المقادير:
** كيلو سكر بودره ناعم
** 800 جرام سمنه(4مجات بتاع الشاى)
بعايرها سايله وبعدين احطها فى التلاجه
** 16 بيضه
** 2علبه فانيليا حلو الشام
او2ملعقه صغيره
** 2كوب لبن
** ملعقه كبيره بشر برتقال ناعم قوى عشان
ما يتحرقش لو ظهر على الوجه
**2وقيه نشادر(60جرام)او 4ملاعق كبيره معيارممسوحه
**كيس بيكنج بودر او16جرام
**من 2.5 الى 3 كيلو دقيق حسب نوعه
المره دى استخدمت 3الا ربع
الطريقه:
*نخفق السمنه والسكر كويس جدا عشان البسكويت ما يلزقش فى الصينيه لو السكر فضل لسه
مش دايب
* نحط البيض بالتدريج مع الضرب المستمر سواء باليد اوالمضرب بعدين الفانيليا من غير ضرب
كتير عشان ما تمررش
*نحط بشر البرتقال وبعدين اللبن والنشادر
*وبعدين على طول الدقيق والبودرمره واحده 2.5كيلو فى الاول
ونشوف العجينه بايدينا نضيفه ونلم حته صغيره بايدينا كده لو مش بتلزق قوى تبقى كويسه
لان لما بنسيبها شويه بتتشرب السوائل وترتاح وتظهر اكتر
يعنى ما نتسرعش فى تزويد الدقيق الا للضروره
نشكله بالماكينه ونخبزه على فرن متوسط حسب الفرن بتاعك
ملحوظات مهمه
انا بستخدم السمنه عشان بعمل كميه تقعد فتره لان الزبده بتغير ريحه مع الوقت
لوعايزه زبده يبقى كيلو بدل 800جرام
بستعمل احيانا الزبده النيوزيلندى النوع الجيد واسيحها زى الزبده البلدى بتاعتنا
والطعم هايل وممكن استعمال النباتى لو حابه نص ونص بلدى
لو عايزاه برتقال يبقى بدل اللبن عصيروانا كده كده بضيف بشر برتقال عشان ظفاره البيض
ولو جوز الهند يبقى نضيف كوب ونصف جوز هند مبشور ناعم جدا فى المطحنه
مع استعمال اللبن عادى بس من غير بشر برتقال بس شكله بيبقى خشن شويه عن
الفانيليا اوالبرتقال بس مقرمش اكتر
ما نزودش الحراره قوى عشان بعد كده بيطرى الحراره متوسطه ونحمصه شويه لو عايزاه يفضل
على طول مقرمش
باحتفظ بيه فى حله ايييييييوه حله
حله بغلفها بالبلاستيك الغزائىواحط البسكويت بعد مايبرد خالص وارصه واغطى الحله لوقت ما احتاج
عمره ولله الحمد والمنه ما يطرى ابداااااااااااا
طبعا انتو عارفين ان بسكويت النشادر بندهن الصينيه زيت قبل ما نحط فيها
- بسكويت النشادر بالزيت فتكات
- طريقة عمل بسكويت الشاي بالصور فتكات
- طريقة عمل البسكويت النشادر بالصور فتكات
- طريقة عمل بسكويت الشاي
- طريقة عمل بسكويت العيد فتكات
- طريقة عمل بسكويت النشادر فتكات
- طريقه عمل البسكويت العيد بلكيلو فتكات
