شعر مصري مضحك
كان كلب الست ام كلثوم هجم على واد مر جنب قصرها
في الزمالك من سنين و في حمى النيل القديم قصر من قصر اليمين
ملك وحدة من الحريم صوتها اكتر من الاذان
يسمعوه المسلمين والتتار و التركمان و الهنود و المنبوين
ست فاقت عن الرجال في المقام و الاحترام
صيت و شهرة و تل مال يعني في غاية التمام
اصله يعني هي كلمة ليها كلمة في الحكومة
بس ربك لاجل حكمة قام حرمها من الامومة
و الامومة طبع ثابت جوا حوى من زمان
تعمليه الست جابت فوكس رومي و له ودان
فوكس دا عقبال امانتك له دستة خدامين
يعني مش موجود في عيلتك شخص زيه يا اسماعين
و اسماعين ده يبقى واحد من الجماعة التعبانين
اللي داخوا في المعاهد و المدارس من سنين
حب يعمل واد فاكاكا و يمشي حبة في الزمالك
و الايامة و الفتاكة يرموا طبعا عالمهالك
عمي سمعة من ايامته حب يعمل فيها فيلا
بعد ما بوظ بجامته اشترى حتة مجلة
قول مش بيعرف حكاية من حكايات الغرام
و اندماجه في القراية خلا مشيه مش تمام
عاليمين يحدف بعيد خطوتين و يروح شمال
لمحه فوكس من الحديد قال : دا صيد سهل و حلال
هوب نط فكرشه دغري جاب بجامته لحد ديلها
و اسماعين بدل ما يجري قال: يا رجلي رجلي مالها
بص شاف الدم سايح من ععاليها و من واطيها
و يلي جاي و يلي رايح المجلة مش لاقيها
حبة و اتلموا الضنايا اللي هما البوابين
و الهكايا و الهوايا قالهم ده كلب مين
كلب مين ما كلب منش سمعة زود حبتين
قاله واحد فيهم امشي اللي جابك عنده مين؟
قال ده شارع يا مواشي للي راكب و اللي ماشي
كلبة من ده و كلمة من ده زاطوا وترسمت فضيحة
والنهايته و القصد من ده اسماعيل اكل الطريحة
راحوا قسم الشرطة طبعا و ترموا في الحجز طبعا لان ما ييجي الدور معاه
تفتكر يفضل سي سمعة قد ايه في الغسم نايم
استضافه الحجز جمعة يا بلاش ادي العزايم
هيص يا كلب الست هيص لك مقامك في البوليس
بكرة تتولف وزارة للكلاب ياخدوكرئيس
- الش مصري مضحك
- شعر عمي ساخر
- شعر مصري مضحك
