ا
لسلام عليكم ورحمة الله
اعتقد مفيش حد مش بيحب الفطير المشلتت ..
يا سلامياسلام عليه مع المربى واللا العسل .. ويبقى فطار مميز
جربت كذا طريقه مره اعجنه بالميه ومره بالحليب ومره اعمله بالسمنه ومره بالزبده وهاقولكم على
احلى طريقه عملتها وكمان على طريقتين بالصور ممكن تلفي بيها الفطيره
نبدا بسم الله بالمقادير لعمل فطيره واحده:
4 كوبايات دقيق – ربع معلقة ملح –
كوباية ونصف حليب دافي (او كوباية حليب ونص ميه)
الفطيره هتحتاج
كوب (ربع كيلو) لكوب ونصف زبده بلدي فلاحي لونها ابيض (يفضل تكون طريه او ذوبيها
على النار بدون ما تقدحيها )
وكل ما زادت الزبده كل ما كانت الفطيره طريه ولذيذه وممكن تصل لكوبايتين لو تحبيها
دسمه
قشطه او وش لبن لدهن الوجه
الطريقه:
تخلطي الدقيق والملح وتبدئي تضيفي الحليب والميه شويه شويه
(ممكن تزودي الميه او تقللي حسب نوع الدقيق )
لحد لما تحصلي على عجينه متماسكه لينه وممكن تشكيلها
حطيها على الرخامه او ترابيزه
وابدئي اعجني فيها مدة لا تقل عن عشر دقايق حتى تصبح لينه وتتشد معاكي بسهوله
اتركيها ترتاح نص ساعه علشان يسهل فردها
وبعدها ابدئي افرديها بالنشابه على سطح مدهون زيت خفيف
لحد لما تصبح مستديره
ثم بايدك ارفعيها من تحت عن الترابيزه وبالايد التانيه شدي الاطراف
كما في الصوره وهتلاحظي انها مطاطيه وبتتشد معاكي ..
فطير مشلتت طري ولذييييذ .. خطوات مصوره##
كرري من جميع الجهات
لحد لما تحصلي على مستطيل سمكه رفيع جدا وهتلاحظوا من الصوره انه شفاف ومبين المفرش
اللي تحته
فطير مشلتت طري ولذييييذ .. خطوات مصوره##
ادهني سطحها كله بالزبده
فطير مشلتت طري ولذييييذ .. خطوات مصوره##
ثم طبقي الطرف الشمال
فطير مشلتت طري ولذييييذ .. خطوات مصوره##
ثم ادهني سطحه بالزبده .. وطبقي عليه الطرف اليمين
فطير مشلتت طري ولذييييذ .. خطوات مصوره##
ادهني مره تانيه بالزبده وطبقي الطرف اللي تحت ثم ادهني بالزبده كويس وطبقي عليه الطرف
اللي فوق
فطير مشلتت طري ولذييييذ .. خطوات مصوره##
وكرري الدهن بالزبده والتطبيق لحد لما تخلصي الزبده وكمان تحصلي على كره شبه اللي في
الصوره
فطير مشلتت طري ولذييييذ .. خطوات مصوره##
دخليها التلاجه ترتاح ربع ساعه او لحد لما الزبده تتماسك علشان تعرفي تفرديها
وفي اثناء ذلك سخني الفرن على حراره عاليه 200 م –
او على درجة 4 او 5 في الفرن الغاز
وادهني صاج او صينيه بالزبده او السمنه كويس جدا
حطي العجينه بعد ما ريحت في الصينيه وابدئي بكف ايدك افرديها وظبطي شكلها لحد لما
تبقى مستديره
سمكها مش رفيع – يكون متوسط حوالي 1 سم
مهم انها تكون مش رفيعه علشان مش تنشف في الفرن
وقطر المستدير حوالي 30 سم
فطير مشلتت طري ولذييييذ .. خطوات مصوره##
ادهني الوجه بالقشطه او وش اللبن
دخليها الفرن الحار المسخن من قبلها ( مهم علشان تطلع طريه ان يكون الفرن ساخن
على حراره عاليه 200 )
على الرف الاوسط
وهاقول على تكه بسيطه .. اثناء تسخين الفرن ممكن تضعوا كميه بسيطه من الماء المغلي
في الصاج اللي تحت الشبكه اللي هتضعي عليها صينية الفطيره علشان تعطي رطوبه داخل الفرن
وتحافظ على طراوة الفطيره
وده شكلها داخل الفرن في نص مدة السوا .. لاحظوا كيف انتفخت نتيجة وجود الزبده
بين طبقات العجينه
فطير مشلتت طري ولذييييذ .. خطوات مصوره##
بعد ما تحمر من تحت .. شغلي الشوايه لتحمر من فوق وهذا شكلها النهائي
فطير مشلتت طري ولذييييذ .. خطوات مصوره##
غطي الصينيه بغطا مناسب او بصينيه في نفس الحجم للحفاظ على طراوة الفطيره
لاحظي ازاي هي طريه ومورقه ..
فطير مشلتت طري ولذييييذ .. خطوات مصوره##
- اي الي يخلي الفطير المشلتت طري
- الفطير المشلتت الطري جدا
- طريقة الفطير الطري
- طريقة الفطير المشلتت الطرى
- طريقة الفطير المشلتت الطري
- طريقة عمل الفطير المشلتت الفلاحى بالصور فتكات
