مقادير العجينه
6 كوب دقيق
علبة زبادي
2 كوب حليب سايل دافئ
5 معلقه كبيرة زيت زيتون
1/4 كوب سكر
2 م ك خميرة
م ص بيكنج بودر
رشة ملح
والمكون البسيط اللي اضفته هو
1/4 م ص ثوم بودر او ممكن تحطي 1/2 م ص
صدقوني بتطلع العجينه روووعه نفس المطاعم
الطريقه
نخلط الحليب الدافئ والزيت والزبادي في خلاط الطعام
ثم نضيف له كوب دقيق والخميرة والسكر
ونخلط حوالي ثلاث دقائق
ثم يصب الخليط في وعاء ويضاف لباقي كمية الدقيق بعد ما اضفنا الدقيق البيكنج بودر
والملح
يعني مش بحط ب ب والملح في الخلاط
لا بخليه مع الدقيق
ونعجن كويس جدا
وعما العجينه تختمر نكون جهزنا الصلصه
نقطع بصل ونشوحه مع شوية زيت
ثم نشوح معاه فلفل اخضر مقطع
انا بحب اشوحهم ع النار شويه احسن لانها بتدي طعم حلو
ثم نضيف الطماطم المقطعه
ونغطي حوالي خمس دقائق لغاية ما كل حاجه تلين
ثم نفرمها في المفرمه ونرجع نحطها ع النار تاني
ونضيف لها صلصة طماطم ومعلقة كاتشب
وملح وفلفل اسود وكسبرة ناشفه وشوية شطه للي يحب
ومعلقه صغيرة سكر عشان يدي توازن وماتكونش حامضه
ونسيبها تتسبك ع النار لغاية ما تنشف من المايه وتكون الصلصه متماسكه ومفيش فيها ولانقطة
مايه
ملحوظه مهمه جدا جدا
لازم ولابد الصلصة تكون باردة
بمعني ممنوع تحطيها علي العجينه وهي ساخنه
دا بيفسد العجينه ومش هاترتفع وتنفش معاكي
والسر دا انا لاحظته من نفسي
من خلال خبرتي في المطبخ
يعني انا بجهز منها كميه وبحطها ف الفريزر
ولما احب اعمل بيتزا بطلعها واخليها تفك او احطها فك الميكرويف
انا قطعت كور صغيرة من العجين وحشيت كل قطعه نقانق
وحطيتها ع الاطراف
وبعد ما حطينا الصوص
ترش عليه جبن موزاريلا
واضفت ع الوجه شرايح رفيعه جدا من
الفلفل الاخضر والبصل
وزيتون حلقات وسوسيس
ونوع تاني حطيت عليه بيبروني
ثم تخبز في فرن حامي
واليكم النتيجة النهائيه
