ياطول الوقت من دونك ثواني بالحساب سنين
حتى عقارب ساعتي وقتها شين
احسب ثواني غيبتك وانتظرها
واللهفة والاشواق مثل الشياطين
بالليل تشقيني ذبحني سهرها
والقلب ينشد عن جميع العنواين
والعين من فرقاك باعت نظرها
والليل يسال عنك يا صاحبي وين؟
باين نجوم الليل غايب قمرها
كم نسمة عييت تهل ورياحين
والورد والاشجار ذبلت ثمرها!
حتى المدينة رملها اتحول الطين
تبكي اراضيها على اللي هجرها
والكون لولا مسكنك فيه تدرين؟
كانت تبرت دنيتي من بشرها
والحزن في تقويم سبعة والفين
اليوم يشكي لي ويبكي شهرها
متى اشوفك بالاحد والا الاثنين
شوفي مواعيدك عطيني خبرها
بالله يا يومين لاجلي تعدين
كل شي حولي ينتظر ما عذرها
الهيل والنعناع والتمر والتين
واركان هذا البيت محد عبرها
وحدي انا في شرفة البيت مسكين
اقرا قوافيها واقلب صورها
اناظر الشباك روحي بروحين
انسام تسقيني بقايا عطرها
واقول للنجمات كنت تغارين
مني انا والغالية من قدرها
كنت تعرفينا لوحدك تشوفين
في بحر احضاني جدايل شعرها
كنت تغاري مننا لكن الحين
الموج في بحرك يفجر صخرها
بس اسمعيني واسكتي لا تمارين
باكر تعود الغايبة من سفرها
ارجوك يا كل الغلا لي تردين
روحي تنادي قلبك اللي اسرها
اتذكر انك كنت لاجلي تصفين
كلمات واشعار تساقط مطرها
لكن انا بهديك مني براكين
تحرق احاسيسك لهايب جمرها
مضمونها كلمات ما بين قوسين
( الوقت من دونك ملل ) باختصرها
- اتحيل لو ب علاى الحيد ن جد يدوخا جالة أطا مدر ىلي البر لرحد يرالسرحب2020
- الوقت بدونك
- صور ياطول الوقت مندونك
