سيد درويش

سيد درويش هو الاسم الفنى ل ” السيد درويش البحر ” ( اسكندريه، 17 مارس
1892 – اسكندريه، 15 سبتمبر 1923 )، اكبر ملحنين مصر في بدايات القرن العشرين و
ابو المسرح الغنائى فى مصر.
اتولد سيد درويش فى حى كوم الدكه فى اسكندريه فى 17 مارس 1893. بدا حياته
الفنيه بالغنا مع صحابه الحان الشيخ سلامة حجازى و الشيخ حسن الازهرى. دخل المعهد الدينى
فى اسكندريه سنة 1905 و بعدها ابتدا يغنى فى القهاوى.
سيد درويش من عظماء الفنانين المصريين اللى اتاثروا و التحموا ب ثورة 1919. لغاية النهاردة
لسة الحانه الناس بتتغنى بيها. مع انه اتوفى صغير لكن له الحان كتيره جميله و
شجيه عملها في مدة عشر سنين بس. من اعماله الخالدة عشر ادوار، و موشحات، و
بتاع اتناشر اوبريت اشهرها ” شهر زاد ” و ” الباروكه ” و العشرة الطيبة
“. ايام ثورة 1919 المصريين غنوا الاناشيد الوطنيه اللي لحنها زي ” قوم يا مصرى
مصر دايما بتناديك ” و ” بلادي بلادي بلادي لك حبي و فؤادى ” اللى
كلامه اتاخد من من خطب الزعيم مصطفى كامل و بقا النشيد الوطني لمصر من سنة
1979.
غنى كمان :
” انا المصرى كريم العنصرين
بنيت المجد بين الاهرامين
جدودى انشئوا العلم العجيب
ومجرى النيل فى الوادى الخصيب
لهم فى الدنيا الاف السنين
ويفنى الكون وهم موجودين “.

• صباح السيد درويش