الكمية تكفي:4 أشخاصوقت التحضير:10 دقائقوقت الطهي:10 دقائقالمقادير:معلقتين بن مليانين على الاخر لسكر بقى على حسب
الرغبة التحضير:لو ع الريحة تبقى نصف معلقة
لو مظبوطة تبقى معلقة واحدة مليانة
لو مانو ” بين المظبوط والزيادة ” تبقى معلقة ونصف بس النصف مش مليان ”
لو زيادة تبقى معلقتين وساعات ناس تبقى عاوزها معلقتين ونصف الطبخ: هتجيبى الكنكة بتاعتك فاضية
من غير مية وتحطى فيها معلقتين البن والسكر حسب الرغبة
وبعدين تفتحى الحنفيه على حاجة بسيطة مية واثناء ما المية بتنزل فى الكنكة انتى بتقلبى
فيها
لحد ماتتملى لمقدار الفنجان بتاعك او عايرى بالفنجان المهم تنزليها بالراحة وانتى بتقلبى على البارد
طبعا
وتحطيها على نار هادية جدا
– وتستنى اقل من نصف دقيقة وبعدين تقلبى تانى وهى على النار
وكل شوية تقلبى فيها عادى ما تخافيش الوش مش هيروح بالعكس هى دى بقى التكة
السحرية
فى ان القهوة تطلع بوش وكمان تبقى مستوية جدا
لانك كل ما بتقلبيها بتخليها تطول اكتر على النار فتستوى اكتر
اول ماتبدا تطلع من الجناب كدة تسكتى بقى وتبطلى تقليب
لانك لو قلبتى تانى الوش راح ياقلبى والقهوة هتغلى وياخسارة تعبك فيها
– انتى بقى تبقى مجهزة فنجانك ويكون نضيف ومافيهوش نقطة مية عشان مش تبوظ الدنيا
تسبيها لما تطلع من كل الجناب عادى وتبداى فى الصب بالشكل ده مرة واحدة
