليه انزل نفسسي لهم ! ليه ما يعتذرون لي هم ..! ونرجع نعيش بعيدين عنهم
وهم
بعيدين عنا ..
والسبب في هذا الكرامه

مره وحده من معارفي تكلمني تحكي لي عن مشاكلها مع اختها تقول صار بيني
وبينها سوء تفاهم ولها 3 شهور ما تكلمني 🙁
قلت السبب ؟ قالت مره كنا عند ناس وكانت معصبه قالت امي قومي صبي التفت
عليها قلت لها قومي صبي قالت : اقول اسكتي اسكتي ..
قالت لي كذا قدام الناس وتبيني اسامحها .. قلت بس انتم اخوات قالت بس ذلتني

قدام الناس كرامتي ما تسمح لي اروح لها اعتذر منها وهي الغلطانه

واعرف وحده برضو متزوجه صار بينها وبين زوجها مشكله هي معصبه وهو معصب طلعت من
عنده وراحت لاهلها وطولت هناك لا هي اعتذرت له ولا هو
اعتذر لها ..
لما يتكلمون معها يقولون لها هذا زوجك وبادري انتي بالحسنه تقول وكرامتي امسح
فيها الارض !
اخليه يغلط علي مره ومرتين واهين كرامتي له .. واعتذر منه ؟!
قالوا لها بس هذا زوجك .. واللي بينكم اكبر من سالفة كرامه وما كرامه ..؟

قالت ولانه زوجي ماراح اسمح له يهين كرامتي اول مره عشان مايتعود ويهيني كل مره
.. اهون عندي ابقى في بيت ابوي ولا اهين كرامتي لشخص واعتذر !

يعني معقولة توصل احيانا كذا بين الزوجين ! هذي نقدر نسميها مساله عزة باثم

ذكرت اغنيه رابح :
( افترقتوا مو هذا اللي تبونه ..! طيب ليه كل واحد عايش في الم !

ماتعبتوا من شعور تكتمونه ..! والا هي مسالة عزه باثم )

ترى اذا جينا للجد كثير ناس يمشون على هالنقطه يكابرون ويتعبون .. كله عشان
مايعتذرون ولا يهينون انفسهم ..

الحين فيه كثير ناس ماخذين الاعتذار اهانه .. وانه اذا اعتذر يمسح بكرامته الارض
وانه يصير انسان تافه مايسوى شي .. ع ان الدنيا هذي فانيه وكلنا بنموت وبنتركها

انا ما اقول كذا معناها اني بهين كرامتي واسامح كل واحد يجي ويغلط علي ..
صح
انه المفروض كذا .. بس شي اصلا غصب ع الواحد موب بيده 🙁
انا راح اقولكم بعد موقف وحده تقول ان زوجها ضربها .. وشالت كل اغراضها
وراحت لبيت ابوها .. مر يومين .. وثلاثه ايام الرجال خلاها لين تهدا وهي كل

مامر يوم تقول ازيد حقد عليه ليه مادق يعتذر ..! قلنا لو دق بتردين قالت
لا طبعا
بس ابيه يدق ويدق ويدق وبطنشه
المهم الرجال دق بيعتذر لها ماردت عليه .. ودق مره ثانيه ولا ردت عليه وارسل

لها مسج ونفس الشي مطنشته ..
ارسل : انا اعتذر وكانت لحظه غضب وخذي مني وعد رجال ما المسك مره ثانيه

واذا تكررت الحركه ارجعي لبيت ابوك ولا تكلميني ابد ..
وهي مستمره تطنشه وتقول لا كرامتي اهم .. كرامتي اهم ..
المشكله هي تحبه ومهما صار زوجها .. بس مره ماسكه معها واذا احبه بدوس على

قلبي وانتصر لكرامتي ..
اذا عاش الانسان بدون كرامه .. مايكون له قيمه
وجلست تكابر ولعب في راسها الشيطان لين تركها زوجها وانتهت بينهم بالطلاق عشان كرامتها ..

انا مدري وش الاهم نطاوع قلوبنا اللي تخلينا نسامح كل اللي نحبهم ونرضى باي
شي منهم !
والا نطاوع الكرامه اللي بتبعدنا عنهم .. وبتخلينا نظل نكابر ونكابر ونكابر لين نفقد
الاشخاص اللي نحبهم !
المشكله احيانا تصير سالفه الكرامه وعزة النفس بين الاخوان والاخوات وهذا اللي يقهرني ..
مثل اخوات ثنتين كبار صارت مشكله بسيطه بين الاطفال وتدخلوا فيها الكبار وكبرت
السالفه وكل وحده قاطعت اختها عشان اللي صار ..
وكل وحده خصصت لها يوم عند اهلها مايجتمعون بيوم واحد .. وكل وحده لما يقولون
لها اعتذري للثانيه تقول وكرامتي
انا بصراحه ما اؤيد ابدا سالفه الكرامه ومالكرامه بين الاخوان والاخوات يعني هم
من لحمي ودمي .. تربينا مع بعضض وعشنا مع بعض سنوات طويله في بيت واحد

وشلون عشان اطفال صغار عقولهم صغيره اقاطع اختي واقول كرامتي ماتسمح لي ..

وقصص كثير نسمعها عن الكرامه ووش الاهم الكرامه والا القلب وتختلف وجهات النظر ..
الكرامه مع الحبيب .. الكرامه مع الصديقات .. الكرامه مع الاهل .. الكرامه مع الاخوات
والاخوان ..

وانا عندي قناعه ان اغلب اللي يكابرون عشان كرامتهم ينطبق عليهم
( مسالة عزة باثم )
احتاج قصصكم وتجاربكم ومواقفكم مع الكرامه وعزة النفس واللي صاير
له موقف في الكرامه وندم عليه ..
او انه صار له العكس تمنى مثلا انه تمسك بكرامته .. عشان ماينهان

• عزة نفس

• عارفه يعني ايه عزة نفس
• عارفة يعني ايه عزة نفس
• بوست يعني ايه عزة نفس
• عزه نفس
• عزة نفسي
• عارفة ايه يعني عزة نفس
• عارف يعني ايه عزة نفس
• عارف يعني ايه عزة النفس
• صور عزة نفس
• شعر عارف يعني اه عزت نفس