شعر لغزة

اجمل شعر عن غزة الصمود
معلش يا غزة بتهون
ودمعي ودمعك مدفون
واسمك بين المدن
من دون …
عاصي عكل مستكبر وملعون
ومن قال انه البطل مهيون
تعالوا شوفوا ابطالها
مثل السيف المسنون
باي قانون يا عالم
باي قانون
اسكت للي ضربني
وارسم ابتسامة مجنون
…. …. ….

وان كان النا بالموت حظين
حظ الحصار
والانتظار…
جبار يا ابن غزة جبار
عزيمة وارادة وشعلة نار
ويقولوا وقعوا القرار
وبكره يشتد الحصار
وبعده يغيب الشعب
وما يفج عليه نهار
ويقولوا جاينا اعصار
وكل مرة بنسمع انذار
بنسمع صوت المدافع
والقصف والدمار
بنسمع صرخة مريض على حاجز
بحالة الاحتضار
وبنسمع الصمت الدولي
وكانه الميت صرصار …. …. ….
وصحيح قلوبنا متباعدة
وكانه الوطن مش شايف وطن
وخلاف سبب فتنة واستخفاف
وقتل طفل صار مش اختلاف
وخطف وتعذيب اصبح امر شفاف
وقلوبنا لملمت حقد ما بنشاف
وسياستنا اطلع انا وله انت
شوف يا اخي هالاستلطاف
ثقافة لمعت الواطي والكشاف
بس هذا شعب والله ما بخاف
من يوم يومه بتصدي
وكل وقته استنزاف
…. …. ….
وان كان الوطيس سيد
وصار وقت التقديس
يبقي …
نصمد ونتحاور
ونتخلي عن كل المقاييس
ونصون شعب بحكم الله
ونحترم كل معقد وجليس
ونحب الارض
ونربي اولاد
ما يعبدوا الا رب العباد
ونحلم …
يمكن يكون بكره زمزم
ونقاوم …
بوحدتنا وعزمتنا
وسجل يا تاريخ
غزة ارض العزة

• شعر عن غزة